पर्यटन बोर्ड नेतृत्वबिहिन भएकाले व्यवसायी मारमा
काठमाडौं÷रास– नेपाल एसोसियसन अफ टुर अपरेटर्स ( नाटो) का अध्यक्ष अशोक पोखरेलले विगत १६ महिनादेखि खाली रहेको नेपाल पर्यटन बोर्डको प्रमुख कार्यकारी अधिकृत (सिईओ) छनोट प्रक्रिया अझै अन्योलग्रस्त रहेकाले पर्यटन व्यवसायी मारमा परेको बताएका छन् । 
शनिबार नगरकोटमा आयोजित पिकनिकमा पोखरेलले बोर्डमा नेतृत्व नहुँदा पर्यटन व्यवसायीले लक्ष्य अनुरुप काम गर्न नपाएको बताए ।
व्यवसायीबीचको आत्मियता बढाई सरकारी र अन्य सरोकारवालासँगको आपसी सहकार्यलाई थप विस्तार गर्ने उद्देश्यले नाटोले हरेक वर्ष अंग्रेजी नयाँ वर्ष तथा क्रिसमसको अवसरमा सदस्य व्यवसायीलाई एकै ठाउँमा भेला गराएर पिकनिक कार्यक्रम गर्दै आएको जानकारी दिँदै उनले सन् २०१० देखि सुरु भएको यस मनोरञ्जनात्मक कार्यक्रममा पर्यटनसँग सम्बन्धित सबै व्यवसायी र सरोकारवालाको बाक्लो उपस्थिती भएको बताए ।
नेपाल वायुसेवा निगम सञ्चालक समितिका सदस्य समेत रहेका पोखरेलले लामो समयदेखि पर्यटन बोर्डको सिइओ छनोट नभएकाले अन्तर्राष्ट्रिय स्तरको प्रवद्र्धन  कार्यक्रम प्रभावित भएको बताए । बोर्डले गत वर्ष विभिन्न अन्तर्राष्ट्रिय टेलिभिजन च्यानलमार्फत गरेको विज्ञापनको बिल भुक्तानी समेत गर्न नपाएको बताए ।
उनले अहिलेसम्म सरकारले नेपाल भित्रिने पर्यटकको कुल बसाई अवधी १२ दशमलब ७  दिनबाट थप लम्बाउने खालका कुनै गतिविधी गर्न नसकेकाले व्यवसायी मारमा परेको बताए । उनले लामो समयदेखि जारी राजनीतिक अस्थितरता एवं संक्रमणकालिन अवस्थाले पर्यटन क्षेत्र धेरै प्रभावित भएको बताए । 
पर्यटन प्रवद्र्धनकालागि अहिलेसम्म भएका  सरकारी नीति नै स्पष्ट्र नभएकाले व्यवसायी थप अन्योलमा परेको बताए । कार्यक्रममा सहभागी व्यवसायीहरु जोय देवान, सुमन पाण्डे, विक्रम पाण्डे, अच्चुत गुरागाइँ, अमरबहादुर साही लगायतले नयाँ पर्यटन बहान आयात गर्दा लाग्ने भन्सार मुल्याङकन शुल्क छुट नभएकाले महँगो गाडी ल्याएर व्यवसाय गर्दा निकै मर्का परेको बताएका थिए ।
सो कार्यक्रममा संस्कृति पर्यटन तथा नागरिक उड्डयन मन्त्रालयका सह सचिव सुरेश आचार्य, नेपाल वायुसेवा निगमका निमित्त महाप्रवन्धक राजुबहादुर केसी लगायत करिब डेढसय जना सहभागी थिए ।    

कार्वन उत्सर्जन न्युनिकरण गरि परम्परागत इट्टा बनाइने
राजधानी समाचारदाता
काठमाडौ, ६ पुस
नेपाल घरेलु तथा साना उद्योग महासंघलाई दिगो निर्माण अभ्यास परियोजनाबाट ५ ओटा कम्प्यूटर, प्रिन्टर र एक थान ल्यापटप हस्तान्तरण गरेको छ । 
महासंघका अध्यक्ष सुरेश प्रधानलाई परियोजना प्रवन्धक श्यामप्रसाद गिरीले करिब साढे तीनलाख रुपैयाँ बराबरको कम्प्युटर, प्रिन्टर र ल्यापटप हस्तान्तरण  गरेका हुन ।  घरेलु तथा साना उद्योग महासंघ स्थानिय साझेदार रहेको जर्मनीको डिएमएएन र स्वीजरल्याणको एसकेएटी फाउन्डेसनको संयुक्त साझेदारीमा सञ्चालीत यस परियोजनाले सो कम्प्युटर उपकरणहरु विभिन्न ५ जिल्लामा रहने जिल्ला अधिकृतहरुको कामलाई सहज बनाउन उपलब्ध गराएको हो ।
यस परियोजा स्विच एसिया कार्यक्रम ‘दिगो उत्पादन तथा उपभोग’ अन्र्तगत  युरोपेली संघको आर्थिक सहयोगमा सञ्चालित छ ।
परियोजना प्रबन्धक गिरीले ४० महिनाको अवधी रहेको परियोजनाले नेपालका निर्माण क्षेत्रमा भईरहेको कार्वन उत्सर्जन न्युनिकरण गरि परम्परागत इट्टा बनाउने कार्यलाई परिमार्जन गरि वातावरण अनुकलको बनाउने कार्यमा सहयोग गर्दै आएको बताए ।
उनले गत अप्रिलदेखि घरेलु महासंघसँगको सहकार्यमा काम थालेको परियोजनाले ४० करोड लगानीमा कार्बन उत्सर्जन न्युनिकरण काममा सहयोग पु¥याउँदै आएको जानकारी गराए । उनले सो परियोजनाको ४० महिने अवधीमा करिब १० हजार जनालाई न्युनतम वर्षको १० महिना काममा बेस्त रहने प्रवन्ध मिलाउने लक्ष्यकासाथ आफुले काम गरेको दावी गरे । 
परियोजना प्रवन्धक गिरीले अहिले मकवानपुर, नवलपरासी, तनहुँ, कपिलबस्तु र काठमाडौमा परियोजनाले घरेलु महासंघसँगको सहकार्यमा काम गरिरहेको बताए । उनले इट्टा बनाउने कार्य र सिमेन्टको वातावरण अनुकुल कंक्रिटबाट किफाएति भवन बनाउने कार्यमा सहयोग गर्दै आएको जानकारी दिए ।  
महासंघका अध्यक्ष सुरेश प्रधानले उपकरण उपलव्ध गराएकाले न्युन लगानीमा सञ्चालित उद्योगहरुको प्रवद्र्धनमा निकै राहत मिल्ले अपेक्षा गरिएको बताए । 
महासंघका महासचिव बिष्णु वहादुर लुइटेलले महासंघले पयिोजनासँग गर्दै आएको विविध कार्यको जानकारी दिँदै  सहयोग स्वरुप  उपलब्ध सूचना प्रविधीजन्य उपकरण प्राप्त भएपछिको फाईदाका बारेमा जानकारी दिएका थिए ।

संक्रमणकालीन अवस्थाको निकासका लागि सहमति आवश्यक छ 
राजेन्द्र शेरचन
अध्यक्ष, खिचापोखरी व्यापार संघ
एवं नेपाल चेम्बर अफ कमर्सका कार्यसमिति सदस्य
२०१६ सालमा बागलुङ जिल्लाको बागलुङ बजारमा जन्मिएका व्यवसायी
राजेन्द्र शेरचन खिचापोखरी व्यापार संघका अध्यक्ष एवं नेपाल चेम्बर अफ कमर्सका कार्यसमिति सदस्य हुन् ।
राजधानीको सुन्धारास्थित धरहरा नजिकैको खिचापोखरी प्रवेश मार्गमा शेरचन इम्पोरियम नामक तयारी पोसाक बिक्री केन्द्र स्थापना गरी विगत ३२ वर्षदेखि व्यापारिक क्षेत्रमा सक्रिय शेरचन एक सफल उद्यमीका रूपमा परिचित छन् । शेरचन इम्पोरियमका प्रबन्ध सञ्चालक राजेन्द्र लामो समयसम्मको व्यापारिक अनुभव र व्यवसायीबीचको एकता एवं समाजसेवी भावनाकै कारण राजधानीको व्यापारिक मुटु खिचापोखरी व्यापार संघका अध्यक्ष भएका हुन् । अहिलेसम्म उनी यस संघमा लगातार तीन पटक अध्यक्ष पदमा निर्वाचित भई कुशलतापूर्वक काम गरिरहेका छन् । उनी संघको संस्थापक अध्यक्ष हुन् ।
बुबा तेजेन्द्रबहादुर शेरचन र आमा भीमकुमारी शेरचनको कोखबाट जन्मिएका राजेन्द्रले आफ्ना बुबाले बागलुङबाटै सञ्चालन गरेको थकालीको पुख्यौली पेसा तयारी पोसाक बिक्री गर्ने कार्यबाटै व्यापारिक क्षेत्रमा प्रवेश गरेका हुन् । जन्मथलो बागलुङबाट पोखरा हुँदै काठमाडौं आएर विगत तीन दशकभन्दा बढी समयदेखि खिचापोखरीमा व्यापार जमाएर बसेका शेरचनले  त्रिभुवन विश्वविद्यालयबाट व्यवस्थापनमा स्नातक गरेका छन । व्यापारिक क्षेत्रको सफलतासँगै विशेषगरी सामाजिक कार्य गर्न रुचाउने शेरचनले हाल काठमाडांै महानगरपालिका–२२ को टोल सुधार समितिको सदस्यको जिम्मेवारी पनि सम्हालेका छन् । राजधानीको व्यापारिक केन्द्र खिचापोखरी र न्युरोड क्षेत्रमा छरिएर रहेका सबै व्यवसायीलाई एकजुट गराई संघको माध्यामबाट व्यवस्थित रूपमा राजस्व संकलन गर्ने काममा सरकारलाई सघाइरहेको उनी बताउँछन् । उनी कार्यरत संघको कार्यक्षेत्र ६ ओटा समूहमा विभाजन गरिएको छ । जसमा न्युरोड, खिचापोखरी, सुन्धारा, पाको न्युरोड, धर्मपथ, रणमुक्तेश्वर रहेका छन् । उनले हाल यस संघमा करिब ६ सय व्यापारिक संस्थाका प्रतिनिधि सदस्य रहेको जानकारी दिए । शेरचनका अनुसार यस क्षेत्रमा जुत्ताचप्पल, सुनचाँदी, औषधि, इलेक्ट्रोनिक्स, तयारी पोसाकजन्य वस्त बिक्री गर्ने, रेस्टुरेन्ट होटल एवं सेवासम्बन्धी कुनै पनि व्यापारिक संस्थाका प्रतिनिधि संघमा आबद्ध छन् । अधिकांश मासुपसल र पुराना घर भएको खिचापोखरी क्षेत्रलाई सरसफाइ गरी उत्कृष्ट व्यापारिक हबका रूपमा विस्तार गर्न आफूले २०३७ सालबाट निरन्तर प्रयास गरी अहिलेको यस अवस्थामा आइपुग्न सफल भएको बताउने शेरचनलाई यस पटक हामीले हिँड्दा हिँड्दै स्तम्भमा स्थान दिएका छांै ।

तपाईं आफ्नो परिचय कसरी दिनुहुन्छ ?
–म सधैं व्यापारिक क्षेत्रको हकहितमा लाग्ने सामाजसेवी मान्छे हुँ ।
जीवन के हो ?
– जीवन निरन्तर चल्ने सिकाइको यात्रा हो ।
प्रेरणाको स्रोत ?
– बुबा तेजेन्द्रबहादुर शेरचन र आमा भीमकुमारी शेरचन र अन्य व्यवसायी साथीहरू ।
तपाईं जीवनको उपलब्धि केलाई ठान्नुहुन्छ ?
–मैलै अहिलेसम्म जे प्राप्त गरें त्यसैलाई उपलब्धिका रूपमा लिएको छु । जीवनको उपलब्धि आफूले जानेका सबै कुरा व्यवहारमा उतारी अरूलाई दिन सकियो भने म त्यसैलाई ठूलो उपलब्धि मान्दछु । 
प्रेम के हो ?
–निश्वार्थ भावना नै प्रेम हो । प्रेम दुई मुटुलाई एक आपसमा बाँध्ने निश्वार्थपूर्ण भावना हो ।
तपाईंको सबैभन्दा नजिकको मान्छे ?
– बुबा–आमा र श्रीमती सविना शेरचन ।
कर्म के हो ?
– पहिचाहन नै कर्म हो ।
तपाईं कर्ममा विश्वास गर्नुहुन्छ कि भाग्यमा ?
– म कर्म र भाग्य दुवैमा वि    श्वास गर्दछु ।
तपाईंलाई मनपर्ने पार्टी र नेता ?
–अहिलेसम्म कुनै पनि छैन ।
तपाईंको जीवनको  दुःखद क्षण ?
 – जीवनमा दुःख सुख हुँदै जान्छ । म बुबा आमाको निधन हुँदा धेरै रोएको छु । 
देशको मनपर्ने स्थान ?  
– पोखरादेखि मुस्ताङका सबै क्षेत्र
मुलुकको सबैभन्दा ठूलो समस्या ?
– लामो समयदेखि जारी राजनीतिक अस्थिरता नै मुलुकको सबैभन्दा ठूलो समस्या हो ।
सोख ?   
– भ्रमण र आन्तरिक पर्यटन प्रवद्र्धन गर्ने । 
विवाह लभ कि एरेन्ज
– एरेन्ज हो  ।
युवापुस्ताले गर्नुपर्ने मुख्य काम ?
– नयाँ विचार र सोचका साथ  अर्काको पछि नलागी आत्मनिर्भर बन्नुपर्छ ।

नयाँ पुस्तालाई के सन्देश दिनुहुन्छ ?
–इमानदार र कामप्रति लगनशील हुनुपर्छ ।
लक्ष्य ?
– मलाई अथाह सम्पत्ति कमऊँ भन्ने छैन । त्यसैले समाजसेवी बन्ने लक्ष्य छ ।
राजनीतिक संक्रमणको निकास के हो ?
–दलका नेताहरूले  व्यक्तिगत स्वार्थमा नलागी देशका लागि सोच्नुपर्छ । सहमती नै संक्रमणको निकास हो ।
 देशको वर्तमान राजनीतिक अवस्थाप्रति के भन्नुहुन्छ ?
–अहिले मुलुकको राजनीतिक अवस्था अन्योलपुर्ण छ । जसका कारण देशको औद्योगिक वातावरण बिग्रिएको छ । अहिले धमाधम युवा कामको खोजीमा बिदेसिन बाध्य छन् । 
प्रस्तुति ः मधुजंग पाण्डे÷राजधानी

राजनीतिक अन्योलताका कारण पर्यटन दूरदृष्टि अन्योलमा
लुम्बिनी भ्रमण वर्ष नारामै सीमित
मधुजंग पाण्डे÷राजधानी
काठमाडौं, ४ पुस
राजनीतिक संक्रमणकालीन अवस्थाले लुम्बिनी भ्रमण वर्ष–२०१२ का कार्यक्रम नारामै सीमित हुन पुगेका छन् । भ्रमण वर्ष सकिन केही दिन मात्र बाँकी रहँदासम्म भ्रमण वर्ष उद्घाटनको कार्यक्रमबाहेक अरू कुनै प्रवद्र्धनका कार्य हुन सकेका छैनन् ।
राजनीतिक अन्योलताकै कारण लगानी वर्ष–२०१२÷१३ का पूर्वलक्षित कार्यक्रममा पनि असर परेको छ ।
निर्माण कार्य थालनी भइसकेका ठूला आयोजना तथा राष्ट्रिय गौरवका कार्यक्रम लक्ष्यअनुरूप सञ्चालन भएका छैनन् ।  यति मात्र होइन, अझै यस्तो संक्रमणकालीन अवस्था लम्बिइरहे सरकारले अघि सारेको नेपाल पर्यटन दूरदृष्टि (भिजन–२०२०) अभियानका विविध कार्यक्रम कार्यान्वयनमा पनि कठिनाइ उत्पन्न हुने देखिएको छ ।
आर्थिक वर्ष सुरु भएको सात महिना बित्न लाग्दा पनि पूर्ण बजेट ल्याउन नसक्नु, हरेक ६÷६ महिनामा मन्त्री र सचिव फेरिने परिपाटी, पर्यटन प्रवद्र्धनमा भूमिका निर्वाह गर्नेहरूले पनि दलीय स्वार्थका पछि लागेर नेपाल पर्यटन बोर्ड र लुम्बिनी विकास कोषमा अनावश्यक राजनीतिक हस्तक्षेप गर्नेजस्ता कारणले भिजन–२०२० को पूर्वलक्षित अभियानका विविध कार्यहरू प्रवाभित बनेका सम्बन्धित सरोकारवाला नै बताउँछन् ।  
सन् २०११ को पर्यटन वर्षमा १० लाख पर्यटक भित्राउने लक्ष्य राखिए पनि जम्मा ७ लाख ३६ हजार २ सय १५ जना मात्र पर्यटक आएको भन्दै उनीहरूले सन् २०१२ को लुम्बिनी भ्रमण वर्षका कार्यक्रम पनि केबल नारामै सीमित भएको बताए ।
लुम्बिनी विकास कोषका सदस्य–सचिव अजितमान तामाङले लामो समयदेखि जारी राजनीतिक अन्योलता एवं संक्रमणकालीन अवस्थाका कारण लुम्बिनी भ्रमण वर्ष लक्ष्यअनुरूप सफल हुन नसकेको बताए ।
उनले लुम्बिनी भ्रमण वर्ष मनाउन सरकारले हतारमा निर्णय गरेकाले उपयुक्त पूर्वाधार र प्रचार–प्रसारको अभावका कारण लक्ष्यअनुरूप पर्यटक भित्राउने दृष्टिले असफल भएको जिकिर गरे । 
उनले लुम्बिनी धार्मिक दृष्टिकोणले बुद्ध मार्गीहरूको आस्थाको केन्द्र भएकाले पर्यटकीय सम्भावना अझै पर्याप्त भइनसकेको बताए । 
कोषका सदस्य सचिव तामाङले असहज संक्रमणकालीन राजनीतिक अवस्था रहे पनि लुम्बिनीको विकासमा सर्वदलीय राजनीतिक समूह रहेकाले केही सहज भएको बताए । अहिले लुम्बिनीमा चिनियाँ, भियतनामी, श्रीलंकन, थाइल्यान्डलगायतका बौद्ध धर्मावलम्बी पर्यटक आउनेक्रम राम्रो भए पनि अझै अपेक्षित रूपमा नआएको जानकारी दिए ।
सरकारले लुम्बिनी भ्रमण वर्षका कार्यक्रमलाई अझै एक वर्षका लागि निरन्तरता दिने योजना बनाए पनि सो योजनाले  पर्यटन दूरदृष्टि अभियानअन्तर्गत सन् २०१३ का लागि पूर्वघोषित सिस्ने, जलजला, ढोरपाटन र कर्णाली पर्यटन वर्षका कार्यक्रम प्रभावित नहुने धारणा राखे  । उनले अझै लुम्बिनी दशक घोषणा गर्ने तयारी भइरहेको पनि जानकारी दिए ।
सरकारले सन् २०२० सम्म  पर्यटन दूरदृष्टि अभियानअन्तर्गत सन् २०१२ लाई लुम्बिनी भ्रमण वर्ष, सन् २०१३ लाई कर्णाली पर्यटन वर्ष, सन् २०१४ लाई विशेष मिथिला र सहलेस पर्यटन वर्ष, सन् २०१५ लाई विराट मेची पहाडी पर्यटन वर्ष, सन् २०१६ लाई रुरु–रेसुङगा पोखरा, अन्नपूर्ण वर्ष, सन् २०१७ लाई सिम्रौनगढ, काठमाडौं लाङटाङ पर्यटन वर्ष, सन् २०१८ अरुण सगरमाथा पर्यटन वर्ष, सन् २०१९ मा  चिसापानी खप्तड पर्यटन वर्ष र सन् २०२० लाई आन्तरिक भ्रमण तथा नागरिक उड्डयन वर्ष घोषणा गरेको छ ।
सस्कृति, पर्यटन तथा नागरिक उड्डयन मन्त्रालयका सचिव यज्ञप्रसाद गौतमले पर्यटन दूरदृष्टि अभियानलाई कार्यान्वयन गर्न निजी क्षेत्रसँगको छलफलपछि ठोस रणनीति बनाउने तयारीमा सरकार रहेको बताए । उनले पर्यटन दूरदृष्टि अभियानको ढाँचामा केही परिवर्तन गर्ने योजनामा आफूहरू रहेको  बताए ।
नेपाल पर्यटन बोर्डका निमित्त कार्यकारी प्रमुख सुवास निरौलाले सरकारको दूरदृष्टि अभियानलाई सफलतापूर्वक  कार्यान्वयनमा ल्याउन कुनै अप्ठ्यारो अवस्था नरहेको बताए । 
उनले अहिले पर्यटन बोर्डको बजेट पास भइसकेकाले पर्यटन प्रवद्र्धनका कार्यक्रममा कुनै समस्या नहुने दाबी गरे । अहिले बोर्डमा प्रवद्र्धनका कार्यक्रमका लागि कुनै असहज अवस्था नरहेको जानकारी दिँदै निरौलाले भने, ‘पूर्वाधार विस्तार, दोस्रो अन्तर्राष्ट्रिय विमानस्थल निर्माण, हवाई सेवाको संख्या थप भएको अवस्थामा सन् २०२० सम्ममा २० लाखभन्दा बढी पर्यटक भित्राउन  खासै समस्या नपर्ला ।’ 
नेपाल एसोसिएसन अफ टुर एन्ड ट्राभल एजेन्सिज (नाट्टा) का अध्यक्ष पवित्रकुमार कार्कीले  पर्यटन दूरदृष्टि अभियानअन्तर्गत लुम्बिनी भ्रमण वर्ष पनि कार्यक्रम र योजनाविहीन भएकाले ओझेलमा परेको बताए । कार्कीले राजनीतिक फेरबदलको प्रभाव नेपालको पर्यटन क्षेत्रमा पनि परेको बताए । निजी क्षेत्रसँगको छलफल र सहकार्य गरेर दूरदृष्टि अभियान ल्याएको भए सफल हुने धारणा राख्दै उनले यसको सफलताका लागि अब निजी क्षेत्रसँगको सहकार्य जरुरी भएको जानकारी दिए ।

