लुक्लाको हवाई उडान पुनः प्रभावित

मधुजंग पाण्डे÷राजधानी
काठमाडौ २६ कात्तिक
मौसम विगि्रएका कारण शनिबार पुनः लुक्लाको हवाई उडान प्रभावित भएको छ । दिनभर कुर्दा पनि मौसममा सुधार नआएकाले नियमित उडानबाट लुक्ला ओहोर÷दोहोर गर्ने केही पर्यटकले साना हेलिकप्टर चाटर्ड गरेका थिए भने अहिले लुक्ला र काठमाडौ विमानस्थलमा हजारौं पर्यटक अलपत्र छन ।
विहानै देखि मौसम विगि्रएका कारण लुक्ला क्षेत्रको हवाई उडान प्रभावित भएको त्रिभुवन अन्तर्राष्ट्रिय विमानस्थल कार्यालयले जनाएको छ ।
अन्तर्राष्ट्रिय विमानस्थल कार्यालय स्थित आन्तरिक ट्रर्मिनल शाखाका प्रवन्धक पूर्णप्रसाद चुडालले विहानै देखि लुक्ला क्षेत्रको मौसम विगि्रएकाले शनिबार सीता एयरलाइन्सका दुई ओटा मात्र उडान भएको बताए । अन्य कम्पनीका जहाज दिनभर विमानस्थलमा कुर्दा पनि जान नसकेको जानकारी गराउँदै उनले सीता एयरका २ ओटा जहाजले मात्र लुक्लाको उडान भर्न सफल भएको बताए । उनले नियमित र चाटर्ड गरि शनिबार विभिन्न वायुसेवा कम्पनीका डोनियर एवं एटिआर जहाजले लुक्लामा ४० उडान भर्ने पूर्व तयारी भएपनि एक्कासी लुक्ला क्षेत्रको मौसम विगि्रएकाले सीताको दुई उडान मात्र भएको बताए ।
तारा एयरलाइन्सका प्रवन्धक माजनी श्रेष्ठले ताराले लुक्लाकालागि शनिबार १० ओटा उडान गर्ने तयारी गरेको भएपनि दिनभर कुनै उडान भर्न नसकेको बताइन । उनले पुर्व निर्धारित तालिका अनुसार हवाई टिकट लिएर दिनभर विमानस्थलमा कुर्दा पनि यात्रा गर्न नसकेका पर्यटकलाई मौसम अनुकुल भएपछि ओसार्ने जानकारी गराइन् । यसअघि पनि मौसम विगि्रएकै कारण एकसाता सम्म करिब ५ हजार पर्यटक लुक्ला क्षेत्रमा अलपत्र परेको जानकारी गराउँदै श्रेष्ठले राजधानीसँग भनिन् ु फेरी लुक्लाको मौसम विगि्रयो भने सगरमाथा क्षेत्रको पदयात्रा भ्रमणमा निस्केका पर्यटकले दुःख पाउने छनु ।
सगरमाथा आरोही संघका अध्यक्ष वाङछु शेर्पाले विहानै देखि विगि्रएको मौसमले लुक्ला क्षेत्रमा करिब २ हजार पर्यटक काठमाडौ आउन नपाएको बताए । विहानै लुक्ला पुगेका सीताको २ ओटा एयरक्राफ्टले मात्र केही पर्यटक राजधानी ल्याएको जानकारी गराउँदै अहिले हजारौं पर्यटक सगरमाथा क्षेत्रको पदयात्रा भ्रमणमा रहेको बताए । बढ्दो पर्यटकीय चाप अनुसार सगरमाथा क्षेत्रमा जाने हवाईजहाजको संख्या न्युन रहेकाले अहिले लुक्ला क्षेत्रको हवाई टिकट पाउन कठिन भएको जानकारी गराउँदै शेर्पाले भने ु हाल दैनिक अग्नीको ३ सीताको एक र ताराको २ ओटा गरि जम्मा ६ ओटा जहाजले मात्र लुक्लाकालागि उडान भरिरहेका छनु । यी लगायत विभिन्न कम्पनीका साना हेलिकप्टरले नियमित र चाटर्ड गरि बल्लतल्ल दैनिक करिब ४ दर्जन उडान भरेपनि अझै माग अनुसार अपुग रहेको उनको दावी छ । पहिलेको जस्तै पुनः मौसम लामो समयसम्म खुलेन भने अब धेरै पर्यटकले सास्ती भोग्नुपर्ने उनको भनाई छ ।
यसअघि १५ देखि २१ कातिकसम्म लुक्ला क्षेत्रको मौसम विगि्रएर करिब पाँच हजार पर्यटक लुक्ला क्षेत्रमा अलपत्र परेका थिए । पदयात्रा भ्रमणकालागि वर्षकै सबैभन्दा अनुकुल मौसम नोवेम्बर महिनामा विश्वको सर्वोच्च शिखर सगरमाथा क्षेत्रको भ्रमणमा निस्केका पर्यटक मौसम खरावीका कारण एक्कासी बन्द भएको हवाई उडानबाट प्रभावित भएका हुन । यसअघिको लुक्ला बन्दले खान र बास अभावले अलपत्र पर्यटकलाई उद्धार गर्न सेनाको एमआइ-१७ लगायत विभिन्न वायुसेवा कम्पनीका जहाज र हेलिकप्टरलाई पर्यटकको उद्धार गर्न मुस्कील परेको थियो । जसका कारण मुलुकको पर्यटन क्षेत्र प्रभावित बन्न पुगेको थियो भने एक साताको लुक्ला बन्दले विभिन्न विमान सेवा कम्पनीले करिब ४ करोड भन्दा बढीको घाटा बेहोर्नुपरेको थियो ।