बल्ल पर्यटन वर्षको अन्तर्राष्ट्रिय प्रवद्र्धनको बाटो खुल्यो

मधुजंग पाण्डे÷राजधानी
काठमाडौं २८ कात्तिक
पर्यटन वर्षका लागि अन्तर्राष्ट्रिय प्रचार प्रसारको काम सुरु हुने भएको छ ।
मुलुकले भोग्नुपरेको राजनीतिक संक्रमण एवं बाधा अवरोधका कारण पर्यटन वर्षको अन्तर्राष्ट्रिय प्रवद्र्धनका लागि सरकारले विनियोजन गरेको १३ करोड रुपैयाँ खर्च गर्न नसकिरहेका बेला पर्यटन तथा नागरिक उड्डयनमन्त्री लोकेन्द्र विष्ट मगरको अध्यक्षतामा सोमबार बसेको पर्यटन वर्ष मूल आयोजक समितिको सातौं बैठकले अन्तर्राष्ट्रिय प्रचारका काम तत्काल थाल्ने निणर्य गरेपछि बल्ल अन्तर्राष्ट्रिय प्रचार प्रसारको काम सुरु गर्ने बाटो खुलेको हो ।
वार्षिक १० लाख पर्यटक िभœयाउने लक्ष्यका साथ मनाइँदै गरेको पर्यटन वर्ष-२०११ सकिन डेढ महिना मात्र बाँकी रहेको बेला बल्ल अन्तर्राष्ट्रिय टेलिभिजन बीबीसी र सीएनएनमा पर्यटन वर्षको प्रचारात्मक काम थाल्ने निर्णय भएको पर्यटन वर्ष सचिवालयले जनाएको छ ।
सचिवालयका अनुसार अन्तर्राष्ट्रिय प्रचार-प्रसारका लागि छुट्टुइएको कुल १३ करोड बजेटमध्ये बीबीसीमार्फत पर्यटन वर्षको प्रवद्र्धनात्मक विज्ञापन गर्न २ करोड ५४ लाख र सीएनएनलाई १ करोड ३६ लाख रुपैयाँ खर्च गर्ने निर्णय भएको छ । सरकारले अन्तर्राष्ट्रिय प्रचार प्रसारका लागि छुट्टुइएको कुल १३ करोड बजेटमध्ये ४ करोड बीबीसी र सीएनएनमार्फत विज्ञापन गर्न ६ करोड भारत र ३ करोड चीनमा नेपालको पर्यटन प्रवद्र्धन गर्न खर्च गर्नेछ । अन्तर्राष्ट्रिय प्रवद्र्धनमा खर्च हुने सो रकम निजी व्यवसायीको सकि्रयतामा मनाइँदै गरेको भिजन २०२० को लक्ष्य प्राप्तिका लागि पनि निकै उपयोगी एवं फलदायी हुने अपेक्षा गरिएको छ ।
पर्यटन वर्ष सचिवालयका सदस्य-सचिव काशीराज भण्डारीले पर्यटन वर्ष मूल आयोजक समितिको सोमबार सम्पन्न सातौं बैंठकको निर्णयले बल्ल अन्तर्राष्ट्रिय प्रवद्र्धनात्मक बाटो खुलेको बताए ।
यसअघि धेरै पटकको प्रयासमा अन्तर्राष्ट्रिय प्रचार प्रसारको काम नभएको जानकारी गराउँदै उनले पर्यटन वर्ष मूल आयोजक समितिले अन्तर्राष्ट्रिय प्रवद्र्धनात्मक कार्यमा हालसम्म भएका कार्यलाई निरन्तरता दिँदै बीबीसी र सीएनएनबाट छिट्टै प्रचारको काम थाल्ने निर्णय भएको बताए ।
अन्तर्राष्ट्रिय क्षेत्रमा प्रचार थाल्न सचिवालयले अहिलेसम्म सार्वजनिक खरिद ऐन अनुरुप खुला प्रतिस्पर्धाबाट टेन्डर आह्वान भई विभिन्न विदेशी साचार माध्यम छनोट भइसकेको जानकारी गराउँदै उनले अब अन्तर्राष्ट्रिय प्रवद्र्धनात्मक कार्यले तीव्रता पाउने बताए । आगामी दुई साताभित्र अन्तर्राष्ट्रिय साचार माध्यम बीबीसी र सीएनएनबाट नेपाली पर्यटन प्रवद्र्धनका विज्ञापन प्रसारण हुने उनले जानकारी गराए ।
पर्यटन वर्ष सचिवालय प्रचार प्रसार उपसमितिका संयोजक रिाजत आचार्यले पर्यटन वर्ष मूल आयोजक समितिको बैठकले अन्तर्राष्ट्रिय साचार माध्यम बीबीसी र सीएनएनबाट तत्काल प्रचार प्रसारको कार्य थाल्ने निर्णय गरेको बताए । उनले सो बैठकले बीबीसी च्यानलमार्फत नेपाली पर्यटन प्रवद्र्धनको प्रचारात्मक विज्ञापनका लागि २ करोड ५४ लाख र १ करोड ३६ लाख रुपैयाँ बजेट खर्च गर्ने निर्णय गरेको बताए । अहिलेसम्म सबै प्रकि्रया पूरा भइसके पनि नयाँ पर्यटनमन्त्री आउन भएको ढिलाइले अन्तर्राष्ट्रिय प्रचारको काम ढिलो भएको जानकारी गराउँदै उनले आगामी दुई साताभित्र बीबीसी र सीएनएनबाट नेपाली पर्यटन प्रवद्र्धनका प्रचारात्मक कार्य सुरु हुने दाबी गरे ।
पर्यटन व्यवसायी एवं सरोकारवालाहरुले पर्यटन वर्ष- २०११ का बितेका साढे १० महिना पर्यटकीय गतिविधिसँगै मुलुकमा लगानी प्रवद्र्धन गर्ने माहोल बनाउन मात्र सफल भएको बताएका छन् ।