सन्दर्भ ः अन्तर्राष्ट्रिय आप्रवासन दिवस
कामदारले पठाएको रेमिट्यान्स उत्पादनमुलक कार्यमा लगाउने नीति आवस्यक 
मधुजंग पाण्डे÷राजधानी
काठमाडौ, ३ पुस
अधिकारकर्मी एवं सरोकारवालाहरुले विभिभन्न मुलुकमा छरिएरका आप्रवासी कामदारले पठाएको रेमिट्यान्सबाट संकलित आम्दानी स्वदेशमै रोजगारी दिने खालका उत्पादनमुलक कार्यमा खर्च गर्ने नीति ल्याउनु आवस्यक भएको बताएका छन ।  १२ औं अन्तर्राष्ट्रिय आप्रवासन दिवसका अवसरमा उनीहरुले आप्रवासी कामदारले पठाएको रेमिट्यान्स रकम उत्पादनमुलक क्षेत्रमा लगाउने नीति आवस्यक भएको बताएका हुन ।
विदेशमा अलपत्र महिलाहरुको उद्धार कार्यमा सक्रिए महिलाअधिकारकर्मी एवं पौरखी नेपालका संस्थापक अध्यक्ष मन्जु गुरुङले अहिले आप्रवासी कामदारले पठाएको रेमिट्यान्सबाट संकलित आम्दानी स्वदेशमै रोजगारी दिने खालका उत्पादनमुलक कार्यमा खर्च गर्ने नीति ल्याउनु आवस्यक भएको बताइन । संसारभर करिब २१ करोड ४० लाख मान्छे आप्रवासीको रुपमा रहेको जानकारी दिँदै  उनले हाल नेपालबाट विभिन्न मुलुकमा पुगेर कामगर्ने आप्रवासीको संख्या २५ लाख नागिसकेकाले अब उनीहरुले पठाएको आम्दानी उत्पादनमुलक क्षेत्रमा लगाउनु जरुरी भएको बताइन । उनले वैदेशिक रोजगारीमा जाने महिलाहरुलाई सरकारले ३० वर्ष मुनिको उमेर हदबन्दीले बाध्यतावस भारतीय बाटोबाट विदेशीने क्रम बढेको बताइन । जिफन्ट सम्वद्ध महिला अधिकारकर्मी बिन्दा पाण्डेलेपनि विदेशमा अनेक दुःख गरि पठाएको आम्दानी स्वदेसमै रोजगारी पाउने खालका क्षेत्रमा लगाउने निती ल्याउनु आवस्यक भएको बताइन ।
उनले वैदेशिक रोजगारीमा जाने अधिकाँश महिलाहरु त्रिभुवन अन्तर्राष्ट्रिय विमानस्थल छोडेर दलाल मार्फत विभिन्न प्रलोभनमा परि भारतको बाटोहुँदै जानेक्रम बढेसँगै अहिले घरेलु कामदारको रुपमा कार्यरत महिलाको अवस्था ज्यादै दयनिय रहेको बताईन् । अहिलेको मुख्य चुनौति नै आप्रवासी कामदारको अवस्थालाई कसरी सुरक्षित बनाउने भन्ने नै हो भन्दै उनले आप्रवासी कामदारले पठाएको रकम स्वदेसमै लगानी गर्ने वातावरण मिलाईदिन सरकारसँग आग्रह गरिन । आप्रवासीको आम्दानी स्वदेशी उत्पादनमा लगाउन सकिए ४ वर्ष विदेसमा दुःख काटेर फर्कनेहरुले स्वदेशमै सुरक्षित रुपमा आफ्नो जिविको पालन गर्न सक्ने उनको धारणा छ । उनले अझै वैदेशिक रोजगारीमा धेरै चुनौती रहेको जानकारी दिँदै अब जानेहरुलाई जानुपूर्व विदेशबाट फर्केपछि यस्तो काम गर्छु भन्ने पूर्व तयारीका साथ जान आग्रह गरेकी छिन ।
‘सुरक्षित, मर्यादित र लाभदायक वैदेशिक रोजगार आप्रवासी कामदारको अधिकार’ भन्ने मूल नाराकासाथ विभिन्न कार्यक्रमको आयोजना गरी मंगलबार सम्पन्न भएको छ । 
गत २८¬ मंसिरदेखि मुलुकका विभिन्न स्थानमा विभिन्न प्रकारका चेतनामूलक कार्यक्रम आयोजना गरी साताव्यापीरुपमा मनाईएको आप्रवास दिवस समापन कार्यक्रममा विभिन्न संघ संस्था वैदेशिक रोजगार कम्पनी तथा सरोकारभएकाहरूको सहभागिता रहेको थियो ।
संयुक्त राष्ट्रसंघको महासभाले डिसेम्बर ४, २००० मा १८ डिसेम्भ्रलाई अन्तर्राष्ट्रिय आप्रवासन दिवसको रुपमा मनाउने निर्णय गरेदेखि यस दिनलाई संसारभर अन्तर्राष्ट्रिय आप्रवासन दिवसको रुपमा मनाइँदै आएको छ ।
 श्रम तथा रोजगार मन्त्रालयको आयोजनामा  नेपालमा पनि सन् २००० देखि विभिन्न कार्यक्रमको आयोजना गरी यो दिवस मनाउँदै आएको  छ । सो दिवस मनाउन मन्त्रालएका सचिव सोमलाल सुवेदीको संयोजकत्वमा गठित मुल समारोह समितिको अगुवाईमा मंगलबार विहान राजधानीको भृकुटीमण्डपदेखि रत्नपार्कसम्म विभिन्न चेतनामुलक प्रभातफेदी ¥यारी भएको थियो । सो ¥यालीमा श्रम तथा रोजगार मन्त्री पोष्टबहादुर बोगटी, मन्त्रालयका सचिव सुवेदी, सह सचिव विनोद केसी, वैदेशीक रोजगार विभागका महानिर्देशक पूर्णचन्द्र भट्टराई,  वैदेशीक रोजगार प्रवद्र्धन बोर्डका निमिक्त कार्यकारी निर्देशक गिरीजा शर्मा, मेनपार व्यवसायी एवं सरोकारवाला विभिन्न संघ–संस्थाका प्रतिनीधीहरु सहभागी थिए ।
सोही अवसरमा केही सरोकारवालाहरुले  वैदेशिक रोजगार ऐन–२०६४ समेत अझै कार्यान्वयनमा नआएकाले तत्काल कार्यान्वयन ल्याउन आग्रह गरेका छन । 
दिवसका अवसरमा श्रम सचेतनाका लागि वैदेशिक रोजगार विभागको कार्यालय पुगेर मंगलवार एकघण्टा धर्ना दिँदै उनीहरुले यस्तो आग्रह गरेका हुन ।
मानव अधिकारकालागि विश्वव्यापी रुपमा कार्यरत एम्नेस्टी इन्टरनेसनल नेपाल शाखा, श्रम तथा सामाजिक अध्ययन केन्द्र र अन्तर्राष्ट्रिय संयुक्त सञ्जालद्धारा संयुक्त रुपमा आयोजित कार्यक्रममा वैदेशिक रोजगारका लागि अपनाउनुपर्ने सजगताका लागि तयार पारिएको पुस्तिका समेत विदेश जान लागेका युवालाई वितरण गरिएको एमनेस्टीका निर्देशक रामेश्वर नेपालले जानकारी दिए ।
उनले वैदेशिक रोजगारको Ôेत्रमा दलहरुले राजनीतिक भागबन्डा नगरी ठोस रुपमा राष्ट्रिय सहमति निर्माण गर्नुपर्ने, ठगी गर्ने मेनपावर कम्पनी एवं एजेन्टमाथि कारबाही हुनुपर्ने, श्रम ऐन लागू गर्नुपर्ने माग लेखिएको पा“चबु“दे मागपत्र श्रम विभागमा बुझाईएको बताए । आफुहरुले विभागमा बुझाएको सो मागपत्रमा गत चैत देखि विभिन्न राजनीतिक दलका नेता लगायत ३० हजार भन्दा बढीले हस्ताÔर गरिसकेका उनले जानकारी दिए ।
सोही अवसरमा  श्रम तथा रोजगार मन्त्रालयका प्रवक्ता तथा सहसचिव बुद्धिबहादुर खड्काले कामको खोजिमा वैदेशिक रोजगारीमा जाने क्रम अहिले आप्रवासी समस्याको रुपमा दैनिक बढिरहेको बताए ।
उनले स्वदेशमा रोजगारीको व्यवस्था नहुनु, राजनीतिक अस्थिरता चुलिदै जानु, सीपयुक्त रोजगारमूलक शिक्षा राज्यले प्रत्याभूति नगर्नु नै आप्रबासीको संख्या  बढ्नुको मुख्य प्रमुख कारण भएको  बताए ।
हाल नेपालबाट विभिन्न मुलुकमा पुगेर बस्ने आप्रवासीको संख्या २५ लाख लाको जानकारी दिँदै उनले एसिया तथा प्रशान्त क्षेत्रमा मात्र करिब २५ प्रतिशत मानिसहरू आप्रवासीको रुपमा रहेको अनुमान गरिएको बताए ।
उनले नेपालमा आप्रवासनको बढ्दो क्रमसँगै अहिले विभिन्न समस्या एवं चुनौति थपिदै गएको बताए । जनचेतनाको कमी, विदेशी भूमिको बाटो हुँदै वैदेशिक रोजगारीमा जाने प्रवृत्ति, वैदेशिक रोजगारीमा ठगी पारिश्रमिक र सेवा सुविधा न्यून हुनु, घरेलु महिला कामदार विभिन्न समस्यामा पर्नु लगायतका समस्याले आप्रवासी पीडित हुने क्रम बढेको मन्त्रालयले जनाएको छ ।
नेपालबाट श्रम स्वीकृति लिएर वैदेशिक रोजगारीमा आप्रवासीको रुपमा जानेहरूको संख्या चालु आर्थिक वर्षको कात्तिक मसान्तसम्म २५ लाख ९० हजार ९३ जना पुगेको मन्त्रालयले बताएको छ ।
मन्त्रालयको तथ्याङक अनुसार श्रम स्वीकृति नलिई वैदेशिक रोजगारीमा जानेहरूको संख्या एकिन हुन नसकेपनि अहिले  भारतीय बाटोहुँदै जाने नेपाली कामदारको सङंख्या करिव ४० लाख नाघेको । जसमा महिलाको संख्या दुई लाख ५० हजार पुगेको अनुमान छ ।  यसैगरि अहिले संसारका १ सय ८ मुलुकमा नेपालीहरू रोजगारीका लागि आप्रवासी बन्ने गरेका छन् । जसमध्ये सबैभन्दा बढी आप्रवासी नेपाली मलेसियामा रहेको मन्त्रालयले जनाएको छ ।
वैदेशिक रोजगारीमा जाने पाँच प्रमुख गन्तव्य राष्ट्रमा मलेसियामा जाने नेपाली कामदारको संख्या चालु आवको कात्तिक मसान्तसम्म ७ लाख ७३ हजार ९ सय ४० जना रहेको छ ।

बढ्दो लोडसेडिङले होटलको अपरेटिङ कष्ट बढ्यो
व्यवसायी घाटामै कारोबार गर्न बाध्य 
मधुजंग पाण्डे÷राजधानी
काठमाडौ,२ पुस
होटल व्यवसायीले बढ्दो लोडसेडिङका कारण अपरेटिङ कष्ट बढेको बताएका छन । उनीहरुले हाल सञ्चालित दैनिक १० घण्टे लोडसेडिकले लागत मुल्य बढ्न गई व्यवसाय सञ्चालन गर्न मुस्कील परेको बताएका छन । प्राधिकरणले मंसिर देखि नै लोडसेडिङको समय थप गरि दैनिक १० घन्टा पु¥याएको छ ।
पर्यटकलाई सेवा दिन सञ्चालित राजधानीका ठुला तारे होटल देखि स– साना पर्यटकीय रेस्टुरेन्ट एवं होटलका व्यवसायीहरु अहिले खल्तिको पैसा झिक्न बाध्य भएको होटल एसोसियसन अफ नेपाल ( हान) ले जनाएको छ ।
हानका कार्यकारी व्यवस्थापक प्रवेश अर्यालले बढ्दो लोडसेडिङका कारण होटल व्यवसायी मारमा परेको बताए । उनले मंसिरदेखि नै दैनिक १० घण्टा लोडसेडिङको मार खेप्न बाध्य व्यवसायी आगामी सुक्खा याममा बढ्ने लोडसेडिङको अवस्था सुन्दैमा अत्यासिन थालेको बताए । लोडसेडिङ बढेको बेला व्यवसायीले पाउनालाई सम्झौता बमोजिम गुणस्तरीय सेवा दिँदा भोग्नुपर्ने अनेकौ पिडाबारे जानकारी दिँदै  उनले विद्युत आपुर्ति नभएको समय होटलमा भएका सबै विद्युतीय सामाग्री चलाउन प्रयोग गरिने जेनेरेटर, इन्भटर र युपिएस लगायतका वैकल्पीक उर्जाजन्य उपकरण चलाउदा अपरेटिङ कष्ट निकै बढेको बताए । लोडसेडिङ नभएको समयमा भन्दा अहिले ठुला पाँच तारे होटलदेखि स–साना पर्यटकीय रेस्टुरेन्ट एवं बार सबैमा करिब २७ देखि ३५ प्रतिशत अनावस्यक खर्च ( अपरेटिङ कष्ट) बढेको बताउँदै अर्यालले  भने, ‘ अहिले व्यवसायीले कम नाफाबाट होटल सञ्चालन गरिरहेका छन’ ।
उनले विगत केही वर्ष देखि लगातार होटल सञ्चालनकालागि आवस्यक उपभोग्य बस्तु, खाद्यान्नको भाउ लगायत सबै खर्च बढेपनि अझै व्यवसायीले कोठा र खानाको रेट बढाउन नसकेको बताए ।
अपरेटिङ कष्ट बढेपनि खाना लगायत अन्य सेवा बापत पर्यटकसँग बढी रकम लिएमा हाल आईरहेका पर्यटक पनि फेरी नआउने सम्भावना रहेकाले व्यवसायी लोडसेडिङ अवधीभर खल्तिकै पैसा झिकेर भएपनि होटल चलाउन बाध्य भएको उनको भनाई छ ।
नेपाल विद्युत प्राधिकरणबाट उपलब्ध विद्युत उपयोग गर्दा प्रति युनिट ९ रुपैयाँ मात्र तिर्नु परेकामा लोडसेडिङका बेला जेनेरेटर प्रयोग गर्दा प्रति युनिट २८ देखि ३२ रुपैयाँ पर्ने गरेको जानकारी गराउँदै कार्यकारी व्यवस्थापक अर्यालले भने , ‘लोडसेडिङले होटल व्यवसायी घाटामा छन’।
विद्युत नभएको बेला डिजेलबाट जेनेरेटर चलाउदा बढेको लागत मुल्य एकैपटक पर्यटकमाथी खन्याउँदा राम्रो नभएको भन्दै व्यवसायीले आफुले घाटा खाएर होटल सञ्चालन गरिरहेको उनले जानकारी दिए ।
पर्यटकको सेवामा सञ्चालित होटलमा हुने गरेको बढ्दो लोडसेडिङ एवं श्रम व्यवस्थापनको समस्याले होटल क्षेत्र नै धरासायी हुन लागेको जानकारी दिँदै उनले होटललाई पनि अन्य उद्योगकै सरह विद्युत महसुल दर कायम हुनुपर्ने व्यवसायीको माग रहेको बताए ।
विद्युत अभावबाट उत्पन्न समस्या अन्य उद्योगको भन्दा होटल क्षेत्रको धेरै ठुलो रहेको दावी गर्दै अर्यालले भने, ‘ विद्युत नभए युरोपियन शैलिमा सञ्चालित होटलका कुनैपनि काम चल्दैन’ । त्यसैले लोडसेडिङको मारमा परेका होटल व्यवसायीको समस्या प्रति सरकार गम्भिर हुनुपर्ने अधिकाँश व्यवसायीको भनाई छ । 
यसअघि हिउँदमा मात्र लोडसेडिङ बढ्ने गरेकामा अहिले मंसिरबाटै दैनिक १० घन्टे लोडसेडिङको मार खेप्न बाध्य व्यवसायीले फागुन,चैत र बैशाखमा दैनिक १८ घण्टाबढीको लोडसेडिङको मार खेप्नुपर्ने भन्दै सो गुनासो गरेका हुन । यसपालीको सुक्खा याममा दैनिक १८ घण्टा लोडसेडिङ हुने नेपाल विद्युत प्राधिकरणले अहिले नै जानकारी गराईसकेको छ ।
नाङलो होटलका सञ्चालक एवं हानका अध्यक्ष श्यामसुन्दरलाल कक्षपतिले लोडसेडिङले होटल सञ्चालनको लागत मुल्यमा ठुलो प्रभाव पारेको बताए । अन्य उद्योग भन्दा होटल उद्योग निकै खर्चिलो रहेको दावी गर्दै उनले विद्युत बिना फ्रिज, एसी लगायत धेरै खाना स्वथ्यकर राख्ने उपकरणहरु नचल्ने बताए । जसका कारण धेरै लगानीमा तयार पारिएको खानाका परिकार समेत बिग्रने उनको भनाई छ । विद्युत उपयोग गर्दा प्रति युनिट ९ रुपैयाँ मात्र तिर्नु परेकामा लोडसेडिङका बेला जेनेरेटर सञ्चालन गर्दा प्रति युनिट ३५ रुपैयाँ लागत पर्ने गरेको जानकारी दिँदै उनले उद्योग विभागमा दर्ता भएका होटलले अन्य उद्योगसरह छुटको माग गरेपनि अझै पुरा नभएको बताए ।
ठमेल स्थित होटल बैसालीका कार्यकारी निर्देशक बिसालकुमार कैंथले दैनिक १० घन्टे लोडसेडिङका कारण आफ्नो होटलमा दैनिक ५० हजार रुपैयाँ थप आर्थिक भार परेको बताए । अहिले दैनिक ५० लिटर डिजेल जेनेरेटर चलाउँदा सकिने गरेको जानकारी गराउँदै उनले लोडसेडिङ नभएको बेलामा भन्दा अहिले दैनिक ५० हजार रुपैयाँको अपरेटिङ कष्ट बढेको बताए । यसले अधिकाँश व्यवसायी मर्कामा परेको उनको भनाई छ । विद्युत प्राधिकरणले गत मंसिर देखि नै लोडसेडिङको समय बढाएर दैनिक १० घन्टा पु¥याएकाले व्यवसायी थप मारमा परेको उनले जानकारी गराए ।

