काठमाडौं,२२मङ्सिर– म्यानपावर व्यवसायीले वैदेशिक रोजगारीमा जाने कामदारसँग रकम लिन वैदेशिक रोजगार विभागबाट स्वीकृत रसीद मात्र प्रयोग गर्नुपर्ने भएको छ । व्यवसायीले कामदारसँग जथाभावी रकम असुलेको गुनासो बढ्न थालेपछि विभागले नै यसो गर्न लागेको हो । रसीद निर्माणसम्बन्धमा व्यवसायीसँग छलफल भइरहेको विभागका निर्देशक लालबाबु कवारीले बताए । उनका अनुसार रसीदमा भिसा शुल्क, हवाई टिकट, सेवाशुल्कलगायत के–के समावेश गर्ने भत्रे विषयमा छलफल भइरहेको छ । कवारीले भने, ‘तर, सम्पूर्ण व्यवसायीलाई एकै किसिमको रसीद दिइनेछ ।’
स्वीकृति दिएकाबाहेकका रसीदबाट कारोबार गरेमा श्रमस्वीकृति रद्द गरिने विभागले बताएको छ । ‘प्रत्येक व्यवसायीलाई नम्बरअनुसार रसीद दिइनेछ,’ कवारीले भने, ‘ती रसीद विभागबाट प्रमाणीकरण गरिएको हुनुपर्छ ।’ रसीद निर्माणका लागि विभागका लेखाअधिकृतको संयोजकत्वमा तीन सदस्यीय कमिटी गठन गरिएको छ । कमिटीमा नेपाल वैदेशिक रोजगार व्यवसायी सङ्घ र नेपाल फरेन इप्ल्वाइमेण्ट एशोसिएशनका १÷१ जना प्रतिनिधि छन् ।
विभागले तत्कालका लागि म्यानपावर कम्पनीका शाखा कार्यालयहरूबाट हँुदै आएको कामकारबाहीलाई समेत रोक्का गरेको छ । म्यानपावरका शाखा कार्यालयबाट वैदेशिक रोजगारसम्बन्धी अनधिकृत रूपमा कामकारबाही भइरहेको गुनासो बढ्न थालेपछि तत्कालका लागि रोक्का गरिएको विभागका एक अधिकारीले बताए । ‘व्यवसायीका दुईओटा सङ्घ र विभागबीच बुधवार भएको त्रिपक्षीय छलफलअनुसार नै हाललाई शाखा कार्यालयबाट हुँदै आएको कामकारबाही रोक्का गर्ने निर्णय गरेका हौं,’ कवारीले भने । शाखा कार्यालय सञ्चालनसम्बन्धी मापदण्ड बनाएरमात्र शाखा सञ्चालन गर्न दिइन.
No comments:
Post a Comment