बोर्डमा कामु सिइओको जिम्मेवारी निरौलालाई नै दिन सवोच्चको आदेश

काठमाडौ, २४ भदौ–
सोमबार सर्वोच्च अदालतका कामु प्रधानन्यायधीश दामोदरप्रसाद शर्माको एकल इजलासले निरौलालाई नै कामु सिइओको जिम्मेवारी दिन आदेश गरेको हो ।
गत २१ साउनमा पुनरावेदन अदालत पाटनले निरौलालाई कामु सिइओको जिम्मेवारी दिने निर्णय तत्काल कार्यान्वयन नगर्न अन्तरिम आदेश दिएको थियो । पुनरावेदन अदालतको सो आदेश उल्ट्याउँदै सर्वोच्चले निरौलालाई नै कामु सिइओको जिम्मेवारी दिन यस्तो आदेश गरेको हो ।
विगत लामो समयदेखि नयाँ प्रमुख कार्यकारी अधिकृत ( सिइओ) छनोट नभई नेतृत्वबिहिन अवस्थामा रहेको पर्यटन बोर्डमा चर्किएको तिब्र राजनीतिक विवादका कारण अहिलेसम्म सिइओ छनोट कार्य अघि बढ्न नसकेपछि गत ३१ असारमा बोर्ड सञ्चालक समितिको १ सय ८७ औं बठैकले बोर्डकै निमित्त प्रमुख कार्यकारी अधिकृत एवं बरिष्ठ निर्देशक निरौलालाई कामु सिइओको जिम्मेवारी दिने निर्णय गरेको थियो ।
सोही निणर्यको आधारमा निरौलाले कामु सिइओको जिम्मेवारी पाएका थिए । त्यही निर्णय अनुसार बोर्डबाट रोकिएका काम सञ्चालन गर्ने प्रयास निरौलाबाटै भएको थियो । यसअधि करिब एक महिनासम्म पुनरावेदन अदालतको अन्तरिक आदेशले बोर्डको दैनिक कार्य सञ्चालनको कार्य देखि नयाँ नेतृत्व चयन गर्ने कार्य समेत प्रभावित बन्न पुगेको थियो । अब सर्वोच्चको यस आदेशले कुनै समस्या नहुने अपेक्षा गरिएको छ ।   सर्वोच्चको यस निर्णयसँगै अब उनीले पर्यटन बोडको कार्यकारी समितिको सदस्य सचिवका हैसियतमा पनि कार्य गर्नेछन् । निरौलाले सन् १९९९मा निर्देशकका रुपमा बोर्ड प्रवेश गरेका थिए ।
पर्यटन बोर्ड सञ्चालक समितिका सदस्य धुर्बनारायण श्रेष्ठले आफुले सर्वोच्च अदालतले निरौरालाई नै कामु सिइओ को जिम्मेवारी दिन यस्तो आदेश गरेकाले अब काम गर्न सहज हुने बताए ।

सर्वोच्च अदालतले नेपाल पर्यटन बोर्डमा कायम मुकायम प्रमुख कार्यकारी अधिकृत सिइओ) को जिम्मेवारी पुनः सुवास निरौलालाई नै कायम गर्न आदेश दिएको छ ।