१४ औं पोखरा सडक महोत्सव हुने
काठमाडौ, १ पुस
आगामी १३ देखि १७ पुससम्म ‘१४ औं पोखरा सडक महोत्सव’ हुने भएको छ । रेस्टुरेन्ट एण्ड बार एसोसियसन अफ नेपाल ( रेवान) पोखरा च्याप्टरको आयोजनामा हुने पाँचदिने सो महोत्सवमा स्वदेशी र विदेशी गरी करिब ४ लाख दर्शकको सहभागिता रहने बताईएको छ ।
नेपाली खानाका विभिन्न परिकार र खाने संस्कार एवं तरिकाबारे जानकारी दिने उदेस्यले आयोजना हुन लागेको महोत्सवमा करिब ४५ लाख खर्च लाग्ने अनुमान गरिएको आयोजक संस्था रेवानले जनाएको छ । 
महोत्सव तयारी पुरा भएको जानकारी दिन आइतबार राजधानीमा आयोजित पत्रकार सम्मेलनमा महोत्सव संयोजक भिमसेन भुजेलले महोत्सव अवधीभर बाहिरबाट जाने पर्यटकलाई यात्रा र होटल बसाईमा आकर्षण बढाउन स्थानीय व्यवसायीहरुले छुटको व्यवस्था मिलाएको बताए । उनले विगत १३ वर्षदेखि गर्दै आएको निरन्तरता स्वरुप यसपाली विशेष कार्यक्रममा साथ स्थानीय व्यवसायीको सक्रिएतामा महोत्सव सम्पन्न गर्न गालेको जानकारी दिए ।
उनले विगत १३ वर्षदेखि अंग्रेजीको नव वर्ष र क्रिमसको अवसरमा पोखरा सडक महोत्सव गर्दै आएको जानकारी दिँदै उनले अझै यस कार्यलाई अन्तर्राष्ट्रिय बजारमा परिचित गर्न सबैको सहयोग आवस्यक भएको बताए ।
रेवान पोखरा च्याप्टरका अध्यक्ष गोपीबहादुर भट्टराईले महोत्सवको आकर्षण एवं विशेषताहरुका बारेमा जानकारी दिँदै महोत्वसवमा सहभागी हुने जाने पाहुनालाई स्थानीय व्यवसायीले आकर्षक छुटको प्याकेजमा सेवा गर्ने बताए ।
कार्यक्रममा रेवान केन्द्रिय अध्यक्ष तेजेन्द्रनाथ श्रेष्ठले नेपाली खानाका परिकार र खाने तरिकाबारे जानकारी दिने उदेस्यले आयोजना हुने महोत्सव यहाँको खानाको संस्कृतिलाई जर्नेना गर्न   निकै उपयोगि र फलदायी हुने अपेक्षा गरिएको बताए ।
उनले मुलुककै उत्कृष्ट पर्यटकीय गन्तब्यस्थल पोखरामा रमाउने पर्यटकलाई थप मनोरञ्जन दिन महोत्सवमा मुख्य बजार क्षेत्रका ३ किमी दुरीको सडकमा विविध खानाका परिकार राखेर मरमग्दुर आनन्द दिने  बताए ।
सो कार्यक्रममा नेपाल पर्यटन बोर्डका निर्देशक दोय आदित्य बराल र काशीराज भण्डारीले पोखराको गरिमालाई अन्तर्राष्ट्रिय क्षेत्रमा थल लोकप्रिय बनाउन महोत्सव फलदायी हुने अपेक्षा गरिएको बताए ।

मलेसियामा नेपाली कामदारको तलब घट्न सक्ने 
मधुजंग पाण्डे÷राजधानी
काठमाडौं, ३० मंसिर
चार वर्Èपछि पुनः मलेसियाले बंगलादेशका नागरिकलाई कामदारको रुपमा आउन खुल्ला गरेपछि नेपाली कामदारको तलब घट्न सक्ने डर बढेको छ ।
मलेसियाको नयाँ कदमले नेपाली कामदार पठाउने कार्यमा समेत असर पर्ने बताइएको छ । मलेसिया र बंगलादेश सरकारबीच गत साता मलेसियाको कृषि क्षेत्र (प्लान्टेसन) मा बंगलादेशी कामदार खुल्ला गर्ने सहमति भएको थियो ।
मलेसियाले सामाजिक सद्भाव विगारेको भन्दै सन् २००८ देखि बंगलादेशका नागरिकलाई प्रतिबन्ध लगाएको थियो । अहिलेसम्म कृषि क्षेत्रमा नेपाली कामदार कम गए पनि नयाँ जानेलाई केही असर पर्ने सम्बद्ध व्यवसायीको भनाई छ । उनीहरुले यस सम्झौताले हाल खाइपाइ आएको तलब घटाउने सम्भावना देखिएको बताएका छन् ।
नेपाल बैदेशिक रोजगार व्यवसायी संघका अध्यक्ष बलबहादुर तामाङले तत्कालका लागि खासै प्रभाव नदेखिए पनि यसले दीर्घकालिन रुपमा केही असर पार्न सक्ने सम्भावना रहेको बताए ।
उनले भने, ‘कृषि Ôेत्रमा नेपाली कामदार नजाने भएकाले अहिले नै ठूलो समस्या नहोला, तर बंगलादेशका नागरिकले राम्रो काम गरेर सामाजिक सद्भाव कायम राखे भने अरु Ôेत्र पनि खुल्ने छ । जसले नेपाली कामदारलाई चुनौति थप्नेछ ।’
उनले मलेसियाको पुनः बंगलादेशी कामदार खुल्ला गर्ने निर्णयले नेपाली कामदार प्रभावित हुन सक्ने बताए । बंगलादेशीलाई प्रतिवन्ध लगाएपछि नेपाली कामदार प्राथमिकतामा परेको जानकारी दिँदै अध्यक्ष तामाङले भने, ‘सो सम्झौताले जाने क्रम घटाउँदैन, खाइपाइ आएको तलब भने केही घटाउन सक्छ ।’
बंगालीहरु कम तलबमा पनि नेपालीको तुलनामा धेरै खट्ने भएकाले अहिले खाइपाइ आएको तलब घटाउने उनको भनाई छ ।  उनले नेपाली गएको Ôेत्रमा कामदार खुल्ला भएमा नेपालीलाई प्रत्यÔ प्रभाव पार्ने बताए ।
हाल मलेसियामा राम्रो कारोबार गर्दै आएका आकर्षण इन्टरनेसनल प्रालिका अध्यक्ष बिष्णु केसी भने यहाँबाट जाने कामदार उत्पादनमुलक उद्योगभित्र मात्र काम गर्न खुसी हुने भएकाले कृषि क्षेत्रमा बंगाली ल्याउने मलेसियाको सो निर्णयले खासै असर नपर्ने बताउँछन् । उनले मलेसियामा अन्य मुलुकको भन्दा सबै क्षेत्रमा नेपालीको माग धेरै भएकाले तत्कालका लागि कुनै असर नपर्ने बताए । बंगलादेशबाट जाने कामदारले सरकारी काम गर्ने भएकाले निजी कम्पनीमा काम गर्न जाने नेपालीलाई खासै असर नपर्ने बताउँदै केसीले भने, ‘यहाँबाट पाम आयल फर्ममा जानेहरुले पनि फिल्डमा नभई उद्योगमै काम गरिरहेका छन् ।’ हाल मलेसियामा इन्डोनेसिया, चीन लगायत अन्य मुलुकका भन्दा नेपाली कामदारको माग धेरै भएको उनले जानकारी दिए ।  
सम्झौता अनुसार बंगलादेश सरकारले कामदार पठाउने काम गर्छ । कामदार पठाउ“दा मेनपावरको संलग्नता हु“दैन । सम्झौताअनुसार पहिलो चरणमा परीÔणको रुपमा मलेसियाले तीन महिनाका लागि बंगलादेशी कामदार लिनेछ ।
परीÔणमा बंगलादेशका नागरिकले राम्रो काम गरे अरु Ôेत्रमा समेत कामदार खुल्ला गर्ने मलेसिया सरकारको सोचाइ रहेको बताइएको छ । मलेसियाले बंगलादेशका नागरिकले भाग्ने र सामाजिक सद्भाव विगार्ने काम नगरेमा अरु Ôेत्र पनि खुल्ला हुने संकेत गरेको छ ।
बंगलादेशी कामदारले कुनै समस्या सिर्जना नगरे अरु Ôेत्र पनि खुल्ला हुन्छ ।
नेपाल सरकारले समयमै कुटनीतिक पहल नगरेकाले यस्तो अवस्था आएको हो ।  बंगलादेशका नागरिकलाई प्रतिवन्ध लगाएपछि नेपाली कामदार जाने क्रम बढेको थियो । अहिले मलेसिया नेपाली कामदारका लागि पहिलो गन्तब्य हो भने सबैभन्दा बढी नेपाली मलेसियामै कार्यरत छन् ।
बंगलादेशका कामदार सस्ता र कडा परिश्रम गर्नेमा परिचित छन् । बंगलादेशका कामदार रोकिएपछि कामदारको तलब सुबिधा बढेको थियो ।
हाइलाइट
–बंगलादेशीले राम्रो काम गरे अरु Ôेत्र पनि खुल्न सक्ने, जुन नेपाली कामदारका लागि चुनौती
–थोरै तलबमा बढी खट्नेमा बंगलादेशी अगाडि
–बंगलादेशीले सरकारी काम गर्ने भएकाले निजी कम्पनीमा जाने नेपालीलाई खासै असर नपर्ने केही व्यवसायीको भनाइ

दिगो पर्यटन विकासको पूर्वाधार विस्तारमा जोड दिन आग्रह
काठमाडौ, २९ मंसिर –नेदरल्याण्ड डेभलपमेन्ट अर्गनाइजेसन (एसएनभी नेपाल) का कन्ट्री डाइरेक्टर रेम निफिजले नेपालमा आर्थिक सम्बृद्धिको आधार पर्यटन प्रवद्र्धन भएकाले यहाँका सम्बन्धीत सरोकारवालालाई दीर्घकालिन दिगो पर्यटन विकासको पूर्वाधार विस्तारमा जोड दिन आग्रह गरेका छन । 
मनास्लु, हुम्ला, लाङटाङ र अन्नपूर्ण पदयात्रा क्षेत्रमा सञ्चालित साना होटलबाट पर्यटकलाई गुणस्तरीय सेवा दिने उदेस्यले युरोपियन युनिय, एसएनभी नेपाल, द एक्प्रोलर हिमालय ट्राभल एण्ड एड्भेन्चर र टानद्धारा राजधानीमा आयोजित ‘हाइ इम्प्याक्ट टुरिजम ट्रेनिङ (हिट) मा सहभागी प्रशिक्षक प्रशिक्षण कार्यक्रम समापनको अवसरमा निफिजले पर्यटन क्षेत्रसँग सम्बन्धीत सरोकारवालाहरुलाई सो आग्रह गरेका हुन । उनले आफुले भ्रमण गरेको पदयात्रा क्षेत्रका रेस्टुरेन्ट, होटल, होमस्टे र लजहरुले पर्यटकलाई अझै राम्रो सेवा दिन नसकेको पाईएकाले त्यहाँका व्यवसायीलाई गुणस्तरीयता बृद्धि गर्न सक्षम बनाउन यो तालिम निकै उपयोगी र फदायी हुने बताए । उनले अझैपनि पदयात्रा क्षेत्रमा सेवा दिने होटल तथा रेस्टुरेन्ट सफा भएपनि शौचालय फोहोर हुने र शौचालय सफा भएकामा भान्सा फोहोर हुने गरेकाले तालिममा सहभागीलाई सिकेको ज्ञानको सदुपयोग गर्दै सरसफाईमा ध्यान दिन आग्रह गरे ।
हस्पीटालिटी र ट्रेकिङ क्षेत्रको दुई समुहमा प्रदान गरिएको पाँच र ११ दिने प्रशिक्षक प्रशिक्षण तालिममा  विभिन्न पदयात्रा क्षेत्रका होमस्टे, साना होटल, लज र पदयात्रा क्षेत्रका प्रशिक्षार्थी सहभागी थिए । सो तालिममा सहभागीहरुलाई नेपाल पर्वतारोहण संघका अध्यक्ष जिम्बाजाङबु शेर्पा, टानका प्रमुख कार्यकारी अधिकृत गंगाराम पन्त, द एक्प्रोलर हिमालय ट्राभल एण्ड एड्भेन्चरका प्रवन्ध निर्देशक एवं टानका पूर्व अध्यक्ष सुमन पाण्डे, ठमेल पर्यटन परिषदका अध्यक्ष तेजेन्द्रनाथ श्रेष्ठ लगायतले प्रमाणपत्र वितरण गरेका थिए ।
कार्यक्रममा एसएनभी नेपालका कन्ट्री डाइरेक्टर निफिजले सन् २०११ बट एसएनभीले नेपालमा पर्यटन प्रवद्र्धन सम्बन्धी यस्तो तालिम सञ्चालन गर्दै आएको जानकारी दिए । उनले अहिले नेपाल सहित द्धन्द्धग्रस्त विभिन्न ७ ओटा मुलुकमा यस्तो कार्यक्रम सञ्चालन भईरहेको बताए ।
युरोपियन युनियनका नेपाल स्थित प्रतिनिधी गियाप डाङले अझै नेपालको पर्यटन प्रवद्र्धनमा पूर्वाधार विस्तारको अभाव रहेको बताए । उनले सगरमाथाको देस नेपालमा अहिलेसम्म पुराना गन्तब्यस्थल बाहेक नयाँ गन्तव्यको पूर्वाधार कमजोर भएकाले प्रवद्र्धन नै हुन नसकेको बताए ।
उनले पदयात्रा क्षेत्रमा अझै पर्यटकलाई गुणस्तरीय सेवा दिने होटल तथा अन्य सुविधा नभएकाले यहाँको भ्रमण अन्य मुलुकहरुको भन्दा निकै महँगो भएको बताए ।
सो कार्यक्रममा फास्टफुड एसोसियसनका अध्यक्ष फनिन्द्र श्रेष्ठले आगामी दिनमा पदयात्रा भ्रमण क्षेत्रका व्यवसायी पर्यटकलाई एकदमै सुद्ध एवं गुणस्तरीय खानाका परिकार प्रदान गरि सेवा दिन यस तालिम निकै फदायी हुने बताए ।  
आरुघाट महोत्सव हुने
काठमाडौ,२९ मंसिर– आगामी २७ पुस देखि धादिङ र गोरखा जोडिएको पुरानो बजार आरुघाटमा ‘ प्रथम आरुघाट महोत्सव हुने भएको छ ।  स्थानीय उत्पादनको प्रचार प्रसार गरि आन्तरिक र बाह्य पर्यटन प्रवद्र्धन गर्ने उदेस्यले आयोजना गरिने सो महोत्सव आगामी २ माघसम्म चल्ने छ । मनास्लु पदयात्रा मार्गमा पर्ने धादिङ र गोरखाको पुरानो बजार क्षेत्रमा भएका विभिन्न पर्यटकी गन्तब्यस्थलहरुका बारेमा जानकारी दिई दीर्घकालिन रुपमा पर्यटक आकर्षणका गतिविधी बढाउन सो महोत्सव गर्न लागेको आयोजक संस्था गोरखा उद्योग वाणिज्य संघ र आरुघाट– काठमाडौ समन्वय समितिले जनाएको छ । आरुघाट– काठमाडौ समन्वय समितिका संयोजक चिनकाजी श्रेष्ठले महोत्सवको मुख्य आकर्षण हेलिकोप्टरबाट मनास्लु क्षेत्रको दृस्यावलोकन गराईने रहेको बताए । उनले महोत्सव अवधीभर स्वदेशी र विदेशी गरि करिब ७० हजार भन्दाबढीलाई आरुघाटको भ्रमण गराउने लक्ष्य लिएको बताए । उनले भारत र चीनको पुरानो व्यापारिक एवं सामरिक नाकाको रुपमा रहेको पुरानो बजार आरुघाटको पर्यटकीय महत्वलाई थप प्रवद्र्धन गर्न स्थानीय व्यवसायीहरुको सहकार्यमा महोत्सव आयोजना गर्न लागेको जानकारी दिए ।
महोत्सवको बारेमा जानकारी दिन शुक्रबार राजधानीमा आयोजित पत्रकार सम्मेलनमा संयोजक श्रेष्ठले महोत्सव सम्पन्न गर्न २० लाख ३८ हजार खर्च हुने अनुमान गरिएको बताए ।
उनले महोत्सवको मुख्य आयोजक बिबि एयरवेज, प्रायोजक किसोर अफसेट प्रेस र सह आयोजकमा आरुघाट गाविस र धादिङ उद्योग वाणिज्य संघ रहेको बताए । सो कार्यक्रममा राष्ट्रिय पर्यटन व्यवसायी संघका अध्यक्ष दिपक महतले महोत्सव सरकार र निजी क्षेत्रको सरोकारको विषय बन्न सफल होस भन्ने कामना गरे ।     
 उनले धादिङ, गोरखा, रसुवा र नुवाकोटको पुरानो पदयात्रा मार्ग आरुघाटलाई प्रवद्र्धन गर्न एकिकृत आर्य योजना आवस्यक भएको बताए ।

