अप्रिलफुलको प्रभाव, बम राखेको हल्लाले निगमको जहाज दुई घण्टा ढिलो

मधुजंग पाण्डे÷राजधानी
काठमाडौं, १९ चैत
बम राखेको हल्लाले त्रिभुवन अन्तर्राष्ट्रय विमानस्थलबाट आइतबार १ सय १० जना यात्रु लिएर दुबईतर्फ उड्न लागेको नेपाल वायुसेवा निगमको जहाज दुई घण्टा ढिलो गरि उडेको छ ।
सबै यात्रु विमानस्थल पुगिसकेका बेला उड्ने तयारीमा रहेको जहाजमा एक्कासी बम राखिएको हल्ला चलेपछि निगमको सो जहाज चेकजाँच गर्ने क्रममा  करिब २ घण्टासम्म विमानस्थलमै रोकिन बाध्य भएको थियो ।  सो हल्ला चले लगत्तै नेपाली सेनाको बम डिस्पोजल टोली र प्रहरीले जहाजभित्र चेकजा“च गरेको थियो ।
पुर्व निर्धारित नियमित तालिका अनुसार दुबईकालागि उड्ने तयारीमा रहेको निगमको बोइङ ७५७ ९एन एसीबी जहाजमा बम राखेको हल्ला चले लगत्ते विमानस्थलमा खट्टिएका सुरक्षाकर्मीले पुरै चेकजा“च गरेको थियो । सो जहाज १ सय ८० यात्रु लिएर आइतबार साँझ  ६ ः५५ बजे दुबई जाने तालिका थियो। जसलाई क्याप्टेन वाइके भट्टराई र वाइपी जुहार्चनको टोलीले उडाउ“दै थिए ।
बम रहेको खबर पाएपछि नेपाली सेनाको बम डिस्पोजल टोली र प्रहरीले जहाजभित्र चेकजा“च गर्दा बम नभेट्टाईएको विमानस्थल कार्यालयले जनाएको छ ।
सबै यात्रुको लगेज र ब्यागेज जहाजबाहिर ल्याएर चेकजा“च गर्दा नभेटिएको विमानस्थल कार्यालयले जनाएको छ ।
अपरान्ह ४ बजे निगमको अर्को बोइङ ७५७–९एन एसिए जहाजमा बम राखेको हल्ला फि“जिएपछि सेनाको बम डिस्पोजल टोलीले पुरै चेकजा“च गरेको जानकारी गराउँदै विमानस्थल कार्यालयका महाप्रवन्धक रतिशचन्द्रलाल सुमनले निगमको दुबै जहाजमा बम नभेटिएपछि सो टोलीले साँझ ६.५५ मा उड्न लागेको एसिबी जहाजमा पनि चेक जा“च गर्दा केही फेला नपरेको बताए ।
पूरै जा“चपछि सो जहाज राती सवा ८ बजे दुबहीकालागि उडेको निगम अन्तर्राष्ट्रिय विमानस्थलक कार्यालयका प्रमुख प्रदीप कार्कीले राजधानीलाई बताए । उनले अर्को जहाज राती साढे ११ बजे मलेसिया गएको बताए ।
उनले कसैले अप्िरल फुल मनाएको शंका गरिए पनि विÈय गम्भीर रहेकाले पुरै चेकजा“च गर्नुपरेको बताए । उनले मुलुकको राष्ट्रिय ध्वजाबहाक निगमको साखलाई विगार्ने नियतले कसैले अप्रिलफुलको मौका पारेर यस्तो दुःख दिएको बताए ।
विमानस्थल स्रोतका अनुसार अपरान्ह ४ बजे मलेसियाबाट अन्तर्राष्ट्रिय विमानस्थल प्रहरीलाई निगमको जहाजमा बम राखिएको भन्दै टेलिफोन आएको थियो । निगमका प्रवक्ता राजुबहादुर केसीले अप्रिलफुलको मौकामा कुनै अपराधिले झुक्याउँदा निगमका कर्मचारी र यात्रुलाई अनावस्यक सास्ती भोग्नुपरेको बताए । उनले
दिउँसो ४ बजे मलेसियाबाट एक नेपालीले सप्तरीका एक आफन्तलाई निगमको जहाजमा बम राखेको हो भनेर सोधेको र सप्तरीको एक व्यक्तिले तत्काल विमानस्थलका प्रहरीलाई फोन गरेर सोध्दा सो हल्ला फैलिएको बुझिएको बताए । अप्रिलफुलका नाममा निगमको शाख बिगार्न खोज्ने अपराधि भएको दावी गर्दै केसीले भने, ‘ सो विषयमा विमानस्थलका सुरक्षाकमीृले गम्भिर अनुसन्धान गरिरहेकै होलान’। यस विषयमा अहिले म केही भन्न सक्दीन उनले भने ।
करिब १५ सय वर्ष अघि फ्रान्सबाट सुरु भएको एक अप्रिलका दिनमा अरुलाई झुक्याएर आनन्द लिन थालिएको अप्रिलफुलकै अवसमा आइतबार भक्तपुरको लोकन्थलीमा पनि केही व्यक्तिहरुले बम राखेको हल्ला फिँजाएर सर्वसाधारणलाई अनावस्यक सास्ती दिएका थिए । जसका कारण केही समय त्यस क्षेत्रको यातायात ठप्प भएको थियो ।  अन्तर्राष्ट्रि संस्कृतिबाट आएको अप्रिलफुलको प्रभावले अहिले निकैलाई अनावस्यक सास्ती दिईरहेको छ ।