मधुजंग पाण्डे÷राजधानी काठमाडौ, ९ मंसिर
जनकपुर विमानस्थललाई Ôेत्रीय विमानस्थलको रुपमा विकास गर्ने लक्ष्यकासाथ थालिएको जनकपुर विमानस्थल भित्रको टर्मिनल भवन निर्माण कार्य तिब्र गतिमा अघि बढेको छ । अहिले सो भवन निर्माणको करिब ८५ प्रतिशत काम सकिएको नेपाल नागरिक उड्डयन प्राधिकरणले जनाएको छ । आगामी असार मसान्तसम्म सबै निर्माणका काम सक्नुपर्ने सम्झौता अनुसार सो टर्मिनल भवन २० करोड रुपैयाँ लगानीमा बन्दै गरेको हो ।
ड्राई भवन निर्माण अवधारणा अनुसार बन्दै गरेको यस टर्मिनल भवनमा ५ सय टन भन्दाबढी फलाम तथा स्टील र वाल सिमेन्ट फाइवर बोर्ड ( प्रि फाइबर) प्रयोग गरिएको छ । भारतको डिल्ली स्थित इन्दिरागान्धी अन्तर्राष्ट्रिय विमानस्थल जस्तै गरि बनाईदै गरेको यस टर्मिनल भवन मुलुककै नमुनाको हुने प्राधिकरणले जनाएको छ ।
प्राधिकरण एरोड्रम इन्जिनियरिङ विभागका प्रमुख ई. धुर्बदास भोछिभोयाले यस टर्मिनल भवन अन्य भवनहरु भन्दा निकै फरक प्रविधिमा कँक्रिटबिना पुरै स्टीलको संरचनामा निर्माण गरिएकाले अहिले यो नेपालमै पहिलो नमुना भएको बताए । अहिले यस भवन निर्माणको काम करिब ८५ प्रतिशत समाप्त भईसकेको जानकारी गराउँदै उनले आगामी असार मसान्त अघि नै यसको सम्पूर्ण निर्माण कार्य सम्पन्न भइसक्ने बताए । उनले प्राधिकरणले हालसम्म बनाएका टर्मिनल भवनहरु मध्ये यो नमुना हुने दावी गरे । उनले मुख्य दुई तलाको भवन र टावर सहित ३ तलाको यस टर्मिनल भवन बनाउनकालागि ठेकेदार कम्पनी र प्राधिकरणबीच शुरुमा १८ करोड ७ लाख ६९ हजार रुपैया“मा सम्झौता भए पनि अहिले त्यसको पुनः मूल्याङकन गराई लागत रकम करिब २० करोड रुपैया“ पु¥याइएको जानकारी दिए ।
२ वर्Èमा सबै काम पूरा हुने गरि १५ असोज २०६९ सालमा प्राधिकरण र ठेकेदार कम्पनी पप्पु एण्ड एनके कस्टक्सनबीच सो भवन निर्माणको सम्झौता भएको थियो । अहिलेसम्म आन्तरिक उडान सेवा सञ्चालन गर्दै आएको जनकपुरलाई पनि Ôेत्रीयस्तरको अन्तर्राष्ट्रिय विमानस्थलका रुपमा विकास गरी १ सय भन्दा बढी यात्रु Ôमताको विमान समेत अवतरण एवं उडान गराउन सकिने अत्याधुनिक सुविधायुक्त विमानस्थल बनाउने उदेस्यकासाथ पहिलो चरणमा यस भवन निर्माणको काम थालिएको हो ।
