विमानस्थल खुल्ने नखुल्ने अन्योल अझै कायमै , तीन दिनदेखि उडान ठप्प हु“दा ४५ हजार यात्रु प्रभावित

मधुजंग पाण्डे÷राजधानी
काठमाडौ, २२ फागुन
विगत तीन दिनदेखि ठप्प त्रिभुवन अन्तर्राष्ट्रिय विमानस्थलको अन्तर्राष्ट्रिय हवाई उडान शनिबार विहान १० बजेदेखि पनि खुल्ने नखुल्ने अन्योल कायमै छ । गत बुधबार विहान ७. ५५ बजे अवतरणको क्रममा दुर्घटनाग्रस्त टर्किस एयरलाइन्सको विमानलाई धानवमार्गबाट हटाउन अझै समय लाग्ने भएपछि विमानस्थल कार्यालयले अन्तर्राष्ट्रिय उडान शनिबार बिहान १० बजेसम्मकालागि पुनः स्थगित गरेको छ । शनिबार विहान १० बजेपछिपनि बन्द विमानस्थल सुचारु हुने नहुनेबारे विमानस्थल कार्यालयले अझै स्पष्ट्र भन्न नसकिरहेकाले विमानस्थल खुल्ने अन्योल कायमै रहेको हो ।  विमानस्थल कार्यालयले पुनः नयाँ सूचना जारी गर्दै शनिबार विहान १० बजेसम्मकालागि अन्तर्राष्ट्रिय उडान र अवतरण स्थगित भएको जानकारी गराएको छ ।
नेपाल नागरिक उड्डयन प्राधिकरणका महानिर्देशक रतिसचन्द्रलाल सुमनले शुक्रबार दिउ“सो आयोजित पत्रकार सम्मेलनमा यस्तो जानकारी गराएका हुन । उनले शनिबार १० बजेपछि पनि विमानस्थल खुल्ने ग्यारेन्टी नभएको बताए । अहिले धावन मार्गमा फसेको जहाज पाखा लगायने कार्य निरन्तर जारी रहेको बताउँदै महानिर्देशक सुमनले भने, ‘अहिले कतिपय मिडियाले अवरुद्ध विमानस्थल यति बजे खुल्छ भनेर आ–आफ्नै पाराले समाचार सम्प्रेषण गरिरहेका छन, त्यो होइन । हामीले १० बजेसम्म बन्द गरेका हौ“ ’।  उनले जहाज पाखा लगाउने कार्यमा खट्टिएका प्राविधिकहरुले काम छिटो सिध्याए शनिबार विहान १० बजे भन्दा अघि पनि खुल्न सक्ने र समय लगाए त्यो भन्दा पछि पनि खुल्न नसक्ने बताए । यसअघि नागरिक उड्डयन प्राधिकरणले शुक्रबार सा“झ ५ बजेसम्मकालागि मात्र अन्तर्राष्ट्रिय उडान–अवतरण बन्द गर्ने जनाएको थियो ।
प्राधिकरणका अनुसार अहिले गत बुधबारदेखि धावनमार्गमा फसेको टर्किस एयलाइन्सको दुर्घटनाग्रस्त जहाजलाई भारतबाट आएका प्राविधिकहरुले ब्लाडर (रबरको बेलुन) को सहायताले उचालेर सो विमानको ल्यान्डिङ गियरको पाङग्रा फेर्ने काम सकिएको छ । अझै सो जहाज धानमार्ग नछेकिने गरी सुरÔित स्थानमा लान कठिनाइ भइरहेको जानकारी गराउँदै महानिर्देशक सुमनले शुक्रबार दिउँसो जहाज उचाल्न प्रयोग गरिएको ब्लाडरको Ôमता १७ फिटमात्रै रहेकाले पुनः हावा फुस्काएर मुनि चार÷पाँच फिटको काठको फलेक राखेर त्यसमाथि ब्लाडर राखी फेरी हावा भरेर जहाज उठाउने काम गर्दा केही ढिलाई भएको बताए ।  उनले अहिलेसम्म ल्यान्डिङ गियरका दुई ओटा पाङग्रा फेरिसकेको जानकारी दिए। उनले अझै जहाजलाई गुडाउन सक्ने अवस्था नभएकाले  थप पाङग्राको संख्या बढाउने कार्य जारी रहेको बताए ।   सो जहाजलाई सुरक्षित रुपमा ह्याङगरमा पु¥याउनकालागि  साढे ५७ टन भएको मेन ल्यान्डिङ गियर नभासियोस् भनेर अकै ट्रलीमाथि राखेर गुगाउने काम भईरहेको जानकारी दिए । उनले जहाज दुर्घटना भएपछि लक भएको हाइड्रोलिक ब्रेकलाई अहिले खुला गरिसकेको बताए ।  उनले लक भएको ब्रेक खुलिसकेकाले अब थप पाङग्रा र ट्रलीको सहायताले तानेर ह्याङगरमा पु¥याईने बताए ।
