सरकारले छिट्टै आप्रवासी नीति ल्याउने

काठमाडौ,२७ मंसिर –श्रम तथा यातायात व्यवस्था मन्त्री सरिता गिरीले सरकारले छिट्टै आप्रवासी नीति ल्याउने बताएकी छिन । अहिलेसम्म आप्रवासी नीति नभएकाले वैदेशिक रोजगारी एवं विभिन्न कामका सिलसिलामा जाने हरुलाई समस्या परेको भन्दै मन्त्री गिरीले छिट्टै आप्रवासी नीति ल्याउन लागेको बताइन । अहिले सो नीतिबारे मन्त्रालयमा अध्ययन भइरहेको जनाकारी गराउँदै उनले छिट्टै सार्वजनीक गरि कार्यन्वयनमा ल्याउने तयारी भइरहेको बताइन । यसको अवधारणा एवं खाका तयार भइसकेको बताउँदै मन्त्री गिरीले भनिन्, आप्रवासी नीनि मन्त्री परिषदमा पठाउँदै छु’।
आगामी १८ डिसेम्वरका दिन सरकारले मनाउन लागेको अन्तर्राष्ट्रिय आप्रवास दिवसको तयारीका बारे जानकारी गराउँन मंगलबार राजधानीमा आयोजित पत्रकार सम्मेलनमा श्रम मन्त्री गिरीले छिट्टै आप्रवासी नीति ल्याउने बताएकी हुन । अहिले संसरमा करिब २१ करोड ४० लाख मान्छे आप्रवासीका रुपमा रहेको जानकारी गराउँदै उनले हाल एसिया एवं प्रशान्त क्षेत्रमा मात्र करिब २५ प्रतिशत मान्छे आप्रवासीका रुपमा रहेको बताइन ।
हरेक वर्ष नेपालबाट करिब ४ लाख ५० हजार जनशक्ति आन्तरिक श्रम बजारमा प्रवेश गर्ने भएपनि अहिलेसम्म राज्यमा आप्रवासी नीति नभएकाले उनीहरुले विदेशमा भोग्नुपरेको समस्यालाई सहज बनाउन आप्रवासी नीति ल्याउन मन्त्रालय सक्रिय रुपमा लागेको उनको भनाई छ ।  नियमनले मात्र वैदेशिक रोजगार व्यवसायलाई व्यवस्थित गर्न नसकिने बताउँदै उनले वैदेशिक रोजगारमा देखिएको विकृतिलाई हटाउन ठोस कानुन बनाएर पुनःसरचना गर्नुपर्ने खाँचो औँल्याइन । आप्रावासको समस्या कुनै एक देशको मात्र नभई विश्वकै समस्या भएको उल्लेख गर्दै मन्त्री गिरीले आप्रवाससम्बन्धी नीति मन्त्रालयले तयार गरिसकेको दावी गरिन । आप्रवासी कामदारहरुको पारिश्रमिक तथा अन्य सेवा सुविधा, मानवअधिकार लगायतका कारणबाट उत्पन्न समस्यालाई समाधान गर्न संयुक्त राष्ट्रसंघले डिसेम्बर १८ तारेखकाकादि आप्रवासी कामदारक एवं तीनका परिवारको अधिकार संरक्षण गर्ने उदेस्यले सन १९९० मा युएन कन्भेन्सन पारित गरि सन २००३ को १ जुलाईदेखि सो महासन्धी लागु गरेको र नेपालले पनि सन २००० देखि आप्रवास दिवस मनाउँदै आएको बताइन । सो दिवसलाई एसपाली भव्यरुपमा मनाइन लागेको जानकारी दिँदै उनले अन्तराष्ट्रिय आप्रवास दिवस २०११ को अवसरमा सरकार र नागरिक समाजको सक्रियतामा जनचेनामूलक कार्यक्रमहरु सञ्चालन हुने  बताइन ।
२७ मंसिर देखि आगामी ६ पुससम्म विविध कार्यक्रमका साथ नेपालमा पनि अन्तराष्ट्रिय आप्रवास दिवसमनाइने उनले जानकारी दिइन । वैदेशिक रोजगार प्रवद्र्धन बोर्डका कार्यकारी निर्देशक स्थानेश्वर देवकोटाले श्रम मन्त्रालयको आयोजना एवं सुरक्षित आप्रवासकालागि राष्ट्रिय सञ्जालको संयोजनमा ‘अलेखवद्ध कामदारः नियमनका लागि आह्वान’ भन्ने मूल नाराका साथ मनाइदै गरेको  सो दिवसका कार्यक्रमका बारेमा जानकारी गराएका थिए ।
उनले आप्रावासी कामदारहरुको पारिश्रमिक तथा अन्य सेवा सुबिधा, मानव अधिकारजस्ता कारणबाट उत्पन्न समस्यालाई समाधान गर्न संयुक्त राष्ट्र सङ्घले आप्रवासी कामदार र तिनका परिवारका सदस्यको अधिकार संरक्षण गर्ने उद्देश्यले डिसेम्वर १८ का दिनलाई अन्तराष्ट्रिय आप्रवासी दिवस मनाउँदै आएको बताए  ।
श्रम मन्त्रालयले उपलब्ध गराएको तथ्याङक अनुसार अहिले दैनिक एक हजार ५सय को संख्यामा नेपाली कामदार विदेशिने गरेका छन् । यसैगरि चालु आर्थिक वर्षको कात्तिक मसान्तसम्ममा  २२ लाख ३७ हजार ७ सय ६४ जना श्रमकालागि विभिन्न देशमा गएका छन् ।