वैदेशीक रोजगारीका नाममा ठगी
४ महिनामै ३६ करोड नाघ्यो  
मधुजंग पाण्डे÷राजधानी
काठमाडौ, २७ मंसिर
विगतको तुलनामा अहिले वैदेशिक रोजगारीका नाममा ठगी हुने क्रम बढेकोे छ । मुलुकले भोग्नुपरेको राजनीतिक अस्थिरता एवं लामो समयदेखि जारी संक्रमणकालिन अवस्थाको फाइदा उठाउँदै ठगहरुले स्वदेशमा काम नपाएर बिदेश जाने तयारीमा रहेका युवालाई अनेक प्रलोभनमा पारेर संस्थागत र व्यक्तिगत रुपमा ठग्ने गरेको वैदेशिक रोजगार विभागले जनाएको छ ।
विभागका अनुसार चालू आर्थिक वर्Èको ४ महिनामा मेनपावर एजेन्सी र एजेन्टले रोजगारीका सिलसिलामा बिदेसिने कामदारस“ग ३६ करोड ४६ लाख ५६ हजार ३ सय ७ रुपैया“ ठगी गरेका छन् । सो रकम चालु आवको साउनदेखि कात्तिक मसान्तसम्मको मात्र हो । 
विभागले सोही अवधिमा वैदेशिक रोजगारीको सिलसिलामा संस्थागत र व्यक्तिगत गरि ७ सय ८२ ओटा ठगीका उजुरी परेको जनाएको छ । 
विभागका निर्देशक योगराज बरालले चालु आवको वितेका ४ महिनाको कात्तिक
मसान्तसम्म कुल ७ सय ८२ ओटा ठगीका उजुरी परेको बताए ।
बरालका अनुसार ३ सय १२ ओटा संस्थागत र ४ सय ७० ओटा व्यक्तिगत उजुरी परेको छ ।
उनले सोही अवधीमा उजुरीकर्ताले दावी गरेको व्यक्तिगत रकम २ करोड ७२ लाख ७१ हजार ३ सय ८ रुपैयाँ रहेको बताए । यसैगरि संस्थागत ( मेनपावर र कन्सल्टेन्सी ) दाबी तर्फ ९ करोड १८ लाख ६४ हजार ९ सय ९९ रुपैयाँ रहेको छ ।
जसमध्ये विभागले उजुरीको आधारमा छानविन गरि व्यक्तिगत तर्फ
९१ लाख ४६ हजार १ सय  र संस्थागत तर्फ ७५ लाख  ५१ हजार ८ सय रुपैयाँ फरफारक गरिसकेको छ । कात्तिक महिनाभित्र विभागले वैदेशिक रोजगार न्यायाधिकरणमा कुल ५१ ओटा मुद्दा दायर गरेको तथ्यांक विभागसँग रहेको छ । जसमा व्यक्तिगत तर्फ झुक्याएर ठगि गर्नेहरुलाई उनीहरुले गरेको कसुरको आधारमा ३ देखि ७ वर्षसम्म कैद र ३ देखि ५ लाख रुपैयाँसम्म विगो र जरिवाना तिराउने गरेको छ ।
अहिलेसम्म विभागमा परेको संस्थागत उजुरीमा विदेश पठाई सम्झौता बमोजिम पारिश्रमिक, सेवा–सुविधा, काम र कम्पनी नहुने विÈय उल्लेख छन् । यसैगरि व्यक्तिगतमा परेका उजुरीमा अधिकांश बढी रकम उठाई फरार भएका मुद्दा बढी छन्। 
विभागका अनुसार अहिलेसम्म एक हजार ३२ ओटा मेनपावर दर्ता भएका मध्ये २ सय ६५ ओटाको दर्ता खारेज भएका छन । बाँकी ७ सय ६७ ओटा भने पूर्ण रुपमा
सञ्चालित छन ।
विभागका संस्थागत उजुरी तथा अनुसन्धान शाखाका निर्देशक बरालले विगतका वर्षहरुको तुलनामा अहिले संस्थागत उजुरीको संख्या लगातार बढिरहेको बताए । उनले कात्तिक महिनामा मात्र संस्थागत उजुरी संख्या ४३ ओटा र दावी रकम १ करोड १६ लाख ७७ हजार ५ सय ५९ रुपैयाँ रहेको जानकारी दिए ।
विभागका अनुसार चालु आवको साउनमा ७९, भदौमा ८४, असोजमा ९२ र    कात्तिक महिनामा ४३ ओटा संथागत उजुरी परेका छन ।
गत आव २०६८÷०६९ मा संस्थागत र व्यक्तिगत दुबै गरि २ हजार १ सय ७२ ओटा उजुरी परेका थिए । सो अवधीमा उजुरीकर्ताले दावी गरेको रकम १ अर्ब २३ करोड ५५ लाख ४९ हजार १ सय ४४ रुपैयाँ रहेको थियो ।  विभागले हाल व्यक्तिगत लेनदेनका विषयमा पनि उजुरी परेको बताएको छ । वैदेशिक रोजगारीको लेनदेनसम्बन्धी उजुरी दर्ता गरेमा रकम असुल्न सजिलो हुने भएकाले नगदी कारोबार गर्दासमेत सम्झौतापत्र बनाउने क्रक बढेको विभागको भनाई छ ।

खराव मौसमले २८ उडान रद्द
विमानस्थलमा अलपत्र यात्रु आकास खुल्ने प्रतिक्षामा
मधुजंग पाण्डे÷राजधानी
काठमाडौ, २६ मंसिर
गत आइतबारदेखि लगातार बिग्रिएको पूर्वी क्षेत्रको मौसमा मंगरबार सामान्य सुधार आएपनि दिनभर काठमाडौबाट विभिन्न विमानस्थल तर्फ जाने २८ ओडा उडान रद्द भएका छन ।
मंगलबार पूर्वी क्षेत्रको आकासमा लागेको बाक्लो तुवाँलो सामान्य खुलेकाले विराटनगर र भद्रपुरकालागि केही उडान भएपनि अझै धेरै रद्द भएको त्रिभुवन अन्तर्राष्ट्रिय विमानस्थल कार्यालयले जनाएको छ ।
विमानस्थल कार्यालय स्थित आन्तरिक ट्रर्मिनल शाखाका प्रवन्धक पूर्ण चुडालले विगत तीन दिनको तुलनामा मंगरबार पूर्वी क्षेत्रको मौसममा सामान्य सुधार आएपनि मध्य र पश्चिमी तराईका विमानस्थलको आकासमा भरिएको बाक्लो तुवाँलोका दिनभर २८ ओटा उडान रद्द भएको बताए ।
पूर्वी क्षेत्रमा केही सुधार आएको र तुवाँलो बिस्तारै पश्चिमतर्फ बढेकाले अझै उडान प्रभावित हुने क्रम जारी रहेको जानकारी दिँदै उनलले  मंगरबार बुद्धको काठमाडौबाट विराटनगर जाने ३,भद्रपुरको १, तुम्लिङटारको १, जनकपुरको २,  सिमाराको ५, भैरहवाको २ र नेपालगञ्जको १ गरि १५ ओटा उडान रद्द भएको बताए ।  प्रवन्धक चुडालका अनुसार दिनभर यती एयरका काठमाडौबाट विराटनगर जानुपर्ने १, भद्रपुरको २, जनकपुरको १, तुम्लिङटारको १ , भैरहवाको १ र नेपालगञ्जको १ गरि ७ ओटा उडान रद्ध भएका छन । यसैगरि ताराको काठमाडौबाट लुक्ला जाने ५ र फाप्लु जाने १ गरि ६ ओटा उडान रद्द भएका छन । उनले मौसम बिग्रिएका कारण दिनभर काठमाडौबाट विभिन्न ९ ओटा विमानस्थलमा जानुपर्ने २८ ओटा उडान रद्द भएको जानकारी दिए । 
बुद्ध एयरलाइन्सका बरिष्ठ बजार प्रवन्धक रुपेश जोशीले पूर्वि क्षेत्रका विमानस्थलको आकास सामान्य खुलेपनि मंगलबार सिमरा, भैरहवा र नेपालगञ्जको मौसम बिग्रिएकाले अझै बुद्धका धेरै उडान रद्द भएको बताए । उनले अलपत्र यात्रु अहिलेसम्म आकास खुल्ने प्रतिक्षामा रहेको जानकारी दिए ।
मध्य र बिस्तारै पश्चिमी तराईमा बढ्दै गरेको बाक्लो हुस्सुका कारण काठमाडौंबाट मंगलबार दिनभर  सिमरा र जनकपुरका लागि कुनै उडान नभएपनि साँझ भने केहीले उडान भरेका थिए । 
लगातार तीन दिनदेखि बिग्रिएको मौसममा  सामान्य सुधार आएपछि  मंगलबार भद्रपुर र विराटनगरको उडान भएको चुडालले जानकारी दिए ।  उनले दिनभर विराटनगरमा बुद्धको ४ र यतीको ३ , भद्रपुरमा यतीको ४ र बुद्धको १ उडान भएको बताए ।  अन्तर्राष्ट्रिय हवाई उड्डयन संगठन ( आइकाओ) को सुरक्षित हवाई उडान प्रावधान अनुसार नियमित आन्तरिक उडानका लागि विमानस्थलको भौगोलिक अवस्था अनुसार न्युनतम १ हजार ६ सय देखि ३ हजार मिटरसम्म भिजिविलिटी आवश्यक पर्ने विमानस्थल कार्यालयले जनाएको छ  ।   हवाई उडान प्रभाति भएका विमानस्थलहरुमा  मंगलबार ५ सय देखि १ हजार मिटर भन्दा बढी भिजिविलिटी नरहेको विमानस्थल कार्यालयले  बताएको छ ।  उसले खराव मौसमका कारण  पूर्वी Ôेत्रमा सोमबार ३४ र आइतबार २४ उडान रद्द भएको जानकारी दिएको छ । 

खराव मौसमले आन्तरिक हवाई उडान प्रभावित
काठमाडौबाट पूर्व जाने ३४ उडान रद्द 
मधुजंग पाण्डे÷राजधानी
काठमाडौ, २५ मंसिर 
खराव मौसमका कारण सोमबार  पूर्वि क्षेत्रका करिब आधा दर्जन विमानस्थलको हवाई उडान प्रभावित भएको छ । जसका कारण त्रिभुवन अन्तर्राष्ट्रिय विमानस्थलबाट त्यसतर्फ जाने विभिन्न कम्पनीका ३४ ओटा उडान रद्द भएको विमानस्थल कार्यालयले जनाएको छ । 
आइतबार बिहानै देखि बिग्रिएको मौसम खराबीले सोमबार दिनभर पुर्वका ७ ओटा विमानस्थलमा उडान हुन सकेन । अन्तराष्ट्रिय विमानस्थल कार्यालयका अनुसार दिनभर विराटनगर, जनकपुर, भद्रपुर, सिमरा, तुम्लिङटार, फाप्लु र लुक्ला विमानस्थलमा दिनभर कुनैपनि उडान भएन । काठमाडौको मौसम राम्रो भएपनि पूर्वि क्षेत्रका यि विमानस्थलमा हवाई उडान भर्नकालागि  आवस्यक ‘भिजिबिलिटी ’ को मात्रा न्युन भएकाले दिनभर उडान नभएको विमानस्थल कार्यालयले जानकारी दिएको छ  । विमानस्थल कार्यालयका अनुसार विराटनगरमा उडान भर्न १ हजार ६ सय मिटर भिजिबिलिटी हुनुपर्नेमा ८ सय मिटर भन्दा न्युन थियो । यसैगरि  जनकपुरका लागि २ हजार मिटर हुनुपर्नेमा १ हजार, तुम्लिङटार र भद्रपुरमा ५ हजार मिटर हुनुपर्नेमा २ हजार ५ सय र १ हजार ५ सय मिटर मात्र भिजिबिलिटी थियो । नियमति जहाज सञ्चालनकालागि आवस्यक भिजिविलिटी नपुगेका कारण दिनभर यि Ôेत्रमा बुद्ध, यति र तारा एयरको ३४ उडान रद्ध भए । नेपालगन्ज, भैरहवा, भरतपुर र पोखरामा पनि खराव मौसमका कारण करिब १ घन्टासम्म ढिलो उडान भएको विमानस्थल कार्यालयले जनाएको छ ।
नियमित हवाई उडान अवरुद्ध भएपछि दिनभर विभिन्न गन्तव्यमा जाने तयारीमा रहेका करिब २ हजा ५ सय यात्रु प्रभावित भए ।
आइतबार देखि अकस्मात पूर्वि क्षेत्रका विमानस्थलको आकासमा भरिएको बाक्लो तुँवालोले उडेको जहाज अवतरण गर्न आवस्यक भिजिविलिटीको मात्रा न्युन भएका कारण काठमाडौ विमानस्थलबाट जाने उडान प्रभावित भएको अन्तर्राष्ट्रिय विमानस्थल कार्यालयले जनाएको छ ।
विमानस्थल कार्यालय स्थित आन्तरिक ट्रर्मिनल शाखाका प्रवन्धक पूर्ण चुडालले  पूर्वि क्षेत्रका विमानस्थलको आकासमा भरिएको बाक्लो तुवाँलोले यहाँबाट त्यसक्षेत्र जाने हवाई उडान प्रभावित भएको बताए । उनले काठमाडौको आकासमा भिजिबिलिटीको मात्रा राम्रो हुँदाहुँदैपनि उताको मौसम विग्रिएकाले सुरक्षाको दृष्ट्रिले उडान अवरुद्ध भएको बताए ।  प्रवन्धक चुडालका अनुसार सोमबार बुद्धको काठमाडौबाट विराटनगर जाने ७,भद्रपुरको २, तुम्लिङटारको १, जनकपुरको २ र सिमाराको ५ गरि १७ ओटा उडान रद्ध भएका छन । यसैगरि यती एयरका काठमाडौबाट विराटनगर जानुपर्ने ४, भद्रपुरको ७, जनकपुरको २ र तुम्लिङटारको १ गरि १४ ओटा उडान रद्ध भए । यसैगरि ताराको काठमाडौबाट लुक्ला जाने २ र फाप्लु जाने १ गरि ३ ओटा उडान रद्ध भएका थिए । उनले दिनभर काठमाडौबाट मौसम बिग्रिएका ७ ओटा विमानस्थलमा जानुपर्ने ३४ ओटा उडान रद्ध भएको जानकारी दिए । 
बुद्ध एयरलाइन्सका बरिष्ठ बजार प्रवन्धक रुपेश जोशीले पूर्वि क्षेत्रका ५ ओटा विमानस्थलमा बुद्धको उडान रद्द भएपनि अन्य क्षेत्रमा खासैै समस्या नआएको बताए ।  उनले दुई दिनदेखि लगातार बिग्रिएको खराव मौसमका कारण विमानस्थ पुगेका यात्रुलाई निकै समस्या भएको बताए ।
विमानस्थल कार्यालयका अनुसार आन्तरिक उडानकालागि काठमाडौ उपत्यकाको आकासमा न्युनतम १ हजार ६ सय र अन्तर्राष्ट्रिय उडान भर्ने मध्यम खालका जहाजलाई २ हजार ८ सय भिजिविलीटी आवस्यक पर्छ । यसैगरि ठुला विमानलाई भिजिविलीटीको न्युनतम मात्रा ३ हजार २ सय मिटर आवस्यक पर्छ ।

पर्यटन बोर्ड सञ्चालक समिति बैठक निष्कर्षहीन 
काठमाडौं, १९ मंसिर – लामो समयपछि मंगलबार बसेको नेपाल पर्यटन बोर्ड सञ्चालक समितिको बैठक विनानिष्कर्ष टुंगिएको छ । पाँच महिनाअघि विघटन भएको बोर्डको प्रमुख कार्यकारी अधिकृत (सीइओ) छनोट उपसमिति गठनमा कुरा नमिलेपछि पुनः बुधबार बस्नेगरि बैठक स्थगित गरिएको सञ्चालक समिति सदस्य धु्रबनारायण श्रेष्ठले जानकारी दिए ।  श्रेष्ठका अनुसार उपसमिति गठनबारे छलफल भए पनि सञ्चालक समिति सदस्य फुर्वाग्याल्जेन शेर्पा बैठकमा अनुपस्थित रहेका कारण मंगलबार निर्णय हुन नसकेको हो ।
‘उपस्थित (शेर्पा) नभएका कारण मंगलबार कुनै निर्णय भएन’ श्रेष्ठले भने, ‘बुधबार उपसमिति गठनबारे एउटा टुंगोमा पुगिने छ ।’
यसअघि २०६८ पुस २० मा फुर्वाग्याल्जेन शेर्पा, टिकाराम सापकोटा र पम्फा धमला सदस्य रहेको सीइओ छनोट उपसमिति गठन गरिएको थियो । सो उपसमितिविरुद्ध सर्वोेच्च अदालतमा रिट परेको थियो । २०६९ असार २४ गतेको सर्वोच्चले गरेको फैसलाले सो उपसमिति गठनको निर्णय कानुनविपरीत भएकोले विघटन गरी सदस्यद्वय धु्रबनारायण श्रेष्ठ र रेवतबहादुर थापालाई समावेश गर्नुपर्ने अन्तरिम आदेश दिएको थियो । तर, सर्वोच्चको सो अन्तरिम आदेशलाई सदस्यहरुले आ–आफ्नै तरिकाले व्याख्या गरिरहेका छन् ।
निजी क्षेत्रबाट प्रतिनिधित्व गर्ने पम्फा धमला, फुर्वाग्याल्जेन शेर्पा पक्ष र धुव्रनारायण श्रेष्ठ, रेवतबहादुर थापा पक्षबीच एकले अर्कालाई आरोपप्रत्यारोप गर्न गरिरहेका छन् । उनीहरुले सर्वोच्च अदालतले गरेको फैसलालाई आफु अनुकल व्याख्या गर्दै आएका छन् । धमला र शेर्पा पक्षले सीइओ छनोट उपसमिति गठनको विषयमा बस्ने बैठकमा मात्रै श्रेष्ठ र थापाको उपस्थिति अनिवार्य भनी सर्वोच्चले फैसला गरेको दाबी गर्दै आएको छ भने श्रेष्ठ र थापा पक्षले सर्वोच्चको फैसलामा सीइओ छनोट उपसमिति सदस्यमा आफूहरु अनिवार्य रहनुपर्ने उल्लेख गरिएको अडान राखेको छ ।
धमला र शेर्पा पक्षले श्रेष्ठ र थापा बैठकमा नआएकै कारण अहिलेसम्म समस्या सुल्झाउन नसकिएको आरोप लगाउँदै आएको छ । ११ जना सदस्यीय बोर्ड सञ्चालक समितिमा निजी क्षेत्रबाट ५ जना सदस्य रहने प्रावधान छ । सोही पाँच जनामध्ये ३ जना सदस्य रहेको सीइओ छनोट उपसमिति गठन गर्नुपर्ने प्रावधान रहेको छ । तर निजी क्षेत्रको प्रतिनिधित्व गर्नेहरुबीचको बेमेलका कारण सो कार्य अघि बढ्न सकेको छैन । २०६८ कात्तिक १४ गतेदेखि बोर्डका तत्कालिन सीइओ प्रचण्डमान श्रेष्ठको कार्यकाल सकिएपछि अहिलेसम्म बोर्डमा सीइओ छैन ।
अघिल्लो सञ्चालक समितिमा पनि निजी क्षेत्रबाट प्रतिनिधित्व गर्ने गणेश सिंखडा, ङिमी शेर्पेनी पक्ष र ध्रुवनारायण श्रेष्ठ, रेवतबहादुर थापा पक्षबीचको विवाद लामो समयसम्म चल्यो । सीइओ छनोट प्रक्रियाको विषयलाई लिएर सुरु भएको दुई पक्षबीचको विवाद पटक पटक सर्वोच्च अदालतसम्म पनि पुगेको थियो । नयाँ सीइओ आफू अनुकुल बनाउन बोर्ड भित्र र बाहिर विभिन्न चलखेल हुँदै आएको छ । पछिल्लो समयमा पर्यटन मन्त्री र सचिवलाई एसएमएस मार्फतसमेत आफूअनुकुलको व्यक्तिलाई सीइओ बनाउन दबाब दिन थालेको बताइएको छ ।

