निगमको नयाँ एयरबसले १३ फागुनबाट व्यवसायीक उडान थाल्ने , काठमाडौ–दिल्ली एकतर्फी भाडा ७ हजार ८४ रुपैयाँ मात्रै

मधुजंग पाण्डे÷राजधानी
काठमाडौ, ४ फागुन
नेपाल वायुसेवा निगमले युुरोपियन जहाज उत्पादक कम्पनी एयरबससँग खरिद गरि ल्याएको नयाँ एयरबसले आगामी १३ फागुनबाट नियमित व्यवसायीक उडान सुरु गर्ने भएको छ । गत २५ माघमा निकै तामझास“ग भित्राइएको १ सय ५८ सिट Ôमताको एयरबस ‘ए३२०–२००’ जहाजको नयाँ दिल्ली उडान पहिलो व्यवसायीक उडान हो ।
निगमले हाल अन्तर्राष्ट्रिय उडानमा सञ्चालित २ ओटा बोइङ ७५७ जहाज खरिद गरेको २७ वर्Èपछि बल्ल अन्तर्राष्ट्रिय उडानकालागि सगरमाथा लेखिएको नयाँ एयरबस जहाजबाट पहिलोपटक भारतको नयाँ दिल्लीकालागि थप व्यवसायीक उडान सुरु गर्न लागेको हो । निगमले सो रुटमा नेपाली यात्रुलाई प्रति व्यक्ति एकतर्फी भाडा ७ हजार ८४ रुपैया“मा उडाउने बताएको छ । यसैगरि, काठमाडौ–नयाँ दिल्ली दुईतर्फी भाडा प्रति यात्रु १५ हजार १ सय ७७ रुपैयाँ निर्धारण गरिएको र यो करसहित एकतर्फी प्रवर्वद्धनात्मक भाडादर भएको निगमले जनाएको छ । त्यसैगरि हवाई यात्रुहरुको सुविधालाई ध्यानमा राखी काठमाडौं–क्वालालम्पुर उडानको एकतर्फी नयाँ भाडा (कर वाहेक) प्रति व्यक्ति १४ हजार कायम गरिएको निगमले बताएको छ ।
निगमका प्रवक्ता रामहरि शर्माले यसअघि आवस्यक विमानको अभावका कारण केही वर्ष स्थगित गरिएको नयाँ दिल्लीमा पुनः उडान सूचारु गर्न लागिएको बताए। निगमले विदेशी यात्रुकालागि भने प्रतियात्रु ८ हजार २ सय ३० रुपैया“ नयाँ भाडादर तोकेको छ । निगमको दिल्ली उडानले यात्रुलाई निकै राहत पुग्ने अपेÔा गरेको बताएको छ । निगमले दिल्लीकालागि साताको हरेक सोमबार, बुधबार, शुक्रबार र शनिबार नियमित उडान भर्ने बताएको छ ।  
निगमका अनुसार सो जहाजले विहान ८ बजे काठमाडौंबाट दिल्लीका लागि र १०.४० बजे दिल्लीबाट काठमाडौंका लागि नियमित उडान हुने छ ।
यसअघि जहाज अभावका कारण निगमले दिल्ली उडान भर्न नसक्दा विभिन्न भारतीय विमान कम्पनीहरुले एकछत्त रुपमा बजार कब्जा गरि हवाई भाडामा समेत सेण्डिकेट गरिरहेका थिए । अब निगमको थप उडान बृद्धिस“गै यस रुटमा यात्रा गर्ने यात्रुहरुले अनावस्यक चर्को भाडा तिरेर काठमाडौं–दिल्ली उडान गर्नुपर्ने बाध्यताबाट मुक्त हुने अपेक्षा गरिएको छ । अहिले अन्य विमान कम्पनीहरुले दिल्लीकालागि एकतर्फी भाडा प्रति व्यक्ति १५ हजार रुपैयाँ भन्दा बढीसम्म लिईरहेका छन ।
