बोर्डलाई नयाँ गन्तब्य खोजी दुर्गम क्षेत्रको प्रवद्र्धन गर्न सुझाव

काठमाडौ २ मंसिर
पर्यटन तथा नागरिक उड्डयनमन्त्री लोकेन्द्र विष्ट मगरले नेपाल पर्यटन बोर्डलाई आगामी दिनमा नयाँ गन्तब्यको खोजी गरि दुर्गम क्षेत्रको पर्यटन प्रवद्र्धन गर्ने कार्यमा सहयोग पुर् याउन सुझाव दिएका छन । उनले अहिलेसम्म गर्दै आएका प्रवद्र्धनात्मक कार्यक्रम शहर केन्द्रीत एवं पुराना गन्तब्यमा मात्र आधारित भएको गुनासो आइरहेका बेला अब आन्तरिक पर्यटन प्रवद्र्धनका लागि नयाँ गन्तब्य पहिचाहन गरि प्रवद्र्धन गर्ने कार्यमा तिब्रताकासाथ अघि बढ्न सुझाव दिए । पर्यटन बोर्डको १३ औं वार्षिकोत्सवको अवसरमा मन्त्री विष्ट मगरले सो सुझाव दिएका हुन ।
१३ औं वर्षमा प्रवेश गरेको बोर्डको संरचनागत सुधारसँगै हाल भएका कार्यमा पनि परिवर्तन ल्याउनु आवस्यक भएको भन्दै उनले बोर्डलाई नीजि साझेदरीको सहकार्यमा थप कि्रयाशिल भएर अघि बढ्न सुझाव दिए । अन्तर्राष्ट्रिय एवं आन्तरिक पर्यटन प्रवद्र्धनसँगै बोर्डले अझै धेरै काम गर्न बाँकी रहेको बताउँदै विष्टमगरले भने ु मुलुकको पर्यटन प्रवद्र्धनकालागि अब पर्यटन सम्बन्धी शिक्षा नियमावली बनाएर सरकारले विद्यालय स्तरका बालबालिकालाई अनिवार्य पर्यटन शिक्षा दिनुपर्छु।
पर्यटन बोर्डका निमित्त प्रमुख कार्यकारी अधिकृत सुभाष निरौलाले मुलुकको पर्यटन प्रवद्र्धन गर्ने उदेस्यले बोर्ड स्थापना भएदेखि हालसम्म भएका विविध कार्य एवं भावी कार्यक्रम र नीतिगत योजनाका बारेमा जानकारी गराएका थिए । उनले विगत १२ वर्ष अघि सरकारले मुलुकको पर्यटन उद्योगको प्रवद्र्धनमा नीजि व्यवसायीको भूमिकालाई विशेष प्राथमिक्ता दिनुपर्छ भन्ने मान्यताका आधारमा सन १९९८ को १८ नोवेम्बरमा तत्कालिन पर्यटन विभागलाई खारेज गरि नीजि-सरकारी साझेदारीको अवधारणमा नेपाल पर्यटन बोर्ड स्थापना गरेको र सोही अनुरुप काम भइरहेको बताए ।
पर्यटन मन्त्रालयका सचिव डा। गणेशराज जोशीले बोर्डलाई संरचनागत सुधारसँगै नीजि साझेदारीको सहकार्यमा थप अघि बढ्न सुझाव दिँदै पर्यटन वर्षको समापन लुम्बिनीमा गर्ने तयारी भएको बताए । उनले सरकारले घोषणा गरेको लुम्बिनी भ्रमण वर्ष-२०१२ को उद्घाटन र पर्यटन वर्षको एक दशक भिजन २०२० को औपचारिक सुभारम्भ पनि लुम्बिनीबाटै हुने जानकारी गराए । उनले पर्यटन दशकको सुरुआत लुम्बिनी भ्रमण वर्षबाट सुरु हुने र त्यसको तयारी निजी क्षेत्रलाई पन्ाि गर्न पर्यटन व्यवसायीलाई अनुरोध गरेको बताए । बोर्ड कर्मचारी युनियनका अध्यक्ष दीपकराज जोशीले बोर्डको नयाँ प्रमुख कार्यकारी अधिकृत सिइओ छनोट प्रकि्रयामा कुनै ढिलाई हुन नहुने र छान्ने प्रकि्रया पनि एकदमै पारदर्शी हुनुपर्नेमा जोड दिएका थिए । बोर्डलाई अहिले सनि संकटले छोएको बताउँदै उनले नयाँ नेतृत्व चयन गर्ने कार्यमा सहभागी प्रतिनीधीलाई कुनै व्यक्ति वा राजनीतिक दवावमा परियो भनेर विचलित नहुन आग्रह गरेका थिए । बोर्डका बजार प्रवन्धक नन्दिनीलाहे थापाले बोर्डले अहिलेसम्म गर्दै आएको विविध प्रवद्र्धनात्मक कार्यका बारेमा जानकारी गराएकी थिइन ।सोही अवसरमा बोर्डले वर्षभर आन्तरिक एवं अन्तर्राष्ट्रिय क्षेत्रको पर्यटन प्रवद्र्धनमा सहयोग पुर् याउने संस्थाहरुलाई उत्कृष्ट अवार्ड प्रदान गरेको थियो ।