पर्यटक आगमनमा झिनो सुधार
काठमाडौं, १७ मंसिर – गत अक्टोबरमा हवाई मार्ग हुँदै नेपाल आउने पर्यटकको संख्यामा गिरावट आए पनि नोभेम्बरमा पुनः सुधार देखिएको छ । नोभेम्बरमा अघिल्लो वर्षको सोही महिनाको तुलनामा हवाई मार्गबाट आउने पर्यटकको संख्या २ दशमलव २ प्रतिशतले बढेको नेपाल पर्यटन बोर्डले जनाएको छ ।
बोर्डले त्रिभुवन विमानस्थलस्थित अध्यागमन कार्यालय कार्यालयको तथ्यांकको आधारमा जारी गरेको विज्ञप्तिमा गत महिना ५९ हजार ५९ हजार चार सय ११ विदेशी हवाई मार्गबाट नेपाल प्रवेश गरेका छन् ।
गत महिना सार्क क्षेत्रबाट आउने पर्यटकको संख्यामा अघिल्लो वर्षको सोही अवधिको तुलनामा २३ प्रतिशतको गिरावट आएको छ । ठूलो बजार मानिने भारतबाट आउनेको स)ख्या २१.६ प्रतिशतले घटेको बोर्डले जनाएको छ । त्यसैगरी बंगलादेश र श्रीलंकाली पर्यटक आगमनमा क्रमशः ३७.३ र २४ प्रतिशतको गिरावट देखिएको छ ।  पाकिस्तानीको संख्या भने १२.८ प्रतिशतले बढेको छ ।
सार्क बाहेकका एसियाली मुलुकका पर्यटक आगमनमा भने २०.९ प्रतिशतको वृद्धि देखिएको छ । तीब गतिमा प्रगति गरिरहेको उत्तरको छिमेकी चीनबाट आउनेको संख्या भने ९.६ प्रतिशतले बढेको छ । अर्को एसियाली मुलुक मलेसियालीको संख्या भने १५१ दशमलव ४ प्रतिशतले बढेको छ भने थाई, सिंगापुरे र जापानी पर्यटक अघिल्लो वर्षको तुलनामा क्रमशः ९७.६, ३१.३ र १२.५ प्रतिशतले बढेका छन् । दक्षिण कोरियालीको संख्या भने १२.२ प्रतिशतले घटेको छ ।
युरोपेली बजारबाट आउनेको संख्यामा भने ३.१ प्रतिशतको सुधार आएको बोर्डले जनाएको छ । 

विश्वका उत्कृष्ट दश आर्किटेक्चरल टावर
जसले सन् २०१२ को अवार्ड प्राप्त गरे
न्युयोर्क – सन् २०११ मा निर्माण सम्पन्न भएका विश्वका उत्कृष्ट दश टावरको सूची  सार्वजनिक गरिएको छ । यो सूचीमा न्युयोर्कको गगनचुम्बी भवनले पहिलो पुरस्कार पाएको छ । आठ स्प्रस स्ट्रिट म्यानह्याटनमा भएको न्युयोर्क ब्लक टावरलाई निर्णायकले इम्पोरिस स्काइस्क्राप्रस अवार्डमा पहिलो पुरस्कार दिए । सन् २०११ को उत्कृष्ट आर्किटेक्चरल भवनको उपाधि भएको यो ७६ तले टावरको डिजाइन फ्रान्क गेरीले गरेका थिए ।
आवासिय प्रयोजनका लागि निर्माण गरिएको  यो टावर विश्वको १२ औं अग्लो हो, यसको उचाई २६५ मिटर छ । १० हजार पाँच सय स्टिल प्यानलले निर्माण गरिएको यो टावरमा प्रयोग गरिएका स्टिल प्यानलहरु पनि फरक फरक संरचनाका छन् ।
आर्किटेक्चरको ओस्कार पुरस्कार मानिने यो सम्मानको दोस्रो स्थान कुवेतको हल हम्रा टावरले पायो । ४१२ मिटर अग्लो र ८० तले अल हम्रा टावरको आर्किटेक्चरल डिजाइन पनि अनौछ । लाइमस्टोन र कंक्रिट वालले बनाइएको यो टावरमा घामलाई छेक्ने खुबी छ । यो भवनमा राखिएको झ्यालको चर्चा पनि निर्णायकहरुको चर्चाको विषय बन्यो । यो भवनबाट कुवेतको शहरसँगै रेगिस्तान पनि देखिन्छ ।
आबुदावीमा बनेको इतिहाट टावरले यो पुरस्कारमा तेस्रो स्थान पायो । तीनवटा आवासीय टावर, एउटा अफिस टावर र एउटा होटल टावर भएको यी भवनहरु २१७ मिटरदेखि ३०५ मिटर अग्ला छन् । यी भवनहरु ५६ देखि ८९ तलासम्मका छन् । चौथो स्थानमा चीनको सेनझेनमा रहेको केके हण्डे«ड टावर परेको छ । ४४१ मिटर अग्लो यो टावर वेलायती कम्पनीले बताएको हो । टेरि फ्यारेलर एण्ड पाटर्नसले तयार गरेको यो टावरले त्यस क्षेत्रको सम्पत्ती र प्रसिद्धिलाई इगिंत गर्दछ ।
चीनको यो टावरसँगै स्टकहोमको भिक्टोरिया टावर र सिनसिनाटीको गे्रट अमेरिकन टावरले पनि चौथो स्थानमा साझेदारी गरे । २०२ मिटर अगलो ग्रेट अमेरिकी टावर ३२ करोड डलरमा निर्माण गरिएको हो । भवन र निर्माण परियोजनाको डाटावेस तयार गर्ने जर्मन कम्पनीले सन् २००० देखि यो पुरस्कार वितरण गर्न थालेको हो । अघिल्लो वर्ष बास्रिलोनाको होटल पोत्राले यो पुरस्कार प्राप्त गरेको थियो ।
न्युयोर्क शहरमा भएको आठ स्प्रस स्ट्रिट नामको यो भवन २६५ मिटर अग्लो र ७६ तले छ ।
कुवेतको अलहम्र टावर ४१२ मिटर अग्लो छ भने यो भनव ८० तल छ(दायाँ, त्यस्तै २१७ मिटरदेखि ३०५ मिटरसम्म अग्लो आबुदावीको इतिहाद टावर ५६ देखि ७९ तलेसम्म छ (बायाँ)
चीनको सेनझेनमा भएको केके १०० टावर ४४१ मिटर अग्लो छ भने यहाँ एक सय तला छ (दायाँ), स्टकहोमको ११७ मिटर अग्लो ३४ तले भिक्टोरीया टावरमा ३४ तला छन्
सिनसिनाटीमा भएको ग्रेट अमेरिकन टावर २०२ मिटर अग्लो छ भने यहाँ ४१ तला छन् (दायाँ), पनामा सिटीमा भएको एफ एण्ड एफ टावर २४२ मिटर अग्लो छ भने यो ५२ तलाको छ
इन्चेनमा भएको नर्थइस्ट एशिया टावर ३०८ मिटर अग्लो छ भने यो ६८ तालको छ (दायाँ) सिंगापुरको केप्पेल बेमा रहेको १२० देखि १७८ मिटरसम्म अग्लो यो भवनमा २१ देखि ४१ तला सम्म छ
तिनान्जिनमा रहेको ग्लोबल फाइनान्सियल टावर ३३६ मिटर अग्लो छ भने यहाँ ७२ तला छन् ।

खाडी मुलुक जाने कामदारलाई हवाई टिकट पाउन कठिन
दिल्ली र मलेसियामा दोब्बर तिर्दापनि छैन
मधुजंग पाण्डे÷राजधानी
काठमाडौ,१८ मंसिर 
अहिले साउदी अरब, कतार, युनाइटेड अरब इमिरेट्स (युएई) र ओमान, बहराइन , मलेसिया लगायतका खाँडी मुलुकमा जाने कामदारलाई हवाई टिकट पाउनै मुस्कील भईरहेको छ । विगत एक महिना देखि खाँडी मुलुक हुँदै अन्तर्राष्ट्रिय उडान सेवा सञ्चालन गर्दै आएका विमान कम्पनीहरुले भनेको बेलामा हवाई टिकट उपलब्ध गराउन नसकेकाले वैदेशिक रोजगारीका लागि खाँडी मुलुक जाने कामदारहरु निकै मर्कामा परेका छन । यदि टिकट पाईहालेपछि धेरै पैसा तिर्नुपर्ने र विमान कम्पनीहरुले पनि सस्तो टिकट होल्ड गरि विक्री नै नगर्ने प्रबृद्धि बढेकाले भनेको बेलामा टिकट पाउनै मुस्कील भएको उनीहरुको गुनासो छ । 
जसका कारण अहिले विभिन्न जिल्लाबाट श्रमका लागि कतार, मलेसिया, साउदी अरब  लगायतका मुलुकमा जाने तयारीमा रहेका सर्बसाधारण राजधानीमै अलपत्र परेका छन । भनेको बेलामा टिकट नपाएकै कारण दसैं,तिहार र छठपर्व मनाउन घर आई पुनः फर्कने नेपाली यात्रुहरु समेत राजधानीमा अलपत्र परेका छन ।
वर्षकै सबैभन्दा उत्कृष्ट पर्यटकीय मौसम सेक्टेम्बर, अक्टोबर र नोभेम्वर महिनामा विभन्न मुलुकबाट नेपाल भ्रमणमा आएका पर्यटक फर्कने अत्यधिक भिड, विदेशबाट घर विधामा आएकाहरु पुनः काममा फर्कनेहरुको चाप र बजेट एयरलाइन्सहरुले पनि पिक सिजनमा भाडा बृद्धि गर्ने क्रम बढेकाले अहिले खाँडी मुलुकमा जाने कामदारलाई टिकट पाउन मुस्कील भएको सम्बन्धीत व्यवसायीहरुको भनाई छ ।
उनीहरुले अहिले राम्रो पर्यटकीय मौसम, दसैं–तिहार, छठ लगायतका चार्ड मान्न लामो समय देखि विदेश बसेकाहरु घर विधापछि पूनः र्फकने गरेको र बजेट एयरलाइन्सहरुले पनि चाप बढेको बेला धेरै भाडा लिने र अफ सिजनमा ज्यादै सस्तो फेयरमा टिकट विक्री गर्ने प्रबृद्धि बढेकाले खाडी मुलुकतर्फ जाने नेपाली कामदारले यस्तो समस्या भोग्नुपरेको बताएका छन ।    ति व्यवसायीहरुले अझै  छिमेकी मुलुक भारतको दिल्ली हुँदै खाँडी मुलुक जानका लागि पनि टिकट पाउनै मुस्कील भएको बताएका छन ।
नेपाल एसोसिएसन अफ टुर एण्ड ट्राभल एजेन्टस ( नाट्टा)का प्रथम उपाध्यक्ष मधुसुदन आचार्यले नाट्टाले धेरै वर्ष पहिले देखि नै वैदेशिक रोजगारीमा जाने कामदारले भोग्दै आएका हवाई टिकटको समस्या समाधान गर्ने उपाएबारे सरकारी पहल हुनुपर्ने आवाज उठाउँदै आएको बताए ।
उनले अझै राष्ट्रिय ध्वजाबहाक नेपाल वायुसेवा निगम बलियो नभएको र विदेशी विमान कम्पनीहरुले एकतर्फि रुपमा मनपरी भाडा असुल्ने प्रबृद्धि बढेकाले वैदेशिक रोजगारीमा जानेहरुले पर्यटकीय मौसममा हरेक वर्ष यस्तै समस्या भोग्नुपरेको बताए । नाट्टाले नेपाली यात्रुलाई सहुलियत हवाई टिकट उपलब्ध गराउन निकै प्रयास गरेको जानकारी दिँदै आचार्यले भने, ‘ विदेशमा पुगेर श्रम बेच्ने कामदारले पठाएको रेमिट्यान्सबाट राज्य सञ्चालन भईरहेका बेला घरखेत बन्दकी राखेर विदेशिने श्रमिकले पनि बढी भाडा तिरेर जानुपर्ने बाध्यात्मक अवस्था एकदमै दुःखद हो’ । उनले सरकारले यस समस्यामा चासो नदिएकाले नेपाल उडान भर्ने सबै अन्तर्राष्ट्रिय कम्पनीका जहाजले दिल्लीबाट भन्दा यहाँबाट दोब्बर भाडा लिएर यात्रु ठग्ने गरेको बताए । स्वदेशी जहाज कमजोर भएको मौकाछोपी अन्तर्राष्ट्रिय कम्पनीहरुले दिल्लीबाट युरोप जाने ८ घण्टाको उडान र यहाँबाट खाडी तर्फको ३ घण्टाको उडानमा पनि उत्तिकै भाडा लिने कार्य एकदमै ज्यादतिपूर्ण भएको उनको भनाई छ ।  
नाट्टाका पूर्व अध्यक्ष एवं गण्डकी टुर एण्ड ट्राभलका प्रवन्ध निर्देशक रामकाजी कोनेले विगत एक महिनादेखि  खाँडी मुलुकमा टिकट पाउन मुस्कील भएको बताए । उनले अहिले दिल्ली र मलेसियाकालागि हवाइ टिकट पाउन निकै कठिन भएको बताए । अहिले दिल्ली जाने १० हजारको टिकटलाई २३ हजार तिर्छु भन्दापनि नपाउने अवस्था भएको उनले जानकारी दिए । काठमाडौबाट सिधा कतार उडान भर्दै आएको मुलुकको राष्ट्रिय ध्वजावहाक निगमले आफुसँग भएको जहाजको  नियमित उडान सञ्चालन गर्न नसकेका कारण पनि  अहिले वैदेशिक रोजगारीमा जानेहरुले हवाई टिकट अभावको समस्या भोग्नुपरेको जानकारी गराउँदै उनले अहिलेको बढ्दो पर्यटकको चाप र यहाँबाट विदेशिनेहरुको भीडले यस्तो कठिनाई भोग्नुपरेको बताए ।
‘विदेशी पर्यटकको चाप र अहिले जानेहरु मध्ये धेरैले उत्तैबाट हवाई टिकट बनाएर ल्याउने गरेकाले नयाँ टिकट अभाव भएको हो ’ उनले भने ।
उनले हरेक वर्ष सेक्टेम्बर देखि डिसेम्बरसम्म सो चाप बढ्ने बताए । हाल त्रिभुवन अन्तर्राष्ट्रिय विमानस्थलबाट मुलुकको एकमात्र राष्ट्रिय ध्वजावाहक नेपाल वायुसेवा निगम लगायत २८ ओटा अन्तर्राष्ट्रिय विमान कम्पनीहरुले खाडी मुलुक सहित विभिन्न मुलुकमा नियमित उडान भरिरहेका छन । सम्बन्धीत व्यवसायीका अनुसार अहिले सबै विमान कम्पनीहरुको सिट भरिएका छन ।
हेरिटेज कनेक्सन टुर एण्ड ट्राभलका प्रवन्ध निर्देशक श्याममदन केसीले  टिकट अभाव भएका कारण अहिले कतार एयरबाट दोहा जानेले १८हजार ५ सय  देखि २५ हजार रुपैयाँसम्मका सस्तो इकोनोमी टिकटलाई ३५ हजार रुपैयाँसम्म तिर्नुपर्ने बाध्यता रहेको बताए ।
हाल विमान कम्पनीहरुले सस्तो टिकट होल्ड गर्ने क्रम बढेकाले वैदेशिक रोजगारीमा जाने कामदारले भनेको बेला टिकट पाउनै मुस्कील भएको जानकारी दिँदै उनले बढी डलर तिर्ने यात्रु खोज्दाखोज्दै कुनै दिन त जहाजको आधा सिट खाली हुँदै उड्ने गरेको बताए ।
नेपाल वैदेशिक रोजगार व्यवसायी संघका अध्यक्ष बलबहादुर तामाङले पुनः काममा फर्कनेहरुलाई भन्दापनि नयाँ जानेहरुले मात्र टिकट अभावको समस्या भोग्नु परेको बताए । विदेश बसेर पुनः काममा फर्कनेहरुलाई सबै रोजगारदाता कम्पनीहरुले आवत–जावत दुबैतर्फि टिकट उपलब्ध गराउने भएकाले कुनै समस्या नहुने बताउँदै तामाङले भने, ‘यहाँबाट पहिलोपटक जाने कामदारले मात्र यस्तो समस्या भोग्नुपरेको हो’ ।

