मुसा आतंकले निगमको उडान प्रभावित

मधुजंग पाण्डे,राजधानी
काठमाडौ १९ भदौ
नेपाल वायुसेवा निगमको जहाजमा सोमबार दिनभर मुसा आतंक भई नियमित उडान प्रभावित भएको छ ।
एकसय ३३ जना यात्रु लिएर बै्रकक जान लागेको निगमको बोइङ ७५७ नाइन एन एसीबी जहाजमा एउटा मुसा पसेपछि दिनभर त्रिभुवन अन्तर्राष्ट्रिय विमानस्थलमा प्राविधिक र यात्रुहरुबीच आतंक नै भएको थियो । लामो समयको प्रयासमा पनि उनीहरुले जहाजभित्र पसेको मुसा बाहिर निस्केको नदेखेकाले दिनभर सोमबार निगमको नियमित उडान प्रभावित भएको हो । सोमबार बिहान ९ बजेको नियमित उडानमा बैंक जान लागेको जहाजमा पसेको मुरा दिनभर खोज्दा पनि नभेटिएपछि विमानस्थलमा मुसा आतंक मच्चिएको हो । करिब ३ घण्टासम्म लगातार खोज्दा मुसा नभेट्टिएपछि सो जहाजको ढोका दिनभर खुला राखिएको निगमले जनाएको छ ।
निगमको अर्को जहाज सि चेककालागि ३ साताकालागि इजरायल गएको र हाल साचालित एउटा मात्र जहाज पनि एक्कासी ग्राउण्डेड भएपछि अहिले निगमको अन्तर्राष्ट्रिय उडान अवरुद्ध भएको छ ।
जहाजका क्याप्टेन द्धोय रविन्द्रकुमार शेरचन र युवराज भट्टराइले उडाउन लागेको बेला मुसा पसेको सो जहाज बैंककबाट फर्किएपछि सोमबारबार राती मेलेसिया जाँने नियमित तालिका अनुरुप साँढे ११ बजे क्लालम्पुर उडाउने तयारी भइरहेको निगमका प्रवक्ता राजुबहादुर केसीले जनाकारी गराए । बैंकका जाने सबै यात्रुले बोडेपास लिई सिटमा बसिसकेपछि विमानस्थलबाट उड्न लागेको सो जहाजमा देखिएको मुसा घण्टौंसम्म नभेट्टिएपछि बैंककको उडान प्रभावित भएको हो । निगमका प्रवक्ता केसीले साँझसम्म जहाजमा मुसा नभेट्टिएकाले अब प्राविधिकले जहाज उडाउन हुन्छ भनेकाले राती ११। ३० मा क्लालम्पुर उडान साचालन गर्न लागेको बताए । जहाज उडाउन तयार थियौं खाना ओसा्रर्ने ट्रे बाट फुत्त निस्केको मुसा जहाजमा पसि नभेट्टिएकाले समस्या भएको निगमले जनाएको छ । निगमका पाइलट भट्टराइले जहाजको पछाडिको भागमा पसेर हराएको मुसा बाहिर निस्केको नदेखिएकाले दिनभर विमानस्थलमा आतंक नै मच्चिएको बताए । मुसा नभेट्टिएसम्म जहाज उडाउन मिल्दैन । मुसा मार्न विष प्रयोग गर्न नपाइने भएकाले पासो थपेको जानकारी गराउँदै उनले अहिले सो जहाज ह्याङगरमा राखिएको र राती उड्ने तयारी भइरहेको बताए ।
निगम विमानस्थल कार्यालयका प्रमुख प्रदीप कर्किले जहाज उड्ने बेला क्याविन क्रु ले खानाको ट्रे बाट मुसा उर्फेको जानकारी गराए लगत्तै जहाजका यात्रुलाई ओरालेर दिनभर विमानको ढोका खोलेर राखेको बताए । उनले निगमको जहाजबाट बैंकक जान लागेका सबै यात्रुलाई सोमबार नै थाइ एयरवेजको विमानबाट पठाएको बताए ।