अनुदानको जहाज लिन निगमका ५ सदस्य प्रतिनिधी प्रस्तान

राजधानी समाचारदाता
काठमाडौ २९ कातिक
अनुदानको जहाज लिन नेपाल वायुसेवा निगमका ५ सदस्य प्रतिनिधी मंगलबार चीन प्रस्थान गरेका छन । अर्थ मन्त्रालयले निगमलाई आवस्यक जहाज ल्याउने बन्दोवस्त मिलाइदिन चिनीया दुतावासलाई पत्र लेखे लगत्तै त्यहाँको जहाज उत्पादक कम्पनीले प्राविधिक मुल्याङकन गर्न बोलाएकाले ५ सदस्य प्राविधीक प्रतिनिधी त्यसतर्फ गएको निगमले जनाएको छ ।
चिनीयाँ जहाज उत्पादक कम्पनी एभिक एभिआइसी इन्टरनेस्नलको निमन्त्रणामा निगमका टोली त्यसतर्फ गएका हुन । निगमका नायव महाप्रवन्धक एवं नयाँ जहाज खरिद उप समितिका संयोजक गणेश ठाकुरको नेतृत्वमा चीन जाने सो प्राविधिक टोलिमा निगमका क्याप्टेन दोय विजय लामा र श्रवण रिजाल इन्जिनीयरिङ विभागका नायव प्रवन्धक सन्तोष खत्री कमसर्ियल विभागका नायव प्रवन्धक किरण पन्त रहेका छन । निगमका नायव महाप्रवन्धक एवं प्रवक्ता राजुबहादुर केसीले उनीहरु मंगलबार दिउसो १२ बजे निगमकै ७५७-९एए जहाजको हङकङ उडानबाट चनि गएको बताए ।
उनले चिनीयाँ जहाज उत्पादक कम्पनीले निगमलाई दिने भनेको मोडलका विमानको प्राविधिक मुल्याङकन गरि त्यसको प्रतिवेदन कार्यकारी अध्यक्ष र साचालक समितिमा बुभाउने गरि ५ सदस्य प्राविधिक टोली त्यसतर्फ गएको बताए ।
नायव महाप्रवन्धक केसीका अनुसार चिनीया जहाज यहाँको वातावरण सुहाउदो एवं टिकाउपूर्ण भएमा व्यवस्थापनले तत्काल थप प्रकि्रया अघि बढाउने छ । अर्थ मन्त्रालयले गत दुई साता अघि मात्र चिनीयाँ दुतावासलाई सकेसम्म अनुदान नत्र सहलियत ऋणमा जहाज उपलब्ध गराइदिन आग्रह गर्दै पत्र पठाएको थियो ।
यसअघि सुगतरत्न कंसाकारको पालामा थालीएको निगमलाई आवस्यक नयाँ जहाज खरिद प्रकि्रया विवादमा परेपछि चीनबाट अनुदानमा ल्याउने पहल सुरु भएको हो । कम्पनीले माग गरेका ८ मध्ये ३ ओटा एमए-६० मोडलका र अन्य वाई १२-४ ई मोडलको जहाज लिने तयारी भइरहेको निगमले जनाएको छ ।