ग्राउन्डेड विमान आजबाटै उड्ने, दोब्बर दस्तुर बुझाई सिम्रिकले नबिकरण ग¥यो इजाजतपत्र

मधुजंग पाण्डे÷राजधानी
काठमाडौ, ८ भदौ

समयमा इजाजतपत्र नविकरण नगरि आफ्ना सबै विमान ग्राउण्डेड गराएको निजी वायुसेवा कम्पनी सिम्रिक एयरलाइन्सले तोकिएको भन्दा दोब्बर दस्तुर बुझाएर इजाजत पत्र नविकरण गरेको छ । सिम्रिकले विविध कारणले नविकरणमा ढिलाई हुन गएको भन्दै एकपटककालागि दोब्बर दस्तुर बुझाएर भएपनि नविकरण गरिदिन सरकार समक्ष आग्रह गरेको थियो।  सिम्रिकको सो आग्रह सहितको निवेदनमाथि बुधबार बसेको मन्त्रीपरिषदको बैठकले एकपटकका लागि मात्र नविकरण गरिदिने निर्णय गरेसँगै विगत दशदिनदेखि सबै विमान ग्राउन्डेड भएका विमान पुनः सञ्चालनमा आउने भएको छ । सिम्रिकले अहिले इजापतपत्र नविकरण भएकाले आफ्ना सबै ग्राउन्डेड विमानहरु बिहीबारदेखि नै उड्ने बताएको छ ।
यहाँको हवाई उड्डयन नियम अनुसार सिम्रिकको इजाजत पत्र २०७२ साल वैशाखमै  नविकरण गरिसक्नु पर्ने थियो । उसले आफ्नो इजाजतपत्र नविकरण गर्नुपर्ने अन्तिम म्याद समाप्त भएको १ वर्ष ४ महिना नाघिसकेको थियो । नेपाल नागरिक उड्डयन प्राधिकरणले पनि संस्कृति, पर्यटन तथा नागरिक उड्डयन मन्त्रालयबाट लिएको इजाजतपत्र नविकरण नभएका कारण उडान अनुमतीपत्र (एओसी) नविकरण गरेको थिएन । सोही कारण गत ३० साउनदेखि सिम्रिकका विमान त्रिभुवन अन्तर्राष्ट्रिय विमानस्थलमा ग्राउन्डेड भएका हुन । गत २९ असारमा एक महिनाकालागि प्राधिकरणले सिम्रिकको एओसी नविकरण गरेको थियो । तर गत ३० साउनबाट थप भएको एओसी नविकरणको समय समेत सकिएको र पुनः नकिवरण गर्नकालागि प्राधिकरणले नमिल्ने बताएपछि सिम्रिकका सवै विमान ग्राउन्डेड भएका थिए ।