विमानस्थलको सुरक्षा व्यवस्था कडा पार्न निर्देशन

काठमाडौ५ मंसिर
पर्यटन तथा नागरिक उड्डयन मन्त्री लोकेन्द्र विष्ट मगरले त्रिभुवन अन्तर्राष्ट्रिय विमानस्थलको सुरक्षा व्यवस्था कडा पारि थप बलियो बनाउन नेपाल नागरिक उड्डयन प्राधिकरणलाई निर्देशन दिएका छन । प्राधिकरण राष्ट्रिय कर्मचारी संगठनद्धारा आयोजित स्वागत कार्यक्रममा सहभागी हुन सोमबार विमानस्थल पुगेका मन्त्री विष्टले प्राधिकरणलाई अन्तर्राष्ट्रिय विमानस्थलको सुरक्षा व्यवस्था कडा पारि थप बलियो बनाउन निर्देशन दिएका हुन । अहिले नेपालको भ्रमणबाट भर्केका केही विदेशी पर्यटकले विमानस्थललाई संस्ारको १० ओटा अव्यवस्थीत विमानस्थल मध्ये ८ औं स्थानमा राखेको हल्लाले मुलुकको साख गिराएको भन्दै उनले प्राधिकरण व्यवस्थापनलाई तत्काल पुर्वाधार विस्तार गरि सुरक्षा व्यवस्था मजबुद बनाउन निर्देशन दिएका हुन । मन्त्री विष्टले विमानस्थलको सरसफाई विगि्रएको धावन मार्ग एवं हेलिप्याड सुधार गरी दुर्गम जिल्लाका आन्तरिक विमानस्थललाई पिच गरेर व्यवस्थीत बनाउन निर्देशन दिएको बताए । उनले विमानस्थलबाटै नेपाल वायुसेवा निगमबाट पटक पटक हराएका सामाग्रीका बारेमा निकै चासो राखेका थिए । उनले निगमको जहाजका पार्टपुर्जा एवं अन्य बस्तुहरु हराउनुमा निगम र प्राधिकरणका कर्मचारी दोसी हुन या भन्सारको गल्ती के हो तत्काल पक्ता लगाई कारबाहीको प्रकि्रया अघि बढाउन निर्देशन दिएका छन । मन्त्री विष्टले भने ुविमानस्थलबाटै जहाजको सामान हराउनु राम्रो होइन ु । अब पनि यस्ता कि्रयाकलाप दोहोरिन्छन भने यस्ता कार्यको जवाफदेही विमानस्थल कार्यालय हुने उनले दावी गरे । उनले कर्मचारीलाई पनि थप अनुशासित एवं मर्यादित भएर काम गर्न सुझाव दिए ।
त्रिभुवन अन्तर्राष्ट्रिय विमानस्थल कार्यालयका महाप्रवन्धक रतिशचन्द्रलाल सुमनले मन्त्री विष्टले हाल विमानस्थल क्षेत्रमा भएका केही समस्याकाबारेमा जानकारी लिई तत्काल सुधार्न निर्देशन दिएको बताए । विगतका वर्षहरुको तुलनामा अहिले विमानस्थल व्यवस्थापनमा निकै सुधार आएको दावी गर्दै उनले मन्त्रीको निर्देशन अनुरुप काम अघि बढ्ने जानकारी दिए ।
प्राधिकरण राष्ट्रिय कर्मचारी संगठनका अध्यक्ष दमन रावलले हाल विमानस्थलमा देखिएका विविध समस्याहरुलाई छिट्टै समाधान गरि भौतिक पुर्वाधार विस्तार गर्न निर्देशन दिएको बताए ।
बाराको सिमरामा बनाउन लागको दोस्रो अन्तर्राष्ट्रिय विमानस्थलको निमार्ण कार्य तत्काल थाल्न पनि मन्त्रीले निर्देशन गरेको जानकारी गराउँदै उनले विमानस्थल सुधार कार्यमा कर्मचारी संगठनले व्यवस्थापनलाई सक्दो सहयोग गर्ने प्रतिवद्धक्ता व्यक्त गरेका थिए ।