राडार मेसिन मर्मत थालिएकाले विमानस्थलको हवाई उडान प्रभावित
१९ ओटा आन्तरिक उडान रद्ध
मधुजंग पाण्डे÷राजधानी
काठमाडौ, ११ मंसिर
राडार मेसिन मर्मत कार्यले त्रिभुवन अन्तर्राष्ट्रिय विमानस्थलको हवाई उडान प्रभावित भएको छ ।
विमानस्थल व्यवस्थापनले नियमित परिक्षण तालिका अनुसार सोमबारबाट आकासमा उड्ने जहाजलाई दिशा निर्देस गर्ने देखि मौसमको अवस्था र उचाईबारे विस्तृत जानकारी दिने ‘राडार मेसिन’ मर्मतको काम थालेकाले अन्तर्राष्ट्रिय विमानस्थलदेखि मुलुकभरका विभिन्न सेक्टरमा चल्ने आन्तरिक हवाई उडान प्रभावित भएको हो । अन्तर्राष्ट्रिय विमानस्थल कार्यालयले सो मेसिन मर्मत कार्य आगामी बुधबारबाट मात्र सम्पन्न गर्ने लक्ष्य लिएको छ । मर्मत कार्य थाल्लुअघि विमानस्थल कार्यालयले सबै वायुसेवा कम्पनीहरुलाई नियमित उडान कार्यमा केही असर पर्ने सम्भावनालाई मध्येनजर गर्दै सकेसम्म उडान कटौती गर्न पत्राचार गरि जानकारी गराएको बताएको छ । विमानस्थलको महत्वपूर्ण अँग राडार मेसिन मर्मत–सम्भार कार्यले सोमबार दिनभर विभिन्न रुटमा जाने तयारी अवस्थाका १९ ओटा आन्तरिक उडान रद्ध भएका थिए ।  अधिकाँश उडान डिले हुनुकासाथै कतिपय विमान कम्पनीहरुले आफ्नो नियमित उडान संख्या नै कटौति गरेका थिए । जसका कारण यात्रुहरुले भनेको बेलामा गन्तब्यमा सकेका छैनन् । केही यात्रुहरु उडान नै रद्ध भएपछि विमानस्थलबाट घर फर्कन बाध्य भएका थिए । सो मर्मत कार्यले अन्तर्राष्ट्रिय उडानमा भने कुनै असर नपरेको विमानस्थल कार्यालयले जनाएको छ ।
विमानस्थल कार्यालयका महाप्रवन्धक रतिशचन्द्रलाल सुमनले राडार मेसिनको मर्मत कार्यले अहिले आन्तरिक उडान तर्फ केही प्रभावित भएको बताए । अहिले अन्तर्राष्ट्रिय उडानमा भने कुनै असर नपरेको जानकारी दिँदै महाप्रवन्धक सुमनले भने, ‘ अहिले हामी नियमित तालिका अनुसार राडार मेसिन मर्मत कार्यमा जुटेका छौं , लगातार तीन दिनसम्म मर्मतका काम निरन्तर चल्ने छ ’ । यसबाट आइपर्ने प्रभावका बारेमा आफुले यसअघि नै सबै वायुसेवा कम्पनीहरुलाई जानकारी गराईसकेको बताउँदै उनले भने, ‘ यो सामान्य नियमित तालिका अनुसारको परिक्षण मात्र हो , अहिले राडार मेसिनमा कुनै खराबी छैन ’ ।
सुरक्षित हवाई सेवा र नेपालको परिचय अन्तर्राष्ट्रिय जगतमा उच्च राख्न राडार एन्टीना लगायत विमानस्थल सुधारका कार्यलाई तिब्रताकासाथ अगाडी बढाएको बताए । विगतका वर्षहरुमा रकम अभावले सुधार एवं मर्मतका कार्य हुन कठिन परेको बताउँदै महाप्रवन्धक श्रेष्ठले भने,‘ हवाई सुरक्षामा हिसावले  यसपाली विमानस्थललाई निकै व्यवस्थीत र सुरक्षित बनाइने छ’ ।  उनले राडार मेसिन मर्मत भईरहँदा विमानस्थल व्यवस्थापनले एउटा जहाज र अर्को जहाजबीच १० देखि २० मिनेटको अन्तरमा उडान सञ्चालन गर्दै जानुपर्ने भएकाले अहिले आन्तरिक उडानमा केही समस्या आएको बताए ।
अन्तर्राष्ट्रिय विमानस्थलस्थित आन्तरिक ट्रर्मिनल शाखाका प्रवन्धक पूर्ण चुडालले राडार मेसिन मर्मत कार्यले सोमबार दिनभर विभिन्न रुटकालागि उड्ने तयारीमा रहेका १९ ओटा आन्तरिक उडान रद्ध भएको बताए ।
उनले विहानैदेखि थालिएको मर्मत कार्यले लुक्लाकालागि उड्न लागेका तारा एयरको ८, फाप्लु र भोजपुर विमानस्थल जान लागेका १÷१ ओटो जहाजको उडान रद्ध भएको बताए । यसैगरी बुद्ध एयरका पोखरा जान लागेका ३, सिमराको ३ र भोजपुर–जनकपुर जान लागेका ९ ओटा गरी साँझसम्म १९ ओटा उडान रद्ध भएको जानकारी दिए । उनले दिनभर अधिकाँश आन्तरिक उडान ढिलोगरि सञ्चालन गर्नुपरेको बताए ।
आकासमा उडेको जहाज कुन दिशामा कति दुरीमा रहेको छ भन्ने जानकारी राख्ने राडार मेसिन मर्मत कार्यले आन्तरिक उडान मात्र प्रभावित भएको बताए । दुई वर्ष अघि २०६७ साल २६ चैतदेखि १५ दिनभन्दा बढी समय लगाएर राडार मेसिन बनाउँदा पनि विमानस्थलको हवाई उडान यस्तै प्रभावित भएको थियो ।
उनले सुरक्षाको दृष्टिलाई मध्यनजर गरि  आफुहरुले अझै आन्तरिक उडान तर्फ धेरै उडान कटौती गरेको बताए । 
हवाई सुरक्षाको दृष्ट्रिले राडार मेसिन नियमित सुचारु हुनुपर्ने कार्य एकदमै महत्वपूर्ण भएपनि विमानस्थल कार्यालयले जडान भएको १२ वर्षसम्म र्ममत सम्भार गरेको थिएन । राडार मेसिनको मर्मत–सम्भार कार्य कम्तीमा हरेक ६÷६ वर्षमा हुनुपर्नेमा सो नभएकाले अहिलेको पर्यटकीय मौसममा बाध्य भएर उडान कटौती गर्नुपरेको नीजि विमान सेवा सञ्चालकहरुको गुनासो छ ।
हाल सञ्चालित विमानस्थलको राडार मेसिन सन १९९८ मा जापानले जडान गरिदिएको हो । सो मेसिन मर्मत गर्न जापानका तोसिवा कम्पनीका प्राविधिकहरु यहाँ कार्यरत छन । सो मेसिन मर्मतकालागि करिब एक अर्ब भन्दाबढी रकम खर्च भएको थियो । यस राडार मेसिन तोसिबा कम्पनीको हो ।

पुनः श्रम स्वीकृति लिनेहरुको संख्या ४१ हजार नाग्यो
सबैभन्दाबढी कतारमा
मधुजंग पाण्डे÷राजधानी
काठमाडौ, १३ मंसिर
चालु आर्थिक वर्षको वितेका चार महिनामा वैदेशिक रोजगारीकालागि विभिन्न मुलुकबाट घर विदामा आई पुनः श्रम स्वीकृति लिनेहरुको संख्या ४१ हजार नागेको  छ । वैदेशिक रोजगार विभागको तथ्याङक अनुसार चालु आव २०६९÷७० को कात्तिक मसान्तसम्ममा  पुनः श्रम स्वीकृति लिनेहरुको संख्या ४१ हजार ३ सय ७७ पुगेको हो । जसमा पुरुषको संख्या ३९ हजार ८ सय ८८ र महिला कामदारको संख्या १ हजार ४ सय ८९ जना रहेका छन ।
विभागका अनुसार गत कात्तिक महिनामा मात्र ९ हजार ३ सय ७३ जनाले पुनः श्रम स्वीकृति लिएका छन । सो संख्या असोज महिनाको भन्दा ३ सय ११ जनाले बढी हो ।  असोज महिनामा ९ हजार ६२ जनाले मात्र चार्डपर्व लगायत विभिन्न कामले घर विदामा आई  काममा फर्कनकालागि पुनः श्रम स्वीकृति लिएको विभागले जनाएको छ । चालु आवको पहिलो महिना साउनमा १२ हजार ७ सय ३२ जनाले पुनः श्रम स्वीकृति लिएका थिए । यसैगरि भदौ महिनामा १० हजार २ सय १० जनाले पुनः श्रम स्वीकृति लिएका थिए । विभागले आफ्नो वेभसाइडमा राखेको तथ्याङक अनुसार आवको पहिलो महिना साउनको तुलनामा कात्तिक महिनामा पुनः श्रम स्वीकृति लिने कामदारहरुको संख्यामा करिब ३ हजार भन्दाबढी घटेको देखिन्छ ।  
विभागका महानिर्देशक पूर्णचन्द्र भट्टराइले कात्तिकमा चार्डपर्व लगायत विभिन्न कामले घर विदामा आई पुनः श्रम स्वीकृति लिने कामदारहरुको संख्या सबैभन्दाबढी कतारमा रहेको बताए ।
सो अवधीमा खाडी मुलुक कतारमा २ हजार ८ सय १० जनाले पुनः श्रम स्वीकृति लिएको जानकारी दिँदै उनले सो संख्या अझै बढ्ने अनुमान गरिएको बताए । 
विभागले गत आर्थिक वर्षदेखि २ वर्षभन्दा बढी समय विदेशमा बसेर घर विदामा आएर फर्कने कामदारलाई अनिवार्य पुनः श्रम स्वीकृति लिनुपर्ने व्यवस्था गरेको छ । सो प्रावधान अनुसार पुनः श्रम स्वीकृति लिनकालागि हरेक कामदारले विभागमा पुगेर कल्याणकारी कोषमा १ हजार रुपैयाँ राजश्व बुझाउनुपर्छ । यसैगरि वैदेशिक रोजगारीकालागि पुनः श्रम स्वीकृति लिन ३५ वर्ष भन्दा कम उमेरका हरेक कामदारले बिमा बापत २ हजार रुपैयाँ शुल्क बुझाउनु पर्दछ । ३५ वर्ष उमेर कटेका हरुले भने  सो रकम भन्दा बढी बिमा शुल्क बुझाउनुपर्ने प्रावधान रहेको छ ।  वैदेशिक रोजगार व्यवसायीहरुले सरकारले लागु गरेको यस नयाँ प्रावधानको जानकारी नभएका कारण अहिले विभिन्न मुलुकबाट घर विदामा आएर फर्कने कामदारले अन्तर्राष्ट्रिय विमानस्थल पुगेर दुःख पाउने गरेको बताएका छन । उनीहरुले हाल विभागमै पुगेर पुनः श्रम स्वीकृति लिने कार्य विमानस्थलको श्रम डेक्सबाटै भईदिए कामदारले अनावस्यक सास्थी भोग्नु नपर्ने बताएका छन ।
नेपाल वैदेशिक रोजगार व्यवसायी संघका सचिव सुर्वण श्रेष्ठले
हाल विभागमै पुगेर गर्नुपर्ने पुनः श्रम स्वीकृति लिने कार्य विमानस्थलको श्रम डेक्सबाटै गर्नुपर्ने माग गरेकी छिन । उनले अहिलेसम्म विदेशबाट फर्कने कामदारलाई पुनः श्रम स्वीकृति लिनुपर्छ भन्ने जानकारी नभएकै कारण धेरैले बजेट जहाजको हवाई टिकटको रकम नै गुमाउनु परेको बताइन ।    

पुनः श्रम स्वीकृति लिनेहरुको संख्या ४१ हजार नाग्यो
सबैभन्दाबढी कतारमा
मधुजंग पाण्डे÷राजधानी
काठमाडौ, १३ मंसिर
चालु आर्थिक वर्षको वितेका चार महिनामा वैदेशिक रोजगारीकालागि विभिन्न मुलुकबाट घर विदामा आई पुनः श्रम स्वीकृति लिनेहरुको संख्या ४१ हजार नागेको  छ । वैदेशिक रोजगार विभागको तथ्याङक अनुसार चालु आव २०६९÷७० को कात्तिक मसान्तसम्ममा  पुनः श्रम स्वीकृति लिनेहरुको संख्या ४१ हजार ३ सय ७७ पुगेको हो । जसमा पुरुषको संख्या ३९ हजार ८ सय ८८ र महिला कामदारको संख्या १ हजार ४ सय ८९ जना रहेका छन ।
विभागका अनुसार गत कात्तिक महिनामा मात्र ९ हजार ३ सय ७३ जनाले पुनः श्रम स्वीकृति लिएका छन । सो संख्या असोज महिनाको भन्दा ३ सय ११ जनाले बढी हो ।  असोज महिनामा ९ हजार ६२ जनाले मात्र चार्डपर्व लगायत विभिन्न कामले घर विदामा आई  काममा फर्कनकालागि पुनः श्रम स्वीकृति लिएको विभागले जनाएको छ । चालु आवको पहिलो महिना साउनमा १२ हजार ७ सय ३२ जनाले पुनः श्रम स्वीकृति लिएका थिए । यसैगरि भदौ महिनामा १० हजार २ सय १० जनाले पुनः श्रम स्वीकृति लिएका थिए । विभागले आफ्नो वेभसाइडमा राखेको तथ्याङक अनुसार आवको पहिलो महिना साउनको तुलनामा कात्तिक महिनामा पुनः श्रम स्वीकृति लिने कामदारहरुको संख्यामा करिब ३ हजार भन्दाबढी घटेको देखिन्छ ।  
विभागका महानिर्देशक पूर्णचन्द्र भट्टराइले कात्तिकमा चार्डपर्व लगायत विभिन्न कामले घर विदामा आई पुनः श्रम स्वीकृति लिने कामदारहरुको संख्या सबैभन्दाबढी कतारमा रहेको बताए ।
सो अवधीमा खाडी मुलुक कतारमा २ हजार ८ सय १० जनाले पुनः श्रम स्वीकृति लिएको जानकारी दिँदै उनले सो संख्या अझै बढ्ने अनुमान गरिएको बताए । 
विभागले गत आर्थिक वर्षदेखि २ वर्षभन्दा बढी समय विदेशमा बसेर घर विदामा आएर फर्कने कामदारलाई अनिवार्य पुनः श्रम स्वीकृति लिनुपर्ने व्यवस्था गरेको छ । सो प्रावधान अनुसार पुनः श्रम स्वीकृति लिनकालागि हरेक कामदारले विभागमा पुगेर कल्याणकारी कोषमा १ हजार रुपैयाँ राजश्व बुझाउनुपर्छ । यसैगरि वैदेशिक रोजगारीकालागि पुनः श्रम स्वीकृति लिन ३५ वर्ष भन्दा कम उमेरका हरेक कामदारले बिमा बापत २ हजार रुपैयाँ शुल्क बुझाउनु पर्दछ । ३५ वर्ष उमेर कटेका हरुले भने  सो रकम भन्दा बढी बिमा शुल्क बुझाउनुपर्ने प्रावधान रहेको छ ।  वैदेशिक रोजगार व्यवसायीहरुले सरकारले लागु गरेको यस नयाँ प्रावधानको जानकारी नभएका कारण अहिले विभिन्न मुलुकबाट घर विदामा आएर फर्कने कामदारले अन्तर्राष्ट्रिय विमानस्थल पुगेर दुःख पाउने गरेको बताएका छन । उनीहरुले हाल विभागमै पुगेर पुनः श्रम स्वीकृति लिने कार्य विमानस्थलको श्रम डेक्सबाटै भईदिए कामदारले अनावस्यक सास्थी भोग्नु नपर्ने बताएका छन ।
नेपाल वैदेशिक रोजगार व्यवसायी संघका सचिव सुर्वण श्रेष्ठले
हाल विभागमै पुगेर गर्नुपर्ने पुनः श्रम स्वीकृति लिने कार्य विमानस्थलको श्रम डेक्सबाटै गर्नुपर्ने माग गरेकी छिन । उनले अहिलेसम्म विदेशबाट फर्कने कामदारलाई पुनः श्रम स्वीकृति लिनुपर्छ भन्ने जानकारी नभएकै कारण धेरैले बजेट जहाजको हवाई टिकटको रकम नै गुमाउनु परेको बताइन ।    

आन्तरिक उडान भर्न चीनबाट छ विमान खरिद गर्ने सम्झौता, 

निगममा प्रतिश्पर्धाबाट महाप्रवन्धक
काठमाडौ, १४ मंसिर– दुई दशकपछि नेपाली झण्डाबाहक नेपाल वायु सेवा निगमका लागि खुशीको खबर आएको छ । पहिलो निगमका लागि अन्तारिक उडान भर्न छ वटा विमान किन्ने सम्झौतामा हस्ताक्षर भएको छ, त्यही दिन दिउँसो मन्त्रिपरिषद्ले निगमको व्यवस्थापनमा पहिलोपटक खुला प्रतिश्पर्धाबाट महाप्रवन्धक नियुक्त गरेको छ ।
नेपाल सरकार र चिनियाँ जहाज उत्पादक एभिक इन्टरनेसनल एसियासँग विहिवार चीनमा निर्मित हवाईजहाज खरिद गर्ने सम्झौता भएको हो । संस्कृति, पर्यटन तथा नागरिक उड्डयन मन्त्रालयमा भएको सम्झौतामा चिनियाँ पक्षले वाई १२ र एम ए ६० ब्रान्डका छ वटा जहाज नेपाल वायुसेवा निगमलाई उपलब्ध गराउने छ ।
निगमका प्रवन्ध निर्देशक राजुबहादुर केसीका अनुसार चिनियाँ पक्षले ६ वटा जहाज तीन करोड ५० लाख अमेरिकी डलर(तीन अर्ब आठ करोड रुपैयाँ)मा उपलब्ध गराउन लागेको हो । सम्झौताअनुसार चिनियाँ पक्षले नेपाललाई एउटा वाई १२ र एउटा एम ए ६० सित्तैमा उपलब्ध गराउने छ । निगमले बाँकी चारवटा जहाजका लागि तीन अर्ब रुपैयाँ भुक्तानी गर्ने प्रवन्ध निर्देशक केसीले जानकारी दिनुभयो ।

चीनबाट ल्याउन लागिएको ५८ सिट क्षमताको यो विमान पोखरा, विराटनगर लगायतका रूटमा सञ्चालन गर्ने निगमको योजना छ

नेपालले ५८ सिट क्षमताको एउटा एमए ६० र १९ सिटको वाई १२ ई जहाज अनुदानमा पाउन लागेको हो भने एउटा एमए ६० र तीनवटा वाईं १२ ई सहुलियतपूर्ण ऋणमा किन्न लागेको हो । साढे तीन अर्ब डलर पनि निगमले चिनियाँ एक्जिम बैंकसँग ऋण लिनेछ । प्रवन्ध निर्देशक के.सीका अनुसार ऋण लिने तयारी पुरा भैसकेको छ । ऋण सम्झौतामा हस्ताक्षर हुनासाथ ती विमान नेपाल आउनेछ । निगमले एक्जिम बैंकसँग पाएको सहुलियतपूर्ण ऋण आगामी ३० वर्ष भित्र तिरे पुग्छ । पहिलो पाँ वर्ष साँवा र व्इाज पनि तिर्नुपर्दैन ।
विहिवार भएको सम्झौतामा नेपालका तर्फबाट संस्कृति, पर्यटन तथा नागरिक उड्डयन मन्त्रालयका सहसचिव रञ्जनकृष्ण अर्याल र निगमका प्रवन्ध निर्देशक केसीले हस्ताक्षर गर्नुभएको छ भने चिनियाँ पक्षबाट याङ र सोङले हस्ताक्षर गर्नुभएको छ ।निगमले अन्तराष्ट्रिय उडानका लागि पनि एयरबससँग पुरानै सम्झौतामा दुईवटा विमान दिन आग्रह गरिसकेको छ । यस विषयमा दुई पक्षवीच गत महिना छलफल समेत भएको थियो ।

चीनले नेपाललार्इ उपलब्ध गराउन लागेको १९ सिटे वार्इ १२ इ जहाज, यो जहाज निगमले दुर्गम स्थानमा उडाउने योजना बनाएको छ

एयरबसका बिमान किन्ने प्रक्रिया अहिले सरकारको कोर्टमा पुगेको छ । सरकारले असोज ३० गते शासकीय तथा आर्थिक सुधारको तत्कालीन कार्ययोजना २०६९ सार्वजनिक गर्दै निगमका लागि अन्तराष्ट्रिय उडानमा दुईवटा र आन्तरिक उडानमा छ वटा विमान खरिद गर्ने कार्ययोजना प्रस्ताव गरेको थियो । निगमले एक महिना भित्र खरिद प्रक्रिया सुनिश्च्ति नगर्ने पदाधिकारीलाई जिम्मेवारीबाट हटाउने चेतावनी पनि दिएको थियो ।
यही कार्ययोजना बमोजिम तोकिएको समयभन्दा १५ दिन ढिला गरी पर्यटन मन्त्रालयले आन्तरिक उडानका लागि छ वटा विमान किन्ने सुनिश्चित गरेको हो । विमान खरिद प्रक्रिया आगामी छ महिना भित्र पुरा गर्ने लक्ष्य पनि सरकारले लिएको छ ।
निगमको महाप्रवन्धकमा मदन खरेल
सरकारले नेपाल वायुसेवा निगमको महाप्रवन्धकमा मदन खरेललाई नियुक्त गरेको छ । खरेल निगममा कमर्सियल डाइरेक्टर पदमा कार्यरत थिए । सार्वजनिक संस्थान निर्देशन बोर्डले खरेल, देवचन्द्रलाल कर्ण र राजिवकुमार थापाको नाम निगमको महाप्रवन्धकका लागि सिफाशिर गरेको थियो ।

