१० वर्षमा २५ जहाज पु¥याउने निगमको व्यवसायिक कार्ययोजना, एमए ६० को पहिलो उडान विराटनगर

मधुजंग पाण्डे÷राजधानी
काठमाडौ, ८ असार
राष्ट्रिय ध्वजाबहाक नेपाल वायुसेवा निगमले आगामी सन् २०२४ सम्म कुल २५ ओटा जहाज पु¥याउने लक्ष्य सहितको व्यवसायिक कार्ययोजना तयार पारेको छ ।  निगमको बोर्ड बैठकबाट पारित कार्ययोजनालाई अब छिट्टै नीतिगत निर्देशनका लागि पर्यटन मन्त्रालयमा पठाउने निगमले जनाएको छ  । निगमका प्रवक्ता रामहरि शर्माले सन् २०१५ देखि हरेक वर्È जहाज थप्दै गएर २०२४ सम्म जहाजको संख्या २५ पु¥याउने लक्ष्य रहेको बताए । निगमको यस कार्ययोजना अनुसार अन्तराष्ट्रिय उडान पनि थप्दै जाने र हवाई मैदान भएका सबै ठाउ“मा आन्तरिक उडान भर्ने लक्ष्य छ । अहिले निगमले ३१ ओटा हवाई मैदान भएपनि १२ ओटामा मात्र उडान भर्दै आएको छ । नया“ जहाजका लागि झण्डै ६० अर्व रुपैया“ लाग्ने र आधा रकम सरकारले लगानी गर्नुपर्ने निगमको भनाई छ । यस कार्ययोजना पारित भएपछि प्रत्यक्ष रुपमा करिब २६ सय जनाले रोजगारी पाउने निगमको दावी छ । अहिले निगमस“ग आवद्ध रहेर १८ सय दरवन्दी रहेकोमा त्यसलाई बढाएर २६ सय पु¥याउने निगमको लक्ष्य छ ।
यसैबीच, निगमले चीनबाट अनुदानमा ल्याएको एमए ६० जहाजको व्यवसायिक उडान बुधबारबाट थाल्ने भएको छ । एमए ६० जहाजको पहिलो उडान काठमाडौंबाट विराटनगर हुने छ । चीनबाट ल्याएर त्रिभुवन अन्तर्राष्ट्रिय विमानस्थलमा अवतरण गराइएको ५७ दिनपछि मात्र बल्ल निगम व्यवस्थापनले सो नयाँ जहाजबाट व्यवसायिक उडान सुरु गर्न लागेको हो । निगमका प्रवक्ता शर्माले एमए ६० नयाँ जहाजको नियमित व्यवसायिक उडान सञ्चालनकालागि अहिले सबै प्रक्रिया पूरा गरेर विभिन्न क्षेत्रको उडान तालिका सार्वजनिक भईसकेको बताए । उनले नयाँ जहाज उडान सञ्चालनकालागि आवश्यक सबै प्रक्रिया पूरा गरेर उडान निश्चित गरेरै शनिबारबाट टिकट बिक्री नै खुला गरिसकेको बताए ।
निगमले गरेको तयारी अनुसार आगामी बुधबार बिहान ८ बजे यस जहाजले विराटनगरको लागि औपचारिक रुपमा पहिलो व्यवासायिक उडानको सुरुवात गर्ने छ । त्यहा“बाट फर्केर आएपछि १० ः२० बजे भद्रपुर उडान गर्ने तालिका बनाइएको छ । अहिले मुलुकको राष्ट्रिय ध्वजाबहाक जहाज छिटो सञ्चालनकालागि अहिले टिकट बुकिङ गरिरहेका यात्रु र उनीहरुका आफन्तहरुबाट पनि सकारात्मक प्रतिक्रिया आइरहेका बताउ“दै शर्माले भैरहवा, भद्रपुर र धनगढीमा नियमित उडान गर्ने जानकारी गराए ।
सो जहाजले गत बिहीबार मात्र सफल परीÔण उडान गरेको थियो । शुक्रबार प्रमाणित उडान गरेको थियो । चीनबाट आएका दुई नया“ इन्जिनियरले ‘टेक्निकल लगबुक’ मा हस्ताÔर गरेपछि मात्र सो जहाज उडेको थियो ।
प्रवक्ता शर्माले  अहिले निगमले प्रमोसनका लागि केही अवधिसम्म यात्रुलाई सस्तो भाडा दरमा उडान भर्ने बताए । चिनिया“ जहाज निर्माता कम्पनी जियान एयरक्राङ्खट इन्डिस्ट्रीयल कर्पोरेसनबाट उत्पादित ५६ सिट Ôमताको ‘मोडर्न आर्क’ (एमए–६०) मोडेलेको जहाज निगमले गत १४ वैशाखमा बाजागाजा सहित काठमाडौंमा अवतरण गराएको थियो
निगमका अनुसार यस नयाँ जहाज एमए–६० बाट हालका लागि सातामा १५ उडान गर्ने तालिका बनाइएको छ । थप जहाज नआउन्जेल काठमाडौंबाट विराटनगर, भद्रपुर, भैरहवा र धनगढी उडान गरिने छ । निगमले विराटनगरका लागि भने दैनिक एक उडानको नियमित तालिका सार्वजनिक गरेको छ । निगमको नयाँ तालिका अनुसार विराटनगरका लागि दैनिक १, भद्रपुरका लागि हरेक सोमबार, बुधबार र शनिबार, भैरहवाका लागि मंगलबार र बिहीबार तथा धनगढीका लागि मंगलबार र शुक्रबारकालागि एमए ६० ले उडान भर्ने छ । सो जहाजलाई चीनबाट आएका एक क्याप्टेन र को–पाइलटले उडाउने बताईएको छ । अहिले यी गन्तव्यका लागि निगमले करसहित काठमाडौंबाट भद्रपुरका लागि प्रतियात्रु ४ हजार १ सय ३० रुपैयाँ , भैरहवाकालागि ३ हजार १ सय ४५ रुपैयाँ, विराटनगरकालागि ३ हजार ५ सय ५ रुपैयाँ र धनगढीकालागि ५ हजार ७ सय ४० रुपैया“ भाडादर तोकेको छ । निगमले चीनस“ग एमए–६० मोडेलका दुई र १८ सिटयुक्त वाइ–१२–इ मोडेलका ४ ओटा जहाज ल्याउने सम्झौता गरेको छ । तीमध्ये चीनले एउटा एमए–६० र एउटा वाइ१२–इ अनुदान तथा एउटा एमए–६० र ३ ओटा वाइ१२–इ सहुलियत ऋणमा दिने छ । निगमका अनुसार अनुदानमा ल्याइने भनिएको एउटा वाइ–१२ इ जहाज १६ असारमा यहा“ आइपुग्छ। यसैगरी, सहुलियत ऋणमा पाइने भनिएका ४ ओटा मध्ये एउटा एमए–६० असोज १४ र बा“की ३ ओटा वाइ–१२इ कात्तिक १३ मा आइपुग्ने छन् ।