स्पीडवे फाउण्डेसनद्धारा २ लाख सहयोग

काठमाडौ÷रास– स्पीडवे कार्गो प्रालिको  संस्थागत सामाजिक उत्तरदायित्व बहन कार्यक्रम अन्तर्गत सञ्चालन गर्ने अर्को संस्था स्पीडवे फाउण्डेसनले एचआइभी पिडित वालबालिकाको सहयोगार्थ पुर्नरवल प्लस संस्थालाई २ लाख रुपैयाँ प्रदान गरेको छ । स्पीडवे कार्गोले स्थापनाको २५ वर्ष पुगेको अवसरमा फाउण्डेसन मार्फत सो रकम प्रदान गरेको हो । सोमबार राजधानीमा आयोजित कार्यक्रममा फाउण्डेसनका अध्यक्ष राजु श्रेष्ठ र पुर्नरवलका अध्यक्ष मोहनबहादुर खड्काबीच सो सहयोग रकम दिने सम्झौतापत्रमा हस्ताक्षर भएको थियो । फाउण्डेसनका अध्यक्ष श्रेष्ठले यसअघि पनि फाउण्डेसनले नुवाकोटको देविघाटस्थित जेष्ठ नागरिक संरक्षण फाउण्डेसनको भवन निर्माणकालागि ३ ओटा कोठा बनाउन १० लाख रुपैयाँ दिएको जानकारी दिँदै अहिले पनि कार्गो स्थापनाको २५ वर्ष पुगेको अवसरमा एचआइभी पिडित वालबालिकाको सहयोगार्थ पुर्नरवल प्लस संस्थालाई २ लाख रुपैयाँ प्रदान गरेको बताए ।