सिफारिश गरिएका तीन नाममध्ये विहिवारको मन्त्रिपरिषद् बैठकले खरेललाई नियुक्ति दिएको हो । खरेलले निगममा चार वर्षसम्म महाप्रवन्धको जिम्मेवारी पाउनेछन् । निगमका कार्यकारी अध्यक्ष मनरुप शाहीको उच्च शिक्षासम्वन्धी प्रमाणपत्र छानविन सुरु भएपछि राजिनामा दिएका थिए । शाही बाहिरिएपछि सरकारले निगमका वरिष्ठ कर्मचारीका रुपमा राजुबहादुर के.सीलाई निमित्त महाप्रवन्धकको जिम्मेवारी दिएको थियो ।
खरेलसँग निगमको व्यवस्थापकीय क्षमता सुधार गरेर विमान थप्नुपर्ने चुनौती छ । सरकारले निगमका लागि आन्तरिक उडान गर्न छ वटा र अन्तराष्ट्रिय उडान गर्न दुईवटा गरी आठ विमान किन्ने तयारी गर्दैछ । आन्तरिक उडानका लागि चीनबाट विमान खरिद गर्ने तयारी भैरहेको छ भने अन्तराष्ट्रिय उडानका लागि एयरबससँग खरिद गर्ने प्रक्रियामा छलफल चलिरहेको छ ।

भ्याट बिल माग्दा भिजिटिङ कार्ड दिन्छन व्यवसायी
मधुजंग पाण्डे÷राजधानी
काठमाडौं, २९ असोज
राजधानीका नाम चलेका ठुला व्यापारीहरुले समेत सामान विक्री गरेका उपभोक्तालाई बिल दिन मान्दैनन । उनीहरु विक्री भएका सामानको बिल दिनुको सट्टा ग्राहकलाई उल्टै भिजिटिङ कार्ड दिएर पठाउँछन ।
दसैंकालागि नयाँ कपडा लगायत अन्य सामान खरिद गरिरहेका अधिकाँश उपभोक्ताले अहिले राजधानीका धेरै व्यापारिले सामान किन्दा बिल नदिने गरेको गुनासो गरेका छन । धेरैपटक बिल माग्दापनि पसलेहरुले सरकारी नियमको बेवास्था गरि बिल दिन नमानेको उनीहरुको दावी छ । सोमबार इन्द्रचोकको एक कपडा पसलबाट १० हजार रुपैयाँको नयाँ कपडा र तीन हजार रुपैयाँको इलेक्ट्रोनिक्स सामान खरिद गरेका गोगँबुका अर्जुन खतिवडाले अहिले इन्द्रचोकका कपडा पसलेहरु, महावौद्ध र न्युरोड क्षेत्रका अधिकाँश व्यापारीले दसैंका सामान किन्दा बिल दिन नमानेको बताए ।
उनले धेरैपटक व्यापारिसँग अनुरोध गर्दापनि व्यवसायीले भ्याट बिल बनाउँदा तपाइँलाई नै घाटा लाग्छ त्यसैले बिल काट्नु भन्दा बरु भिजिटिङ कार्ड लिएर जानु भन्ने गरेको बताए । उनले विक्री भएको समानमा केही समस्या देखियो भनै मलाई खर्बर गर्न अथवा यो भिजिटिङ कार्ड लिएर आउनु भन्ने गरेको जानकारी दिए । 
अर्का उपभोक्ता गोलढुंगाका  श्याम कार्कीले महाबौद्ध स्थित केही पसलबाट १८ हजार रुपैयाँको एक थान टेलिभिजन र एउटा प्रेसरकुकर लगायतका अन्य सामान खरिद गर्दा सो पसलका व्यापारिले बिल नदिएको बताए ।
धेरै पटक अनुरोध गर्दापनि सो व्यापारिले भ्याट बिल नदिएको दावी गरे । उनले बल्ल टेलिभिजनको रफ बिल र पे्रसरकुकरको बिन नै नलिएर फर्किन बाध्य भएको बताए । बिल माग्दा उल्टै व्यवसायीले हप्काउने गरेको उनको भनाई छ ।       
आन्तरिक राजस्व विभागका महानिर्देशक टंकमणी शर्माले अटेर गरि बिलविजक जारी नगर्ने व्यापारिको सामान जफत गरि पसल बन्द गर्नेसम्मको कारबाही हुने बताए ।
उनले अहिलेसम्म विभिन्न सञ्चार माध्यामबाट धेरै पटक सार्वजनिक सूचना जारी गरेर  व्यापारी र उपभोक्तालाई सचेत गराउँदै आएपनि अझै बिलविजक जारी नगरि अटेर गर्नेहरुलाई स्थानीय प्रशासनको सहयोगमा सुरक्षाकर्मीको सहयोगमा कडा कारबाही गर्ने बताए । उनले अनुगमनको क्रममा अटेर गरि बिलविजक जारी नगरेको फेला परेमा त्यो व्यापारीको पसल र गोदाममा भएका सबै सामान जफत गरी कारोबार बन्द गर्ने सम्मको कारबाही हुने बताए । उनले बिलविजक जारी नगर्ने व्यापारीबाट राजश्व छलिएको जे जति हो सबै बस्तुहरुको मुल्याङकन गरि दण्ड जरिवना सहित कारबाही गर्ने दावी गरे ।
आन्तरिक राजस्व विभागले सामान बिक्रीको बिल नदिने व्यापारीलाई मात्रै होइन सामान किनेर बिल नमाग्ने क्रेतालाई पनि ठाउँको ठाउँ एक हजार रुपैयाँ जरिवाना तिराउने रणनीति अख्तियार गरेको छ । 
विभागले लिएको रणनीति अनुसार सामान खरिद गरेर बिल नलिने क्रेतालाई पनि ठाउँको ठाउँ भेट्ने वित्तिकै एक हजार रुपैयाँ जरिवना तिराउने छ । 
दसैंका लागि नयाँ कपडा लगायत विभिन्न बस्तुहरु खरिद गरि बिल लिनु भएको छैन भने अब तपाइँ पनि सरकारी अनुगमनकर्ताको फन्दामा पर्नुहोला ।
यदि आफुले खरिद गरेका सामानको बिलविजक नलिईकन तपाइँ बाहिरिंदै गर्नुहुन्छ भने आन्तिरक राजश्व विभागबाट बजार अनुगमनमा निस्किएका अनुगमन टोलीका प्रतिनिधीले समातेर तुरुन्तै ठाउँको ठाउँ एक हजार रुपैयाँ जरिवना तिराउँन सक्छन । होस पु¥याउनुहोला । नत्र तपाइँ पनि जरिवना सहित दण्डित हुनुपर्ने छ । 
मुल्य अभिवृद्धि कर ऐन–२०५२ बमोजिम बस्तु तथा सेवा विक्री गर्दा विक्रेताले क्रेतालाई अनिवार्य रुपमा बिल विजक दिनुपर्ने र क्रेताले पनि बिल–विजक लिनुपर्ने कानुनी प्रावधान अनुरुप सरकारी अनुगमनकर्ताले सामान विक्री गरेर बिल नदिने व्यापारीलाई कारबाही गर्ने छ ।  
विभागका महानिर्देशक शर्मा सो प्रयोजनका लागि विभागले अहिले मुलुकभर दैनिक एकसय जना  बजार निरीक्षक खटाइसकेको बताए ।
उनले हाल खाद्यान्न एवं दैनिक उपभोग्य बस्तुहरु बाहेकका अन्य मुल्य अभिवृद्धि कर (भ्याट) लाग्ने सामानको कारोबारमा मात्र सो नियम लागु हुने जानकारी दिए । चार्ड पर्वको समयमा हुने अवैध कारोवारलाई नियन्त्रण गर्ने उदेस्यकासाथ विगत दुई साता देखि नै बजार अनुगमन कार्यलाई तिब्रता दिएको बताउँदै महानिर्देशक शर्माले भने, ‘ अहिले राजधानीमा मात्र दैनिक ५० ओटा टोली बजार अनुगमनमा खट्टिएका छन’ । अनुगमनको क्रममा दोसी ठहरिएका विक्रेता र क्रेता दुवैले कानुनी प्रक्रिया अनुसार दण्ड संजाए भोग्नै पर्छ उनले भने । 
 उनले वार्षिक २० लाख भन्दा कम कारोबार हुने पसल एवं र्फमहरु भ्याटमा दर्ता नभएपनि हुने प्रावधान अनुसार ती व्यवसायीलाई सो नियम लागु नहुने बताए ।
वार्षिक २० लाख भन्दा बढी कारोबार हुने व्यवसायीले अनिवार्य भ्याट बिल जारी गर्नुपर्ने प्रावधान रहेको जानकारी गराउँदै उनले बिल–विजक जारी गरे नगरेको अनुगमन गर्न आन्तरिक राजश्व विभाग तथा मातहत कार्यालयबाट बजारमा कर अधिकृत सहितको टोली खटाईएको बताए ।
शर्माका अनुसार बिक्रेताले बिल–विजक जारी नगरेको पाईएमा वा कारोबार मूल्य भन्दा घटीमा बिल विजक जारी गरेको पाईएमा मूल्य अभिवृद्धि कर ऐन बमोजिम अनुगमनका परिचालन भएका कर अधिकृतले हरेक पटक तत्काल ठाउँको ठाउँ ५ हजार रुपैयाँ जरिवना तिराउने छ । यसैगरि ति अधिकारीले अवैघ कारोबारमा समलग्न व्यापारिक कम्पनी एवं फर्मको सबै खाता जफत गरि कारोबार समेत बन्द गर्नेसम्मको कारबाही हुने प्रावधान छ ।
उनले विभागले सोही प्रावधान अनुरुप चार्ड पर्वको बेला उपभोक्ता ठगिने अवस्थालाई नियन्त्रण गर्न बजार अनुगमन कार्यलाई तिब्रता दिएको बताए । उनले अनुगमनको क्रममा भ्याट बिल जारी गर्ने कार्यमा अटेर गरि नियतबस अवैध कारोबार गर्ने व्यवसायीलाई कडा कारबाही हुने बताए । उनले अहिले काठमाडौ उपत्यकाको विभिन्न भागमा १३ ओटै राजश्व कार्यालय कर सेवा केन्द्रका ५० टोली दैनिक अनुगमन कार्यमा परिचालन भईरहेको जानकारी दिए ।

पर्यटक आगमन घटेपछि व्यवसायी निरास
मधुजंग पाण्डे÷राजधानी
काठमाडौ, १९ कात्तिक
लामो समयदेखि बढ्दो क्रममा रहेको पर्यटक आगमन गत अक्टोबरमा एक्कासी घटेपछि पर्यटन व्यवसायी निरास भएका छन । उनीहरुले राजनीतिक अन्योलता एवं संक्रमणकालिन अवस्थाका कारण पहिलोपटक लोकतन्त्र स्थापनापछि वर्षकै सबैभन्दा राम्रो पर्यटकीय सिजन अक्टोबरमा पर्यटक आउनेक्रम घटेकोमा चिन्ता व्यक्त गरेका हुन । यहाँ अक्टोबर देखि डिसेम्बरसम्मको तीन महिनालाई वर्षकै राम्रो पर्यटकीय सिजनको रुपमा लिइन्छ ।
गत वर्È राष्ट्रिय महत्त्वका साथ मनाइएको पर्यटन वर्È २०११ को प्रचार–प्रसारका कारण पनि यस वर्È पर्यटक आगमन उल्लेख्य बढ्ने अपेÔा पर्यटन व्यवसायीले गरेका थिए । नेपालमा सन् २००९ को जुनदेखि पर्यटक आगमन वृद्धिदर सकारात्मक रह“दै आएको थियो । तर, २०१२ को अक्टोबरमा पर्यटक आगमन नकारात्मक देखिएकाले व्यवसायी निरास भएका हुन । सगरमाथा आरोहीसंघका अध्यक्ष वाङछु शेर्पाले गत वर्षको अक्टोबर महिनामा लुक्ला क्षेत्रको मौसम विग्रिएका कारण हवाई उडान रोकिएर लामो समयसम्म पर्यटकले भोग्नुपरेको सास्ती र अन्योलग्रस्त राजनीतिक अवस्थाले पर्यटक आगमन संख्या घटेको बताए । उनले सगरमाथा क्षेत्रको मौसम विग्रिएर हवाई उडान हुन नसकेको बेला जिरीबाट लुक्ला–सुर्केसम्म मोटरबाटो सञ्चालन गरि बैकल्पिक उपाएको व्यवस्था नभएकाले यसवर्ष पर्यटक आउने क्रम घटेको दावी गरे । उनले राम्रो पर्यटकीय मौसममा पनि पर्यटक आगमन संख्या घटेकाले अहिले व्यवसायी निरास भएको बताए । अक्टोबर महिनामा सबैभन्दा धेरै पर्यटक सगरमाथा र अन्नपूर्ण क्षेत्रको पदयात्रा भ्रमणकालागि आउने गरेको जानकारी दिँदै उनले गत वर्षको सोही अवधीमा खराब मौसमका कारण  धेरै पर्यटक अलपत्र पर्दापनि उद्धार गर्न नसकिएकाले नेपालको छवि विग्रिएकाले अहिले पर्यटक आगमन संख्या घटेको बताए । अहिले लुक्लाकालागि हवाई टिकट पाउनै मुस्कील भएकाले पनि विगतका वर्षहरुको तुलनामा पर्यटक घटेको उनको भनाई छ ।  शेर्पाले दलका नेताहरु व्यक्तिगत स्वार्थमा मात्र केन्द्रीत भएकाले अहिले संक्रमणकालिन अवस्थाको असर पर्यटन क्षेत्रमा परेको बताए ।  उनले सगरमाथा क्षेत्रका हिमश्रृंखलाको हिमाल आरोहण गर्न जानेहरुबाट संकलन भएको रोयल्टीको ३० प्रतिशत मात्र पूर्वाधार विस्तार एवं विकास निर्माणमा खर्च गरिएमा पर्यटक आउने क्रममा कुनै गिरावट नआउने दावी गरे ।
नेपाल एसोसियसन अफ टुर एण्ड ट्राभल एजेन्टस् ( नाट्टा) का महासचिव अच्चुत गुरागाइँले पनि राजनीतिक अस्थिरताका कारण यस वर्ष पर्यटक आउने क्रम घटेकाले व्यवसायीलाई थप निरास बताएको बताए । उनले वर्षकै राम्रो मौसममा पर्यटक घटेकाले लक्ष्य अनुरुप कारोबार नहुने भएपनि व्यवसायी निरास भएको बताए । त्रिभुवन अन्तर्राष्ट्रिय विमानस्थलस्थित  अध्यागमन कार्यालयको तथ्याङकलाई  आधार मानेर नेपाल पर्यटन बोर्डले जानकारी दिए अनुसार अक्टोबर महिनामा हवाई मार्गबाट आउने पर्यटक ७ दशमलब ३ प्रतिशतले घटेको छ । यस वर्ष अक्टोबरमा ६७ हजार ९ सय एकजना पर्यटक हवाई मार्गबाट नेपाल भित्रिएका छन् । गत वर्Èको अक्टोबरमा ७३ हजार दुई सय ६४ पर्यटक हवाई मार्गबाट नेपाल भित्रिएका थिए ।
गत वर्Èको अक्टोबरको तुलनामा सार्क मुलुकबाट आउने पर्यटक २८.५ प्रतिशतले घटेका छन् । यसैगरि युरोपीयन बजार तर्फ १७ दशमलब ५ प्रतिशतले पर्यटक घटेका छन् । बेलायती, फ्रेन्च, जर्मन तथा रुसी पर्यटकको संख्यामा पनि  गिरावट आएको छ । 

¥याडिसन होटलको संचित नोक्सानी २८ करोडमा झ¥यो 
काठमाडौ,२२ कात्तिक–ओरियण्टल होटल लिमिटेड (¥याडिसन होटल) को संचित नोक्सानी २८ करोडमा झरेको छ । सो होटलले गत आर्थिक वर्ष २०६८÷०६९ मा ११ करोड १५ लाख रुपैयाँ खुद नाफा आर्जन गरि कुल संचित नोक्सानी २८ करोड ३ लाख ३४ हजार ६७ रुपैयाँमा झारेको हो । यसअघि यस होटलको नोक्सानी ३९ करोड १८ लाख रुपैयाँ थियो ।
बुधबार राजधानीमा आयोजित १५ औं वार्षिक साधारण सभामा होटलका प्रवन्ध सञ्चालक विद्याकृष्ण(बिके) श्रेष्ठले वार्षिक प्रतिवेदन प्रस्तुत गर्दै सो जानकारी गराएका हुन । उनले २८ करोड नोक्सानी पुरानो संचिती मात्र भएको बताउँदै अहिले विगत केही वर्षदेखि लगातार नाफामा रहेको जानकारी दिए ।
उनले विगतका वर्षहरुको तुलनामा आव २०६८÷०६९ मा  सरकारले घोषणा गरेको लगानी वर्ष–२०१२÷१३ को सकारात्मक प्रभावका कारण मुलुकको आर्थिक क्षेत्रमा सुधार देखिएसँगै यस होटलको व्यवसायमा पनि सकारात्मक प्रभाव परेको बताए । पर्यटक आगमन संख्या बृद्धिसँगै होटलमा पनि गत आवको तुलनामा कुल कारोबारमा १७ दशमलब ७४ प्रतिशतले बृद्धि भएको जानकारी गराउँदै उनले हाल होटलले नयाँ भवन निर्माण गरि एक सय ओटा कोठा थप गरि क्षेमता विस्तार गरेको बताए । उनले पहिले १ सय ६० डिलक्स कोठाबाट व्यवसाय सुरु गरेको होटलले नयाँ भवनमा १ सय थप गरि कुल २ सय ६० ओटा कोठाबाट पाहुनालाई गुणस्तरीय सेवा दिईरहेको जानकारी दिए ।
प्रवन्ध सञ्चालक श्रेष्ठले जानकारी गराए अनुसार गत वर्ष ११ करोड १५ लाख रुपैयाँ खुद नाफा आर्जन गरेको होटलले आव २०६७÷०६८ मा ८ करोड १४ लाख नाफा गरेको थियो । उनले विगतका वर्षहरुमा भन्दा अहिले होटलको कोठा विक्री र अकुपेन्सीको मात्रामा पनि निकै सुधार आएको बताए ।
साधारण सभामा सहभागी सेयरधनीहरुले भने होटल व्यवस्थापनलाई समय अनुकुल सेवा सुविधा थप विस्तार गरि अघि बढ्न आग्रह गरेका थिए । उनीहरुले होटल व्यवस्थापनलाई पाहुनालाई दिने खानाको गुणस्तरीयता थप बृद्धि गर्ने कार्यमा पनि निकै सावधानीपूर्वक ध्यान दिन आग्रह गरेका थिए । 

