पाँचखाल र बनेपाको नागिडाँडामा आन्तरिक विमानस्थल बनाउने तयारी

मधुजंग पाण्डे राजधानी
काठमाडौ,२७ मंसिर
पर्यटन तथा नागरिक उड्डयन मन्त्री लोकेन्द्र बिष्टमगरले त्रिभुवन अन्तर्राष्ट्रिय
विमानस्थलमा भइरहेको एयर ट्राफिकको समस्या केहीहदसम्म न्युनिकरण गर्ने उपाए स्वरुप
काभ्रेको पाँचखाल र बनेपा स्थित नागिडाँडामा आन्तरिक विमानस्थल बनाउने तयारी भइरहेको बताएका छन ।  काठमाडौ उपत्यकावरीपरी छुट्टै आन्तरिक विमानस्थल निर्माण गर्न अहिले यी दुबै ठाउँको फिल्ड भ्रमण
एवंसम्भाव्यता अध्ययन कार्य भइरहेको जानकारी गराउँदै उनले  बनेपा स्थित ६ हजार फिट उचाइमा रहेको नागीडाँडामा विमानस्थल बनाउन सकिएमा त्यहाँबाट हवाई यात्रा गर्नेहरुले राजधानी वरीपरीका सबै हिमालको दृस्यावलोकन गर्न पाउने बताए । आफुले पर्यटन मन्त्रालय संहालेको ३५ दिने कार्यवधीमा भएका विविध कार्यहरुका बारेमा जानकारी गराउँदै मन्त्री विष्टमगरले  त्रिभुवन अन्तर्राष्ट्रिय विमानस्थलमा भइरहेको एयर ट्राफिकको समस्या केहीहदसम्म न्युनिकरण गर्ने उपाए स्वरुप काभ्रेको पाँचखाल र बनेपा स्थित नागिडाँडामा आन्तरिक विमानस्थल बनाउने तयारी भइरहेको बताएका हुन ।
अहिले मन्त्रालय र नेपाल नागरिक उड्डयन प्राधिकरणको एक टोलीले दुबै ठाउँको सम्भाव्यता अध्ययन गर्ने कार्य पुरा गरेको जानकारी दिँदै उनले यसलाई छिट्टै कार्यन्वयनमा ल्याउन सकेमा अन्तर्राष्ट्रि विमानस्थलको हवाई चाप स्वत हट्ने दावी गरे ।  यसैगरि उनले त्रिभुवन अन्तर्राष्ट्रिय विमानस्थलमा हाल भइरहेको बाँदर र चरा आतंकको समस्या तत्काल समाधान गरि विमानस्थलभित्र चाइनिज दुबो सार्ने र बाहिर संधै हरियो देखिनेगरि एभर ग्रिनबुस लगाउने कार्यमा मन्त्रालय जुटेको बताए । विमानस्थलको फोहोर व्यवस्थापनलाई पनि तत्काल व्यवस्थीत पारिने दावी गर्दै उनले सरकारले मुलुकको पर्यटकीय पूर्वाधार विस्तार गर्न थालेका तत्कालिन एवं दीर्घकालिन कार्यहरुका बारेमा पनि जानकारी गराए ।   उनको ३५ दिने कार्यकालमा सार्वजनिक गरेका तत्कालिन कार्यहरुमा देशका सवै भागमा रहेका पर्यटकीय सम्भावनाहरुको सन्तुलित विकास र प्रवद्र्धन गर्ने लक्ष्यका साथ अगाडि सारिएको १७ ओटा पर्यटकीय क्षेत्रको विकास गर्र्ने अवधारणा अनुरुप ती क्षेत्रहरुको पर्यटन गुरुयोजना तयार गर्ने , बाराको निजगढमा दोश्रो अन्तर्राष्ट्रिय विमानस्थल निर्माणको सम्भाव्यता अध्ययन गरी कोरीयन कम्पनीले पेश गरेको प्रतिवेदनका आधारमा विमानस्थल निर्माण सम्बन्धी कार्य बुट प्रणालिमा आधारित गरी प्रक्रिया अघि बढाइने, क्यासिनोको इजाजत तथा सञ्चालन प्रक्रियालाई व्यवस्थित र नियमित गर्न नियमावलीको मस्यौदा तयार पारेको र आन्तरिक र वाह्य हवाई सेवालाई सुरक्षित, उद्गम बजारमुखी र अन्तर्राष्ट्रिय मापदण्डको सुविधा अनुरुप सञ्चालन गरिने लगायतका कार्य उत्साहजनक ढंगले अघि बढेको बुँधा उल्लेख छ ।  यसैगरि दीर्घकालीनरुपमा सञ्चालन गरिने कार्यहरुमा  उनले सन् २०२० सम्म २० लाख पर्यटक नेपाल भित्र्याउने लक्ष्यका साथ नेपाल पर्यटन वर्ष जस्ता कार्यक्रमहरु क्तमिकरुपमा अभियानकासाथ  कार्यान्वयनमा ल्याइने बताए ।  उनले अत्याधुनिक दोश्रो अन्तर्राष्ट्रिय विमानस्थल निर्माणका कार्यलाई आगामी ५ वर्षभित्रमा उडान सञ्चालन गर्न सकिने गरी निर्माण कार्य सम्पन्न गर्न ध्यान केन्द्रित गरिने समेत दावी गरेका छन ।  मुलुकले अपेक्षा गरेको भिजन २०२०को अवधारणा अनुरुपको २० लाख पर्यकलाई हवाइ सुविधा पु¥याउन साना ठुला गरि तत्काल ८÷९ ओटा नयाँ जहाज खरिद गर्ने प्रक्रियालाई तिब्रता दिएको पनि उनले दावी गरेका छन ।