अहिले ति विमान कम्पनीहरुले निगमको नयाँ जहाज आएर सस्तो भाडामा उडाउने तयारी गरेपछि धमाधम दिल्ली रुटको हवाई भाडा घटाउन थालेका छन । गत दशै तिहारमा प्रति व्यक्ति करिब ४५ हजार रुपैयाँ पुगेको दुईतर्फी भाडा अहिले १५ हजार रुपैया“मा बेचिरहेका छन् । यो भाडा दिल्लीकालागि विगत ३ वर्Èयताकै सबै भन्दा सस्तो भएको ट्राभल्स एजेन्सी एवं टिकेट बिक्रेताहरुको भनाई छ । गत १५ पुससम्मपनि ती वायुसेवाहरुले दुईतर्फी भाडा घटाएर १६ हजार रुपैया“मा मात्र झारेका थिए । अहिले अफ सिजनस“गै निगमले दिल्ली उडान सुरु गर्ने भएपछि ति विमान सेवा कम्पनीहरुले धमाधम भाडा घटाउन थालेको उनीहरुको भनाई छ । हाल दिल्लीबाट काडमाडौं उडान भर्ने जेट एयरवेज, एयर इन्डिया, इन्डिगो, स्पाइस जेट र भुटानको डुर्क एयर लगायत सबैले दिल्लीको भाडादर केही  घटाएका हुन् । निगमले काठमाडौं–दिल्ली उडान बन्द गरेपछि हवाइ भाडामा एकछत्त बृद्धि गरेका ती वायुसेवा कम्पनीले निगमको उडान पुनः सुचारु  हुने भएपछि धमाधम भाडा घटाएका हुन । दिल्लीबाट काठमाडौं उडान भर्ने अन्य विमान कम्पनीहरुले सिजन र अफ सिजन चल्ने वित्तिकै सेण्डिकेट गरी मनपरि रुपमा भाडा बढाउने÷घटाउने खेल खेलिरहेका थिए ।  
कुल १ सय ५८ सिट Ôमता भएको नयाँ एयरबसमा १ सय ५० ओटा इकोनोमी र ८ ओटा बिजनेस सिट रहेका छन् । आगामी दिनमा निगमले दिल्लीमा दैनिक उडान भर्ने तयारी गरेको छ । अहिले एयरबसबाट आएका प्रशिÔक पाइलटबाट सातामा पा“च उडानमात्र गर्न पाइने हु“दा निगमले दिल्लीमा सातामा ४ ओटा उडान मात्र गर्न लालेको हो । अर्को नयाँ एयरबस आएपछि निगमले दिल्लीमा नियमित दैनिक दुई उडान भर्ने तयारी गरेको छ । हाल निगमले दुईओटा बोइङ ७५७ बाट अन्तर्राष्ट्रिय उडान गरिरहेकामा अब दुईओटा एयरबस थप भएस“गै कुल अन्तर्राष्ट्रि उडानमा सञ्चालित जहाजको संख्या चार ओटा पुग्ने छ ।
यसैगरि, बैंकक र हङकङमा पनि एयरबसबाट सेवा सुµ गर्ने जानकारी दि“दै निगमले यसबाट उडानको नियमितता हुनुका साथै थप विश्वसनीयता समेत बढ्ने अपेÔा गरेको जनाएको छ । अन्तर्राष्ट्रिय उडान गर्ने जहाजको संख्या ४ पुगेपछि निगमले नयाँ दिल्ली लगायत विभिन्न ९ ओटा गन्तव्यमा सातामा ५० ओटा उडान भर्ने बताएको छ । नियमले भर्खरै ल्याईएको नयाँ एयरबसको उडानकालागि अहिले नेपाल नागरिक उड्डयन प्राधिकरणबाट वायुसेवा सञ्चालन तथा अनुमति प्रमाणपत्र (एओसी) लिने प्रक्रिया करिब अन्तिम चरणमा पुगेको बताएको छ ।