जहाज किन्न पुरानै प्रक्रिया अघि बढाउने सहमति 
मधुजंग पाण्डे÷राजधानी
काठमाडौ, २२ कात्तिक
नेपाल वायुसेवा निगम र युरोपेली जहाज उत्पादक कम्पनी एयरबसका प्रतिनीधिबीच मंगलबारबाट जारी वार्ता बुधबार साँझ सम्पन्न भएको छ ।
सो वार्ता एयरबससँगको पुरानै सम्झौता अनुरुप नयाँ जहाज खरिद प्रक्रिया तत्काल अघि बढाउने सहमतिका साथ टुंगिएको बताइएको छ । दुई दिनसम्म चलेको वार्ता निकै सौहार्दपूर्ण रहेको निगमले जनाएको छ । 
राष्ट्रिय ध्वजाबाहक निगमले नयाँ जहाज किन्ने प्रक्रिया अघि बढाउन युरोपेली जहाज उत्पादक एयरबसका प्रतिनिधिलाई उसले बिक्री गर्ने जहाजको मूल्य र नेपाल ल्याउन लाग्ने सबै खर्चबारे विस्तृत जानकारी लिन मंगलबारबाट वार्ता थालेको थियो ।
निगमको निमन्त्रणामा फ्रान्सेली उत्पादक एयरबसका तीन सदस्यीय प्रतिनिधि मंगलबार विहान काठमाडौं आइपुगेका थिए । उनीहरुले वार्तामा निगमसँगको पुरानै सम्झौता अघि बढाउन सहमति जनाएको निगमका कामु महाप्रवन्धक राजुबहादुर केसीले बताए । वार्तामा निगम टोलीको नेतृत्व उनलै गरेका थिए । 
एयरबस र निगमका तीन÷तीनजना उच्च अधिकारीबीच निगमलाई आवश्यक २ ओटा जहाज खरिद–बिक्रिबारे विस्तृत छलफल भएको थियो । वार्तामा एयरबस टोलीको नेतृत्व वरिष्ठ बिक्री तथा बजार निर्देशक शील शुक्लले गरेका थिए । वार्तामा निगमबाट सञ्चालक समितिका सदस्य अशोक पोखरेल र कर्पोरेट डाइरेक्टर एवं प्रवक्ता सरोज कसजु पनि सहभागी थिए ।
कामु महाप्रबन्धक केसीले दुई दिनसम्म चलेको वार्ता एयरबससँगको पुरानै सम्झौता अनुरुप नयाँ जहाज खरिद प्रक्रिया तत्काल अघि बढाउने सहमतिका साथ सम्पन्न भएको बताए ।
एयरबसका प्रतिनिधि निगमलाई ३२ करोड रुपैयाँभन्दा बढी घाटा खाएरै भए पनि पुरानै सम्झौता अनुरुप जहाज बेच्न सकारात्मक देखिएकाले वार्ता निकै फलदायी भएको केसीले बताए ।
पहिले उनीहरुको कुरा सुनेर आफूहरुले पनि यहाँको अवस्था र कानुनी प्रक्रियाबारे जानकारी गराएको बताउँदै केसीले भने, ‘उनीहरु विगतकै खरिद समझदारी अनुसार पुरानै भाउमा जहाज दिन निकै लचकदार थिए । अब हामी वार्ताको निष्कर्Èबारे सरकारलाई जानकारी दिन्छौं र सरकारबाट आउने निर्देशन अनुसार काम गर्छौं ।’ केसीले खरिद प्रक्रिया छिट्टै अघि बढ्ने पनि बताए ।
एयरबसस“ग १ सय ५० सिट Ôमताका दुईओटा ए–३२० मोडेलका जहाज किन्नेबारे दुई दिनसम्म वार्ता गर्ने कार्यक्रम तय भएको निगमले जनाएको छ ।

निगमलाई नयाँ जहाज किन्न वार्ता सुरु
मधुजंग पाण्डे÷राजधानी
काठमाडौं, २१ कात्तिक
राष्ट्रिय ध्वजाबाहक नेपाल वायुसेवा निगमले नयाँ जहाज किन्ने प्रक्रिया अघि बढाउन युरोपेली जहाज उत्पादक एयरबसका प्रतिनीधिस“ग मंगलबारबाट वार्ता थालेको छ ।
निगमको निमन्त्रणामा फ्रान्सेली उत्पादक एयरबसका तीन सदस्यीय प्रतिनिधि मंगलबार विहान काठमाडौं आइपुगेका हुन् । उनीहरुसँगको छलफल जारी छ ।
एयरबसका तीन र निगमका पनि तीन उच्च अधिकारीबीच मंगलबार दिउ“सो २ बजेबाट सा“झ ६ बजेसम्म लगातार चार घन्टा जहाज खरिद–बित्रिबारे वार्ता भएको थियो । एयरबस टोलीको नेतृत्व वरिष्ठ बिक्री तथा बजार निर्देशक शील शुक्लले गरेका छन्। निगम टोलीको नेतृत्व सञ्चालक समितिका सदस्य अशोक पोखरेलले गरेका छन् । यसैगरि बार्ता टोलीका अन्य सदस्यहरुमा निगमका कामु महाप्रबन्धक राजुबहादुर केसी र कर्पोरेट डाइरेक्टर एवं प्रवक्ता सरोज कसजु छन्।
निगमका कामु महाप्रबन्धक राजुबहादुर केसीले नयाँ जहाज खरिद प्रक्रियाका लागि निगमसँग वार्ता गर्न एयरबस टोली बिहानै काठमाडौं आइपुगेको केही  समयपछि छलफल सुरु भएको बताए । उनका अनुसार छलफल जारी छ ।
आफ्नो जहाज बिक्री गर्न आएका एयरबस प्रतिनिधिसँग लगातार दुई दिन वार्ता हुने जानकारी दिँदै केसीले भने, ‘उनीहरु हामीस“ग विगतमा भएको जहाज खरिद समझदारीदेखि नया“ उत्पादनबारे छलफल गर्न यहाँ आइपुगेका हुन् ।’ केसीले अहिलेको वार्ताबाट भने नयाँ निकास निस्कने अपेक्षा गरिएको बताए । मंगलबारको छलफलमा उनीहरुको कुरा सुनेर आफूहरुले पनि यहाँको अवस्था र कानुनी प्रक्रियाबारे जानकारी गराएको बताउँदै उनले थपे ‘उनीहरु विगतकै खरिद समझदारी अनुसार पुरानै भाउमा जहाज दिन चाहन्छन् कि चाह“दैनन्, त्यो बुझेपछि वार्ताको निष्कर्Èबारे सरकारलाई जानकारी दिन्छौं र सरकारबाट आउने निर्देशन अनुसार काम गर्छाैं ।’
एयरबसस“ग १ सय ५० सिट Ôमताका दुईओटा ए–३२० मोडेलका जहाज किन्नेबारे दुई दिनसम्म वार्ता गर्ने कार्यक्रम तय भएको निगमले जनाएको छ । निगमका अर्का एक अधिकारीले एयरबसस“ग पुरानै समझदारीमा जहाज खरिद गरे फाइदा हुने तर, नया“ प्रक्रिया अघि बढाए ३७ लाख डलर (३२ करोड ३७ लाख रुपैया“) मह“गो पर्ने बताए ।
नया“ खरिद प्रक्रिया अघि बढाउन पुनः ग्लोबल टेन्डर आह्वान गर्ने र पुरानै प्रक्रिया अगाडि बढाए छिट्टै काम फत्ते हुने दावी गर्दै ती अधिकारीले भने, ‘एयरबसले पनि यसअघि नै पुरानै भाउमा जहाज दिने आशयको पत्र पठाएको छ । अब काम सुरु गरे दुई वर्Èभित्र दुईओटा ठूला जहाज आइसक्ने उनले बताए ।
सरकारले दसैंअघि निगमका लागि अन्तर्राष्ट्रिय उडान विस्तार गर्न दुईओटा र आन्तरिक उडानका लागि कम्तीमा ६ ओटा जहाज खरिद गर्ने निर्णय गरेको थियो ।
खरिद प्रक्रिया एक महिनाभित्र सुनिश्चित नगर्ने पदाधिकारीलाई जिम्मेवारीबाट हटाउने निर्णय समेत सरकारले गरेको थियो ।
दसैंअघि सरकारले जारी गरेको ‘शासकीय तथा आर्थिक सुधारको तत्कालीन कार्ययोजना–२०६९’ मा पनि निगमलाई ६ महिनाभित्र ८ ओटा नयाँ जहाज किनिदिने उल्लेख छ । जहाज खरिदको मुख्य जिम्मेवार निकाय संस्कृति, पर्यटन तथा नागरिक उड्डयन मन्त्रालय र सहयोगी निकाय अर्थ मन्त्रालय हो ।
सरकारको निर्देशनपछि बसेको निगम सञ्चालक समितिको बैठकले एयरबस टोलीलाई वार्तामा बोलाउने निर्णय गरेको थियो । नयाँ जहाज खरिद प्रक्रिया अघि बढाउन निगमले दसैंअघि नै पत्राचार गरेको थियो ।
अन्तर्राष्ट्रिय उडानका लागि निगमलाई दुई ठूला जहाज बेच्ने गरी एयरबसले निगमको ‘ग्लोबल टेन्डर’ जिते पनि व्यवस्थापनले काम पूरा गर्न सकेको थिएन ।  एउटा वाइड र अर्को न्यारोबडी गरी २ ओटा जहाज किन्न निगम व्यवस्थापनले बैना स्वरुप ७ लाख ५० हजार अमेरिकी डलर पठाए पनि यहा“को प्रक्रिया रोकिएपछि एयरबसले सो रकम फिर्ता गरिदिएको थियो ।
विगतको समझदारी अनुसार निगमले २०६६ साल ९ कात्तिकमा एयरबसको जहाज खरिद गर्ने निर्णय गरेको थियो । 
निगमन व्यवस्थापनले २०६५ साल २५ चैतमा टेन्डर मागेर २०६६ साल ८ जेठमा टेन्डर खोलेको पा“च महिनापछि जहाज किन्ने निर्णय गरेको थियो ।
सोही बेलाको बोलपत्रमा  एयरबसस“ग अमेरिकी जहाज निर्माता बोइङ प्रतिस्पर्धामा उत्रिएको थियो । निगमले १ सय ५० सिट Ôमताको ए३२०–२०० न्यारो बडी र २ सय ७० सिटे ए–३३०–२०० वाइड बडी खरिद गर्न लागेको थियो ।
सोही बेला एयरबसले निगमलाई ४ करोड १२ लाख ८९ हजार डलरमा न्यारो बडी र ९ करोड २८ लाख ४५ हजार डलरमा वाइड बडी बेच्ने प्रस्ताव गरेको थियो । निगमले कर्मचारी सञ्चय कोÈबाट १० अर्ब रुपैया“ ऋण लिएर जहाज किन्ने निर्णय गरेको थियो । तर, कोÈले सरकारको जमानी चाहिने सर्त राखेकाले सो निर्णय लम्बिएको थियो ।
तत्कालीन संसदको सार्वजनिक लेखा समितिले निगमको जहाज खरिद प्रक्रिया सार्वजनिक खरिद ऐन विपरीत भएको भन्दै रद्द गर्न निर्देशन दिएको थियो । सोही बेलाखेखि नयाँ जहाज खरिद प्रक्रिया अहिलेसम्म अन्योलमा थियो । यसैगरी १० जेठ २०६७ मा अर्थ मन्त्रालयले पनि जहाज खरिद प्रक्रिया रद्द गरी बैना रकमको ब्याज सहित असुल गरेर सम्बद्ध अधिकारीलाई कारबाही गर्न निर्देशन दिएको थियो ।
निगमका तत्कालीन कार्यकारी अध्यÔ सुगतरत्न कंसाकार सहित ६ जना उच्च अधिकारीले एयरबसलाई बैना पठाइ निगमलाई नोक्सान पु¥याएको ठहर गरी अख्तियारले उनीहरु विरुद्ध ९ पुस २०६६ मा विशेÈ अदालतमा मुद्दा हालेको थियो । एयरबसस“गको समझदारीमा बैना फिर्ता नहुने उल्लेख भए पनि एयरबसले बैना रकम निगमको खातामा पठाइदिएको थियो । कंसाकारले अदालतबाट सफाइ पाएका थिए ।

यातायात व्यवस्था सेवा केन्द्रमा सर्भर बिजोग
सेवाग्रहीलाई राजस्व बुझाउनै मुस्किल 
मधुजंग पाण्डे÷राजधानी
काठमाडौं, २० कात्तिक
यातायत व्यवस्था विभाग,वागमती अञ्चल यातायात व्यवस्था कार्यालय एकान्त कुनाबाट तार टाँगेर यहाँ ल्याएको सर्भर (नेटवर्क) को तार बाफलमा चुँडिएको छ, तपाईंहरू लाइन नबस्नुस् र भोलि आउनुस् । 
यातायात व्यवस्था सेवा केन्द्र, सानो भ¥याङ पुगेका सेवाग्रहीलाई भोलिको निम्तो दिंदै केन्द्रका कर्मचारी कराउँदै थिए । तार बनाउने मान्छे भर्खर केन्द्रबाट जाँदै छ रे भन्ने जानकारी पाएका छौं । बिग्रिएको नेटर्वक आज नबन्ने भएको छ । त्यसैले तपाईँहरु घर गए हुन्छ । यदि बनिहाल्यो भनेपनि साढे १ बजेपछि सवारी साधनको बिलबुक नविकरण गर्ने काम बन्द हुन्छ । २ घण्टा भन्दा वढी देखि लाइन बसी राजश्व बुझाउन आएका सर्वसाधारणलाई केन्द्रका कर्मचारी ठुलो स्वरले भन्दै थिए ।
आफ्ना सवारी साधनको बिलबुक नविकरण गर्न राजश्व बुझाउन नपाएका सेवाग्राही सोमबार मध्यान्हसम्म पनि सर्भर नबनेपछि निरास हुँदै फर्के ।
इन्टरनेट सुविधाका लागि नेपालमा विभिन्न प्रविधी भित्रि सकेको भएपनि दैनिक करिब १५ लाख राजश्व संकलन हुने सो सेवा केन्द्र भने अहिले पनि परम्परागत शैलीमा नै ७ किलोमिटर टाढाबाट तार टाँगेर कार्य गरिरहेको छ ।
विहान १० देखि साढे १ बजेसम्म मात्र बिलबुक नविकरणका लागि राजश्व बुझाउने यस सेवा केन्द्रमा कार्यालय खोल्ने बित्तिकै २÷४ जनाको काम सिध्याउन नपाउँदै नेटवर्कको तार बिग्रिएको थियो । 
सेवा केन्द्रका प्रमुख मुक्तिराम अर्यालले एकान्तकुना स्थित केन्द्रको मुख्य कम्प्युटरबाट ल्याएको सर्भरको तार बाफलमा चुँडिएकाले यस्तो समस्या आइपरेको बताए । उनले एउटा भवनभित्रका केही कम्प्युरमा मात्र सञ्चालन हुने सर्भर (नेटवर्क) को एउटै तारबाट हामिले एक जिल्लादेखि अर्को जिल्लाका कार्यालयको कम्प्युटरमा जोडेर काम गरिरहेकाले अहिले यस्तो समस्या भोग्नुपरेको बताए ।
उनले लामो दुरीमा पनि एउटै सर्भरको तारबाटै सवारी साधनको बिलबुक नविकरण गर्न कम्प्युटर प्रणालीबाट राजश्व बुझने गरिएकाले यसअघि पनि धेरैपटक तारको गडबढीका कारण सेवाग्राहीले यस्तै सास्ती खेप्नुपरेको बताए । उनले यहाँका कर्मचारी र सेवाग्राहीले  यस्तो समस्या हरेक साता भोग्दै आएको जानकारी दिए । हाल टेलिकमले एडिएसएल र अन्य प्रविधीबाट तार बिना पनि एक कम्प्युटरको डाटा अर्को कम्प्युटरमा हेर्न सकिने र सोही प्रविधीबाट धेरैओटा कम्प्युटरमा काम गर्न सकिने सुविधा आईसकेको छ ।
उनले यहाँ पनि वायरलेसबाटै सर्भरमा भएका सबै काम इन्टरनेटमा सुविधा मिलाउन सकिएमा यस्तो समस्या नरहने दावी गरे । उनले धेरै पटक भोग्नुपरेको सो समस्या समाधान गर्न पटक पटक केन्द्रमा जानकारी गराए पनि अहिलेसम्म केही नभएको बताए ।
अभावै अभावका बाबजुत पनि आफुहरुले सेवाग्राहीलाई राम्रो सेवा दिईरहेको उनको दावी छ । सेवा केन्द्रका प्रमुख अर्यालले हाल यहाँ पार्किङ र सुरक्षाको अभाव पनि उस्तै समस्याको रुपमा रहेको बताए ।  उनले दैनिक सयौं सेवाग्राही लाइन लाग्ने यस केन्द्रमा हाल एउटा कम्प्युटरबाट मात्र इ–बिलिङको काम भईरहेको बताए । उनले धेरैपटक केन्द्रलाई आवस्यक गाडी माग्दा विभागले नदिएकाले दैनिक संकलन हुने करिब १५ लाख रुपैयाँ बैंकमा जम्मा गर्न जाँदा समेत ट्याक्सी प्रयोग गर्नुपरेकाले निकै असुरक्षित भईरहेको बताए ।    
वार्Èिक साढे ६ अर्ब बढी राजस्व संकलन गर्ने यातायात व्यवस्था विभागले सवारी साधन र अनुमतिपत्रलाई वैज्ञानिक एवं अत्याधुनिक सुविधायुक्त बनाउन कम्प्युटर प्रर्णालीमा राख्ने विधि अपनाइए पनि बिलबुक नविकरण गर्न समेत धेरैपटक सास्ती खेप्नुपरेको अधिकाँश सेवाग्राहीको गुनासो छ । सर्भर विग्रिएकै कारण सोमबार दुई घण्टा लाइनमा बस्दापनि आफ्नो विलबुक नविकरण गर्न नपाएर घर फर्किन बाध्य दिनेश कोइरालाले भने, ‘ मैले यही ठाउँमा अहिलेसम्म तीनपटक यो समस्या भोगेको छु’ ।  
दुई र चारपाङग्रे गरि मुलुकभरका १३ लाख भन्दाबढी सवारी साधनको विस्तृत विवरण राख्ने विभाग अन्तरगतका सेवा केन्द्रको यो हविगतले धेरै सेवाग्राही मारमा परेको उनको भनाई छ ।  हालसम्म ढड्डा प्रणाली पछि अपनाउ“दै आएको विभागको ई–बिलिङ सेवा अन्तर्गत सबै सवारी साधनको कर तिरेको विवरण एसएमएस र वेबसाइटमा हेर्न मिल्ने व्यवस्था २०६६ देखि थालिएको थियो । २०६६ सालको १६ माघमा विभागले बागमती अञ्चलमा बढ्दो सेवाग्राही चापलाई मध्यनजर गर्दै विभागको हल्चोकस्थित सानो भ¥याङमा सो सेवाकेन्द्र भाडामा लिएको थियो । यस सेवा केन्द्रबाट हाल भाडा बाहेकका सबै सवारी प्रदुषण जाँच, सवारी कर नविकरण, रुप परमिट नविकरण र अस्थायी ( पटके) रुट परमिटको कार्य हुँदै आएको छ ।