सो विमानस्थलस्थित टर्मिनल भवन बनाउन ठेक्का पाएका निर्माण सेवा कम्पनी पप्पु कस्ट्रक्सनका प्रवन्ध निर्देशक सुमित रौनियारले अहिले छिमेकी मुलुक भारतका प्राविधिक मार्फत यस भवन निर्माणको काम दु्रत गतिमा अघि बढिरहेकाले छिट्टै काम सकिने बताए । उनले अहिले यस टर्मिनल भवनको ८५ प्रतिशत भन्दा बढी काम समाप्त भईसकेको जानकारी दिए । यस टर्मिनल भवन नेपालकै पहिलो नमुना भएको दावी गर्दै उनले मुख्य भवन र टावर सहित साढे ३ तला भएको सो भवन ४३ हजार स्क्वायरफिट क्षेत्रफलमा निर्माण हुँदै गरेको बताए । उनले पुरै स्टीलको संरचनामा प्रि फाइबर प्रयोग गरि बनाईएको यस भवनमा ५ सय टन भन्दाबढी फलाम एवं स्टील खपत भएकाले अन्य टर्मिनल भवन भन्दा यो निकै आकर्षक र अत्याधुनिक हुने जानकारी गराए । निर्माण कार्यमा लाग्ने हरेक सामान बाहिरबाट मगाउनुपर्ने, कामदार पनि बाहिरबाटै ल्याउनुपर्ने र लोडसेडिङले गर्दा अपेक्षा गरिए अनुसार काम गर्न अप्ठेरो परेको भएपछि अब छिटै निर्माण सम्पन्न हुने रौनियारको भनाई छ ।
नेपाल नागरिक उड्डयन प्राधिकरणले यस टर्मिनल भवन निर्माण सम्पन्न भएपछि जनकपुरबाट प्रतिघण्टा १ सय २० जना यात्रुको उडान गराउन सकिन्छ । निर्माणाधीन टर्मिनल भवनको निर्माण कार्य सम्पन्न भएपछि दोस्रो चरणमा विमानस्थलको क्षेत्र विस्तारकालागि थप जग्गा अधिकरहणको कार्य सम्पन्न गरी अन्तरराष्ट्रिय विमान उडाउने सुविधा समेत बढाउन सकिने जनाएको छ । सो टर्मिनल भवन बनाउनकालागि शुरुमा १८ करोड ७ लाख ६९ हजार रुपैया“मा सम्झौता भए पनि त्यसको पुनः मूल्याङकन गराई लागत रकम २० करोड रुपैया“ पु¥याइएको छ । सो भवन निर्माणको सम्झौतासँगै जनकपुर विमानस्थललाई Ôेत्रीय हु“दै अन्तरराष्ट्रिय विमानस्थलको रुपमा विकास गरी भारतको बिहार र उत्तर प्रदेश लगायत नजिकैका भारतीय शहरस“ग सिधा हवाई मार्ग जोड्ने लक्ष्य राखिएको प्राधिकरणले बताएको छ ।
यस विमानस्थल विस्तार भएपछि विदेशी पर्यटक आगमनमा पनि विशेÈ भूमिका निर्वाह गर्ने अपेक्षा गरिएको छ । जनकपुर विमानस्थललाई Ôेत्रीयसँगै अन्र्तर्राष्ट्रिय विमानस्थलको रुपमा विकास गर्न सके त्यस Ôेत्रको सर्वाङर्गीण विकास हुने अपेक्षा प्राधिकरणको छ । यस टर्मिनल भवन निर्माणको शिलान्यास भने पूर्व पर्यटनमन्त्री स्व.पोष्टबहादुर बोगटीले गरेका थिए । अहिले यस टर्मिनल भवन निर्माणकार्यको अनुगमन र रेखदेख प्राधिकरणले नै गरिरहेको छ । नागरिक उड्डयन प्राधिकरणको एरोड्रोम इन्जिनियरिङ विभागले टेन्डर प्रक्रियाद्धारा अन्तर्राष्ट्रिय र आन्तरिक नयाँ विमानस्थल बनाउने तथा ठुला खालका भौतिक संरचनाको निर्माण, जग्गा थप्ने र विस्तार गर्ने काम हेर्दै आएको छ । प्राधिकरणका अनुसार अहिले काठमाडौंको त्रिभुवन अन्तर्राष्ट्रिय विमानस्थल पछि जनकपुरमा मुलुककै दोस्रो ठूलो र अत्याधुनिक स्टीलको संरचना जडित टर्मिनल भवन निर्माण भईरहेको हो ।