यस प्रायासबाट पनि आफ्नो जहाज निकाल्न नसकिए टर्किस एयरले भारतको बाटो हु“दै थप उपकरण ल्याउने तयारी गरेको छ । सो विमानलाई सुरक्षित रुपमा ह्याङगरमा पु¥याउनकालागि प्रयोग हुने सामान बोकेर बिहीबार भारतीय वायुसेनाको हर्कुलस विमान त्रिभुवन अन्तर्राष्ट्रिय विमानस्थलमा आएको थियो । अहिलेसम्म टर्किस एयरको विमान धावनमार्गबाट पन्छाउन नसकेका कारण अन्तर्राष्ट्रिय उडान अवरुद्ध भएको ३ दिनको अवधीमा करिब ४५ हजारभन्दा बढी हवाई यात्रु विमानस्थलमा अलपत्र परेका छन् ।
बुधबार देखि ३  दिनमा उडान र अवतरण गरी करिब दैनिक ८० ओटाका दरले  २ सय ४० ओटा अन्तर्राष्ट्रिय उडान ठप्प भएको हो । यसैगरि, अहिलेसम्म नेपालको उडान भरिरहेका २७ ओटा अन्तर्राष्ट्रिय विमान कम्पनीहरुले विमानस्थलबाट दैनिक रुपमा आवत–जावत गर्ने करिब १५ हजार गरि शुक्रबार साँझसम्म ४५ हजार जना भन्दाबढी यात्रु अलपत्र परेका छन् ।
यहाँ विमानस्थल ठप्प भएकै कारण अहिले खाडीका विमानस्थलमा पनि नेपाल आउँदै गरेका हजारौं हवाई यात्रुको बिजोग भएको छ । टर्किस विमान दुर्घटनाले यहाँको विमानस्थलको  अन्तर्राष्ट्रिय उडान लगातार तीनदिनदेखि ठप्प भएका कारण वैदेशिक रोजगारीकालागि विभिन्न मुलुकमा गई बिदामा घर र्फकन लागेका कामदार र अन्य देसबाट नेपाल आउन लागेका पर्यटक खाडीका विमानस्थलहरुमा खान समेत नपाएर अलपत्र परेका छन ।  बजेट एयरलाइन्सको टिकट लिएर बसेका यात्रुहरु बढी मारमा परेका छन । युरोपियन मुलुकहरु लगायत पूर्वी भागबाट आउने हवाई यात्रुकालागि खाडीको कतार र यूएई मुख्य ट्रान्जिट विमानस्थल हुन् ।
विमानस्थलमा अलपत्र यात्रुका अनुसार  अझै विमानस्थलको सूचना पाटीमा सबै उडान रद्ध भएको सूचना छ । यात्रु प्रस्थान कÔको ढोका बन्द छ । विमानस्थलको स्क्रिनमा विभिन्न वायुसेवा कम्पनीले उडान रछ भएको सूचना टा“सेका छन्। अहिले विभिन्न मुलुक तर्फ जानकालागि सामानसहित विमानस्थल पुगेका यात्रु निकै अन्योलमा छन्।  उनीहरुलाई उडान कहिले हुन्छ ? काटिसकेको टिकट के गर्नुपर्छ? केही थाहा छैन । कतार जानकालागि शुक्रबार विमानस्थलमा जहाज पर्खिरहेका दिनेश लामाले भने, ‘विमानस्थलले बेला बेलामा सूचना जारी गर्छ। तर, त्यसमा खासै नया“ उडानको केही खवर हु“दैन, उडान रद्ध भएको मात्र जानकारी आइरहन्छ’। ति यात्रुका अनुसार नया“ जानकारी आओस् पनि कसरी? उडान कहिले सुचारु हुन्छ भन्ने विमानस्थलका अधिकारीलाई नै थाहा छैन। अहिले यहाँको विमानस्थलको अन्तर्राष्ट्रिय उडान ठप्प हुँदाको असर छिमेकी मुलुक भारत, चीन, थाइल्याण्ड, कतार मलेसिया, हङकङ, भुटान, बंगलादेश लगायत संसारका धेरै ठाउ“मा परेको छ ।
विमानस्थल बन्द भएपछि अहिले साथमा भएको पैसा सकियो भन्दै विदेशी पर्यटक विमानस्थलमै सुत्ने समेत गरिरहेका छन्। सोही अवस्थालाई मध्यनजर गर्दै अहिले सरकारले बुधबादेखि यहाँ भिसाको म्याद सकिएका पर्यटकलाई विमानस्थल नखुल्दासम्मको म्याद थपिने गरी अध्यागमन विभागस“ग समन्वय गरिरहेको पनि विमानस्थल कार्यालयले जानकारी दिएको छ ।