लण्डन (बेलायत) , २१मङ्सिर – आर्थिक मन्दीका कारण बेलायती सरकार सार्वजनिक खर्च कटौती गर्न बाध्य भइरहँदा बेलायतकी महारानीको पनि बजेट घट्न सक्ने देखिएको छ । बेलायती संसद्बाट हालै पारित एक कानूनले राजप्रासाद र महारानीको सार्वजनिक उपस्थितिको खर्चमा गरेको कटौतीबाट यस्तो सङ्केत देखिएको हो ।
लण्डनबाट प्रकाशित हुने ‘द डेली टेलिग्राफ’ पत्रिकाले दिएको समाचारअनुसार उक्त कानूनमा बेलायती महारानीको तलबभत्ता र खर्च मूल्याङ्कन गर्ने नयाँ प्रणाली विकास गरिनेछ । नयाँ व्यवस्थामा राजपरिवारको स्वामित्वमा रहेको ‘क्राउन इस्टेट’बाट आउने मुनाफाको १५ प्रतिशत मात्र महारानीले पाउनेछिन् । उता, बेलायती राजपरिवारका सदस्यका रूपमा रहेका क्याम्ब्रिजका ‘ड्युक तथा डचेज’ले पाउने तलबभत्ता पनि घटाइनेछ । गतवर्ष बेलायतको राजपरिवारको बजेट ३ करोड २१ लाख पाउण्ड थियो । यो सन् १९९१– ९२ को बजेटभन्दा ५० प्रतिशतले कम हो । उक्त समयमा राजपरिवारले ७ करोड ७३ लाख पाउण्ड बजेट पाएको थियो, जुन बेलायती इतिहासमै सबैभन्दा उच्च हो ।
No comments:
Post a Comment