मधुजंग पाण्डे÷राजधानी
काठमाडौ २७ कात्तिक
मौसम विगि्रएका कारण आइतबार आन्तरिक एवं अन्तर्राष्ट्रिय उडान प्रभावित भएको छ । काठमाडौ उपत्यका लगायत मुलुकभरको आकासमा बाक्लो तुवाँलो र हुस्सुले ढाकेका कारण आन्तरिक एवं अन्तर्राष्ट्रिय उडान प्रभावित भएको हो ।
विहानै देखि विगि्रएको मौसमले पोखरा लुक्ला फाप्लु तुम्ङिटार र जोमसोङ विमानस्थ तर्फको उडान पूर्ण रुपले प्रभावित भएको थियो । विराटनगर नेपालगाज भैरहवा सिमरा र धनगढी लगाएतका अन्य आन्तरिक विमानस्थलमा पनि सामान्य प्रभाव गरेको थियो । आइतबार विहान ७ देखि ८ बजेसम्म तारा एयरलाइन्सको एउटा र अग्नीका दुई ओटा जहाज मात्र लुक्ला विमानस्थल पुगेर काठमाडौ फर्कन सफल भएका थिए । यसैगरि विहानै देखि विगि्रएको मौसमले केही अन्तर्राष्ट्रिय उडान पनि प्रभावित भएको त्रिभुवन अन्तर्राष्ट्रिय विमानस्थल कार्यालयले जनाएको छ । अन्तर्राष्ट्रिय विमानस्थल कार्यालयका महाप्रवन्धक रतिशचन्द्रलाल सुमनले मौसम खरावीका कारण आइतबार केही अन्तर्राष्ट्रिय उडान प्रभावित भएको बताए । नेपालमा मात्र नभएर संसारभरका आकासमा भरिएको बाक्लो तुवाँलो र हुस्सुले विहानका अन्तर्राष्ट्रिय उडान प्रभावित भएको जानकारी गराउँदै महाप्रवन्धक सुमनले राजधानीसँग भने ु नियमित समय अनुरुप विहान अवतरण गर्न नसकेका सबै अन्तर्राष्ट्रिय उडानमा साचालित जहाज अपरान्ह ४ बजेपछि काठमाडौ आएर फर्किएका छनु। उनले विहान अवतरण हुनुपर्ने कतार एयरलाइन्स स्पाइसजेट गल्फ एयरलाइन्स लगायतका केही उडान नियमित तालिका भन्दा ढिलो भएको बताए । मौसम विगि्रएर विहानै देखि न्युन रहेको भिजिविलीटीको मात्रा अपरान्हबाट बढेकाले अन्तर्राष्ट्रिय उडान सुचारु भएको जानकारी गराउँदै उनले चिसो मौसममा यो समस्या नेपाल लगायत सबै ठाउँमा जारी रहने बताए । शनिबारदेखि विगि्रएको मौसममा आइतबार पनि सुधार नआएकाले नियमित उडानबाट लुक्ला र फाप्लु ओहोर÷दोहोर गर्ने केही पर्यटकले साना हेलिकप्टर चाटर्ड गरेका थिए भने अझै हजारौं पर्यटक लुक्ला र काठमाडौ विमानस्थलमा अलपत्र छन ।
विहानै देखि विगि्रएको मौसममा सुधार नआएकाले पोखरा र तुम्लीङटार क्षेत्रको हवाई उडान प्रभावित भएको विमानस्थल कार्यालयले जनाएको छ ।
विमानस्थल कार्यालय स्थित आन्तरिक ट्रर्मिनल शाखाका एक अधिकारीले विहानै देखि लुक्ला क्षेत्रको मौसम विगि्रएकाले आइतबार तारा र अग्नीको ३ ओटा मात्र उडान भएको बताए । अन्य कम्पनीका जहाज दिनभर विमानस्थलमा कुर्दा पनि जान नसकेको जानकारी गराउँदै उनले अग्नी एयरका २ ओटा र ताराको एउटाजहाजले मात्र लुक्लाको उडान भर्न सफल भएको बताए । उनले पोखरा र तुम्लिङटार क्षेत्रको उडान पनि प्रभावित भएको जानकारी गराए ।
तारा एयरलाइन्सका प्रवन्धक माजनी श्रेष्ठले शनिबारदेखि मौसम कुरेर बसेको ताराले लुक्लाकालागि आइतबार एक उडान भर्न सफल भएको बताइन् । उनले पुर्व निर्धारित तालिका अनुसार हवाई टिकट लिएर बसेका यात्रुलाई मौसम अनुकुल भएपछि ओसार्ने जानकारी गराइन् ।
नेपाल वायुसेवा निगमका नायव महाप्रवन्धक एवं प्रवक्ता राजु बहादुर केसीले पनि खराव मौसमले आन्तरिक उडान प्रभावित भएको बताए । यसअघि पनि मौसम विगि्रएकै कारण एकसाता सम्म करिब ५ हजार पर्यटक लुक्ला क्षेत्रमा अलपत्र परेका थिए । फेरी लुक्लाको मौसम विगि्रएकाले सगरमाथा क्षेत्रको पदयात्रा भ्रमणमा निस्केका पर्यटकले दुःख पाएको अधिकाँश व्यवसायीको भनाई छ । ।
सगरमाथा आरोही संघका अध्यक्ष वाङछु शेर्पाले विहानै देखि विगि्रएको मौसमले लुक्ला क्षेत्रमा करिब एक हजार पर्यटक काठमाडौ आउन नपाएको बताए । अहिले हजारौं पर्यटक सगरमाथा क्षेत्रको पदयात्रा भ्रमणमा रहेको जानकारी गराउँदै उनले बढ्दो पर्यटकीय चाप अनुसार सगरमाथा क्षेत्रमा जाने हवाईजहाजको संख्या न्युन रहेकाले अहिले लुक्ला र फाप्लु क्षेत्रको हवाई टिकट पाउन कठिन भएको बताए । हाल दैनिक अग्नीको ३ सीताको एक र ताराको २ ओटा गरि जम्मा ६ ओटा जहाजले मात्र लुक्लाकालागि उडान भरिरहेको उनले जानकारी गराए । यी वायुसेवा लगायत विभिन्न कम्पनीका साना हेलिकप्टरले नियमित र चाटर्ड गरि बल्लतल्ल दैनिक करिब ४ दर्जन उडान भरेपनि अझै माग अनुसार अपुग रहेको उनको दावी छ । पहिलेको जस्तै यस साता पनि मौसम लामो समयसम्म खुलेन भने धेरै पर्यटकले सास्ती भोग्नुपर्ने उनको भनाई छ । यसअघि १५ देखि २१ कातिकसम्म लुक्ला क्षेत्रको मौसम विगि्रएर करिब पाँच हजार पर्यटक लुक्ला क्षेत्रमा अलपत्र परेका थिए । यसअघिको लुक्ला बन्दले खान र बास अभावले अलपत्र पर्यटकलाई उद्धार गर्न सेनाको एमआइ-१७ लगायत विभिन्न वायुसेवा कम्पनीका जहाज र हेलिकप्टरलाई पर्यटकको उद्धार गर्न मुस्कील परेको थियो । जसका कारण मुलुकको पर्यटन क्षेत्र प्रभावित बन्न पुगेको थियो भने एक साताको लुक्ला बन्दले विभिन्न विमान सेवा कम्पनीले करिब ४ करोड भन्दा बढीको घाटा बेहोर्नुपरेको थियो
No comments:
Post a Comment